完整藏文原文 · 德格版页 当前仅加载第 98 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་གསེར་དུ་གཅིག་པ་ལས། །དབྱིབས་དང་གཟུགས་ནི་ཐ་དད་པར། །བྱིས་པས་སོ་སོའི་མིང་དུ་གྲགས། །གྲགས་ཀྱང་གསེར་གྱི་ངོ་བོར་གཅིག །དེ་བཞིན་སེམས་ཀྱི་རང་བཞིན་ལ། །འཁྲུལ་དང་མ་འཁྲུལ་ཁྱད་པར་གྱིས། །ཇི་ལྟར་བལྟས་དགུ་
D831.098.0016b01.01དེར་སྣང་ཡང་། །སྣང་ཡང་སེམས་ལས་གཞན་མི་དམིགས། །སྒྲོན་མར་འབར་བའི་རིན་ཆེན་ནི། །གལ་ཏེ་ངན་ཁུང་སྦས་གྱུར་ཀྱང་། །དེ་ཉིད་ཡོན་ཏན་རང་སྣང་བས། །འོད་ནི་མཁའ་ལ་གསལ་བར་འགྱུར། །དེ་བཞིན་སེམས་ཉིད་རིན་ཆེན་སྒྲོན། །
D831.098.0016b02.01ལུས་ངག་འཁོར་བར་བྱིང་གྱུར་ཀྱང་། །རང་བྱུང་རང་ཞི་རབ་སྣང་བས། །ཤེས་རབ་ཆོས་ཉིད་མཁའ་ལ་གསལ། །སེམས་ཉིད་ནམ་མཁའ་འདྲར་མཚུངས་ཏེ། །ཀུན་ཁྱབ་སྟོང་གསལ་སྣ་ཚོགས་འབྱུང་། །བྱུང་ཚོར་གཡོ་འགོག་ཐམས་ཅད་ཀྱང་། །རང་
D831.098.0016b03.01བཞིན་གྱིས་འབྱུང་ངང་གིས་ཞི། །མདོར་ན་ཇི་ལྟར་བརྟགས་བསམས་བཞིན། །འགྱུར་བས་ཐམས་ཅད་ངོ་བོར་སྣང་། །མ་བཅོས་གཡོ་བ་མེད་ཉིད་ལ། །སྣ་ཚོགས་རྒྱུ་འབྱུང་མི་སྐྱོན་ཞིང་། །ཆོ་འཕྲུལ་མི་འགག་ཉམ་ང་མེད། །ཅི་བཞིན་ནམ་མཁའི་རང་བཞིན་
D831.098.0016b04.01ལ། །བློ་བཞག་མ་གཡེངས་ཁོ་ནར་ཟད། །དེ་ནི་སྐྱེས་མཆོག་དོན་པོ་ཆེ། །དེ་སེམས་དུས་གསུམ་ཐམས་ཅད་ཀྱི། །སངས་རྒྱས་འབྱུང་བའི་ངོ་བོ་ཡིན། །དེ་ལྟའི་དོན་ལ་རིང་ཞིག་ནས། །ཤེས་ཤིང་འདྲིས་པར་གྱུར་པ་ན། །ངེས་དོན་མཐོང་བའི་ཉམས་དྲོད་ནི། །
D831.098.0016b05.01དོན་དང་མཇལ་བའི་རྟགས་ཆེན་ཡང་། །མན་ངག་ལུང་གིས་བརྒྱད་འཆར་ཏེ། །ངེས་པར་དོན་གསུམ་མྱོང་བར་འགྱུར། །དེ་དག་ཐོག་ཏུ་ཕེབས་པ་ཡི། །དྲོད་ཆེན་རྟགས་སུ་བསྟན་པ་ཡིན། །དེ་ཡི་ཞར་ལས་བྱུང་བའི་དྲོད། །འཁོར་བའི་ཆོས་ལ་སྙིང་རྗེ་ཡི། །བྱང་ཆུབ་
D831.098.0016b06.01སེམས་ཀྱང་སྐྱེ་བར་འགྱུར། །མཚན་མ་རྟོག་པའི་ཆོས་རྣམས་ལ། །ཡིད་མི་ཆེས་པའི་འདུ་ཤེས་སྐྱེ། །ཆོས་རྣམས་འདི་ལྟར་ཡིན་པ་ལས། །འདི་ལྟར་འཁྲུལ་པ་ངོ་མཚར་ཆེ། །ཡ་མཚན་དཔྱོད་པའི་འདུ་ཤེས་འབྱུང་། །འདི་དོན་མ་ཤེས་འགྲོ་བ་རྣམས། །
D831.098.0016b07.01