完整藏文原文 · 德格版页 当前仅加载第 98 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་གིས་སེམས་ཤོར་ན། །ཤན་པ་གསོད་པའི་རིག་འཛིན་དུ། །ལྟུང་འགྱུར་སྡིག་པའི་རི་བོ་ཡིན། །རྒྱལ་བ་རྣམས་ནི་གཙང་བས་ན། །གང་ཚེ་བདེ་གཤེགས་རྒྱལ་བའི་ཞལ། །མི་གཙང་རྣམ་པ་སྣ་ཚོགས་ཀྱིས། །ཡོངས་སུ་བསྟབས་པར་གྱུར་
D831.098.0085a01.01ན་ཀོ། །དེ་ཚེ་ལས་ཀྱི་རྣམ་སྨིན་གྱིས། །ཐར་མེད་ནད་ཀྱིས་བཟུང་ནས་ནི། །འདམ་དུ་བྱིང་བར་མི་འགྱུར་རམ། །ཤ་དང་ཁྲག་ལ་སོགས་པའི་ཟས། །དཀུ་བའི་རྔད་ཟས་ཆེན་པོ་སྟེ། །གང་གིས་ཟོས་པའི་ལུས་རྣམས་ལ། །འབྱུང་པོ་དྲི་ཟ་ཀུན་འདུས་ནས། །དྲི་མནམ་
D831.098.0085a02.01རོ་དང་བཅུད་རྣམས་འབྱིན། །དེས་ནི་གཟི་མདངས་ཡལ་འགྱུར་ན། །ཅི་ཕྱིར་ཅི་སྟེ་དེ་རྣམས་བཟའ། །སེམས་ཉིད་རིན་ཆེན་ཡོད་བཞིན་དུ། །གཞན་གྱི་རིན་ཆེན་སྤྱོད་བྱེད་པ། །ལོག་པས་ལོག་པ་ལེན་པའི་ཆོས། །འདི་དག་མདུད་པ་དམ་པོ་ཡིན། །དཀར་གནག་ལས་ལ་
D831.098.0085a03.01ཁྱད་མེད་ཅེས། །ཐམས་ཅད་ཁྲ་བོས་སྤྱོད་པ་ནི། །རིགས་མེད་རིགས་ཆད་ལོག་པའི་ལས། །འབྲས་བུ་ལོག་པའི་ཁམས་སུ་འགྱུར། །བདེ་གཤེགས་མཉེས་བྱའི་ལས་རྣམས་ལ། །ཡན་ལག་ཚིག་ཏུ་མ་དག་ན། །ཉེས་བྱས་ལས་ཀྱི་རྒྱུ་དེས་ནི། །གང་གི་དུས་རྣམས་
D831.098.0085a04.01ཐམས་ཅད་དུ། །དབང་པོ་ཡན་ལག་མ་ཚང་ཞིང་། །དྲན་པའི་སྙིང་པོ་ཉམས་པར་འགྱུར། །རིག་པ་འཛིན་པའི་རྣལ་འབྱོར་པས། །བདེར་གཤེགས་རྒྱལ་བ་སྒོམ་ཟློས་པ། །ཆོ་འཕྲུལ་ཁྲོ་ཚུལ་བསྟན་པ་ལྟར། །མཚན་མ་ཉིད་དུ་དེར་གོ་ན། །ལས་ཀྱི་སྲིན་པོའི་རིག་འཛིན་
D831.098.0085a05.01ཡིན། །རྒྱན་དང་ཆ་ལུགས་ཐམས་ཅད་ཀུན། །མཚན་མ་ཉིད་དུ་བརྟགས་གྱུར་ན། །ཅི་ལའང་རྟོག་ཅིང་ཆགས་པ་ཡི། །འཛིན་པའི་ཕུར་པ་ཆེན་པོར་འགྱུར། །ཨ་དང་ཧཱུྃ་ལ་སོགས་པ་ཡི། །རྒྱུ་ཡི་ཡི་གེ་ཐམས་ཅད་ཀུན། །མཚན་མ་ཉིད་དུ་དེར་བརྟགས་ན། །ཙནྡན་
D831.098.0085a06.01སྦྲུལ་གདུག་ལ་སོགས་པར། །ལྟུང་འགྱུར་རྟོག་པའི་གེགས་ཆེན་ཡིན། །ཁྲག་ལ་སོགས་པའི་རྫས་ཆེན་ལྔ། །དེ་ཉིད་དངོས་པོར་དེ་བརྟགས་ན། །འབྱུང་པོ་ཁྲག་གི་དྲི་མནམ་པའི། །ལུས་ལེན་རིགས་ནི་འཛིན་པ་ཡི། །མ་བདུན་རྔམ་པའི་ཆ་ལུགས་སུ། །གང་
D831.098.0085a07.01