完整藏文原文 · 德格版页 当前仅加载第 98 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་མེ་དཔུང་བྲི། །གྲུ་བཞིའི་དམར་པོ་བང་རིམ་ལ། །རིགས་བཞི་ལྷ་མཆོག་དཔལ་ལྡན་གཞག །ཡན་ལག་མགོ་མཚན་གཡས་གཡོན་བརྒྱད། །དབང་ཕྱུག་གནས་ཀྱི་བདག་མོ་བརྒྱད། །བྲི་བྱ་ཡང་ན་མཚན་མ་གཞག །ཚིགས་ཆེན་བརྒྱད་ལ་ཡུལ་བདག་
D831.098.0095b01.01བརྒྱད། །ཇི་ལྟར་འོས་པ་དེ་ལྟར་བྱའོ། །སྒོ་བཞིར་གསང་བ་སྒོམ་ར་གཞག །མཐའ་ཟད་ཡོངས་ཀྱི་ཟླ་གམ་ལ། །བུད་མེད་ཉི་ཤུ་རྩ་བརྒྱད་གཞག །མིང་ངམ་མཚན་མ་རྟེན་ཏེ་གཞག །དེ་ཡི་ཁ་ལ་ཐབ་ཏུ་བརྩིགས། །པདྨ་དཔལ་བེའུ་དབྱིངས་འདྲ་ཐབ། །མཁས་
D831.098.0095b02.01པས་ཡམ་ཤིང་བརྩམ་པར་བྱ། །བྱ་བའི་བྱ་བ་ཐམས་ཅད་ཀུན། །གོང་དུ་སྦྱོར་བ་དེ་ལྟར་སྦྱོར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་འཁོར་བ་ཐམས་ཅད་སྒྲོལ་བ་བསྒྲུབ་པ་ཞེས་བྱ་བའི་ལེའུ་སྟེ་ཉི་ཤུ་རྩ་གཅིག་པའོ།། །།
D831.098.0095b03.01དེ་ནས་ཡང་སེམས་དཔའི་རྡོ་རྗེ་དེས་དུག་གསུམ་ཐུགས་སུ་དབང་སྒྱུར་བ་ཞེས་བྱ་བའི་མདོ་འདི་གསུངས་སོ། །འདུས་པ་ཆེན་པོའི་རྣལ་འབྱོར་པ། །དུག་གསུམ་དབང་དུ་བསྒྱུར་བ་ཡང་། །འདི་ལྟར་ཁོང་དུ་ཆུད་པར་བྱ། །དུག་གསུམ་རང་བཞིན་གང་ཡིན་པ། །སྐུ་གསུམ་ཉིད་
D831.098.0095b04.01ཀྱི་ངོ་བོ་སྟེ། །གཞན་ནས་བཙལ་བ་ཅི་ཡང་མེད། །དེ་ལྟར་ཤེས་པར་འགྱུར་བ་དང་། །ཀུན་རྫོབ་ཚུལ་དུ་འདི་ལྟར་བསྒྱུར། །ཐམས་ཅད་གོང་མ་བཞིན་སྦྱར་ལ། །སྟེགས་བུ་འདོམ་གང་པ་ཞིག་ལ། །ཕྱིར་དམར་པོ་རྒྱས་པར་བྱ། །དེ་ནས་མཐིང་ནག་གྲུ་གསུམ་
D831.098.0095b05.01བརྩིགས། །དེ་ནས་དམར་ནག་ཟླ་གམ་བྱ། །ཟླ་གམ་དབུས་སུ་དཔལ་ཆེན་འབར། །དབང་ཕྱུག་གནས་བརྒྱད་ཟླ་གམ་མཐའ། །བང་རིམ་བར་ལ་དུར་ཁྲོད་འབར། །ཐ་མར་དམར་པོ་གྲུ་བཞི་ལ། །སྒོ་བཞི་སྒོ་སྲུང་བཅས་པར་བྱ། །དེ་ཡི་མཐའ་མ་མེ་རིས་བསྐོར། །ཁྲོ་བཅུ་
D831.098.0095b06.01འབར་བའི་རྟགས་རྣམས་དགོད། །བསྒྲུབ་དང་འཇུག་དང་དབང་བསྐུར་རྣམས། །གོང་མ་བཞིན་དུ་སྦྱིན་པར་བྱ། །དེས་ནི་ཐམས་ཅད་རྫོགས་པ་ཡིན། །དུག་གསུམ་ཐམས་ཅད་ཟིལ་གྱིས་གནོན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་
D831.098.0095b07.01