完整藏文原文 · 德格版页 当前仅加载第 98 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་ཕྱག་རྒྱ་རྫོགས་པའི་ཚེ། །རུ་དྲ་ཚོགས་ཀྱི་རྒོལ་བ་ལ། །སྐྱེས་བུ་ལས་ཀྱི་དོན་བགྲངས་ཏེ། །དོན་གྱི་དབང་པོའི་ཕྱིར་སྦྲན་པ། །རྒྱལ་བ་དབང་ཕྱུག་ཐམས་ཅད་ཀྱིས། །དོན་མཆོག་ཡང་དག་མཛད་པའི་ཚེ། །སྐྱེས་བུ་རྩལ་གྱི་ཁྱད་
D831.098.0077a01.01པར་ལས། །འདི་ཚེ་དཔང་མཁྱེན་དམིགས་འབྱེད་མ། །སྔོན་ཚེ་དཔལ་ཆེན་གར་དབང་གིས། །རུ་དྲ་སྡེ་བཞི་བསྒྲལ་ནས་ནི། །གསང་བ་བསྟན་པའི་རྒྱས་མཛད་ནས། །འགྲོ་དྲུག་ཐུགས་རྗེས་བསྒྲལ་བ་ལྟར། །རྣལ་འབྱོར་ས་ལ་སྦྱོར་ཚེ་འདིར། །ལྷ་མོས་
D831.098.0077a02.01མཁྱེན་པར་མཛད་ནས་ཀྱང་། །བདེ་ཆེན་ས་ལ་བགྲོད་པའི་ཚེ། །རུ་དྲའི་རྒོལ་བ་འབྱུང་བ་འམ། །སྤྱན་ལྡན་ཁྱོད་ཀྱིས་དབང་མཛོད་ཅིག །སྒྲུབ་པའི་ལས་མཆོག་ཁྱད་པར་གྱིས། །བརྩམ་པར་བྱ་བའི་ལས་རྣམས་ཀུན། །མཚན་མས་མཚན་མ་གཞོམ་
D831.098.0077a03.01བའི་ཕྱིར། །རོ་ལྔའི་མཚན་མ་བརྟག་པར་བྱ། །དགེ་བར་གྱུར་ན་དེར་གནས་བྱ། །གལ་ཏེ་ཤིས་པར་མ་གྱུར་ན། །སྐྱེས་བུ་ཐབས་ལ་མཁས་པ་ཡིས། །གནན་ནམ་སྤོ་བའི་ལས་ཀྱིས་སྦྱར། །དེར་ནི་བསོད་ནམས་གཏེར་ལྡན་ཕྱིར། །རིན་ཆེན་ལྔ་ལ་སོགས་
D831.098.0077a04.01པའི་རྫས། །ས་གཞི་གཏེར་ཆེན་རྒྱས་པར་བྱ། །བཀྲ་ཤིས་མཆོག་ཏུ་བསྔགས་པ་ཡིན། །ས་ཞག་སྤོས་ཆེན་རྣམ་ལྔའི་ཁུ། །བསྲེས་པས་ཀུན་དུ་གྲུ་བཞི་ནི། །མཎྜལ་རྒྱས་པའི་དབྱིབས་འདྲ་ལ། །ཏིང་འཛིན་ཕྱག་རྒྱ་སྔགས་ལྡན་པས། །མཚན་མའི་དངོས་པོ་
D831.098.0077a05.01ཀུན་སྦྱངས་ཏེ། །རྒྱལ་བ་བཞུགས་པའི་རྟེན་དུ་བྱ། །རྡོ་རྗེ་བྱིན་བརླབས་འབྱུང་གནས་དང་། །གནས་རྣམས་ཤིན་ཏུ་བརྟན་བྱའི་ཕྱིར། །མཆོག་གི་སྦྱོར་བ་དག་པ་ཡིས། །ས་གཞི་གཟུང་ཞིང་བྱིན་གྱིས་བརླབས། །དེ་དང་དེར་ནི་ས་སྦྱངས་ཏེ། །ཐིག་གིས་ཡུལ་
D831.098.0077a06.01བཅད་སྐབས་དག་ཏུ། །རྒྱལ་བ་བཞུགས་པའི་ཕོ་བྲང་དེར། །རྡོ་རྗེ་དྲག་པོའི་གིང་ཆེན་གྱིས། །ལྕེ་པོག་ནག་པོའི་དུད་པས་བདུག །རྒྱུན་མི་འཆད་དུ་བྱས་ནས་ནི། །ཁྲོ་བོ་དྲག་པོའི་སྔགས་ཟློས་ཤིང་། །རྡོ་རྗེ་ཁྲོ་བོའི་སྟབས་ཀྱིས་བསྐོར། །ཤེས་རབ་ཡུམ་གྱི་འཇོ་
D831.098.0077a07.01