完整藏文原文 · 德格版页 当前仅加载第 98 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་གནས་ཡིན་ཏེ། །ཤེས་རབ་དགའ་བའི་ཡུལ་ཡིན་ནོ། །འདི་ལ་སེམས་གསུམ་གནས་པ་སྟེ། །ཡེ་ནས་དག་པ་ཆོས་ཉིད་སེམས། །མཁའ་དང་སྦྱོར་བ་བྱང་ཆུབ་སེམས། །སྙིང་རྗེས་སྒྲོལ་བ་གསུམ་སྦྱར་ཏེ། །ཆོས་ཉིད་གསང་བ་ཉི་ཤར་
D831.098.0086a01.01ཁྱབ། །སྙིང་རྗེས་སྒྲོལ་བ་གསུམ་གྱིས་སྦྱར། །ཏིང་འཛིན་བྱིན་བརླབས་ཡེ་ཤེས་ཀྱིས། །ཆོས་ཉིད་དུར་ཁྲོད་མཁའ་ལ་བསྒྲལ། །བསྒྲལ་བའི་རྒྱུ་མཆོག་མན་ཆད་ནས། །ཤེལ་ཆེན་ཙ་ར་ལ་སོགས་པ། །དེ་ལ་རྒྱུ་དྲུག་ས་བོན་གདབ། །རང་བཞིན་ཡེ་ནས་དེ་
D831.098.0086a02.01གཞོམ་བྱ། །ཁྱད་པར་འདས་པའི་ཡི་གེ་ལྔ། །གནས་བཀོད་འཕྲོས་པས་མཐའ་ཡས་བཀང་། །ཐམས་ཅད་སྟོངས་ཤིང་ཟད་བྱས་ནས། །འདུས་པའི་ཡི་གེ་ལྔ་རུ་གསལ། །དེ་ལས་ཕྱག་མཚན་ཡེ་ཤེས་ལྔ། །མི་གནས་ཡེ་ཤེས་ངང་དུ་ཐིམ། །སྒྲིབ་པའི་ཕུང་པོར་སྨིན་
D831.098.0086a03.01པ་དེ། །རྡོ་རྗེ་རོལ་པའི་རྔམ་ཚོགས་ཀྱིས། །འཇོ་ཚུལ་སྟབས་ཀྱིས་སྦྱར་བར་བྱ། །ཁ་ཊྭཱཾ་ལ་སོགས་སྔགས་བཅས་པས། །བསྒྱེལ་ཏེ་མ་རིག་སྒོ་དབྱེ་བྱ། །རྣམ་ཤེས་དབུགས་ཀྱི་སྒྲོམ་དྲངས་ལ། །རྡོ་རྗེ་རྒྱལ་པོའི་རླུང་སྒྲོམ་དུ། །བསྡུས་ཏེ་རྡོ་རྗེ་དབུགས་ཅན་ལ། །ཧཱུྃ་བྱས་
D831.098.0086a04.01སྒྲིལ་མ་དེ་ལ་བསླན། །གསང་བ་ཐུགས་ཀྱི་དཀྱིལ་འཁོར་དུ། །མཚོན་གང་འོད་དུ་བསྟིམ་པར་བྱ། །ཡུ་ཏི་ཨ་ཧྃ་གིས་སྦར་ཏེ། །གསལ་ན་དེ་དང་མཉམ་དུ་གསལ། །རྡོ་རྗེ་ཚེ་ལ་བསླན་པར་བྱ། །རྡོ་རྗེ་རླུང་གིས་དབུགས་སྦར་ཏེ། །ཐུགས་ལས་རླུང་སྒྲོམ་ལམ་དུ་སྦར། །
D831.098.0086a05.01ནམ་མཁའ་ཆོས་ཀྱི་གཞལ་ཡས་སུ། །ཉི་མའི་སྟེང་ན་ཧཱུྃ་དུ་གསལ། །ཡེ་ཤེས་སེམས་དཔའ་ཚོན་གང་བ། །ཉི་ཟླ་གའུའི་བར་ན་གསལ། །ཨ་ཡང་ཕཊ་ཀྱིས་བསྐྱོད་འཕངས་པས། །རྡོ་རྗེ་སེམས་དཔའི་ཐུགས་ཀར་འཕྲོས། །ཡེ་ཤེས་སེམས་དཔར་གསལ་བ་ལ། །
D831.098.0086a06.01དངོས་པོར་སྣང་བ་འཛིན་དང་བྲལ། །གཡོ་འགུལ་འཕར་འཕྲིག་མ་ཆད་པར། །རྡོ་རྗེ་མིང་གི་དབང་བསྐུར་ཏེ། །རིགས་ཀྱི་ལྷ་དང་སྙིང་པོ་སྦྱིན། །རྡོ་རྗེ་གདུང་བའི་གླུ་བླངས་ཏེ། །མན་ངག་གནས་ཀྱི་སྨོན་ལམ་གདབ། །བཞི་ཚལ་དག་ཏུ་བྱས་ནས་ནི། །སྨན་གྱིས་བཏབ་སྟེ་ཕུང་པོར་
D831.098.0086a07.01