完整藏文原文 · 德格版页 当前仅加载第 98 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
རྩོལ་སྒྲུབ་དཀའ་བའི་ཐབས་ཆེན་གྱིས། །ཡང་དག་དོན་ཚོལ་ལམ་རེ་རིང་། །བསགས་པའི་འབྲས་བུ་ཡོད་འགྱུར་ཡང་། །དོན་དེ་མཐོང་བར་ཡོང་མི་ནུས། །དེ་འདྲའི་འདུ་ཤེས་འབྱུང་བར་འགྱུར། །དེ་ལྟར་ཤེས་པའི་ཉམས་དྲོད་ནི། །སྐལ་དང་
D831.098.0017a01.01ལྡན་པའི་སྐྱེས་བུ་གང་། །རྒྱུད་འགྲོས་ཚིག་གིས་མ་བཀྲོལ་བར། །སེམས་ལས་ཆོས་བྱུང་འབུམ་ཕྲག་ཡས། །སྨྲ་བའི་སྒོ་མོར་ཐམས་ཅད་གསལ། །དོན་ལ་ངེས་པའི་གཏན་ཚིགས་དག །ཚིག་ཏུ་མཚོན་ཏེ་འབྱིན་པར་ནུས། །དེ་ནི་ཆོས་སྐུ་མཉམ་ཉིད་དང་། །
D831.098.0017a02.01དབྱེར་མེད་གཉིས་སུ་མེད་པ་ཡིན། །རྟེན་པའི་གསུང་ཐུགས་སྐུ་བརྙན་དང་། །དེ་ནི་མཚུངས་པ་ཡོད་མིན་ནོ། །ཞི་ལུས་མཐར་འགོག་སྐྱོན་གཉིས་དང་། །དེ་ནི་མཚུངས་པ་ཡོད་མ་ཡིན། །ས་ལ་སློབ་པའི་སེམས་དཔའ་དང་། །དེ་ཡང་མི་མཚུངས་རྒྱལ་བས་གསུངས། །
D831.098.0017a03.01རིག་འཛིན་དྲང་སྲོང་དོན་དཔྱོད་དང་། །ལུས་འདྲ་སེམས་ནི་ཡོང་མི་མཚུངས། །དེ་ཕྱིར་རྣམ་དག་ལམ་ཆེན་ནི། །སེམས་ཀྱི་གསང་འདི་ཡིན་པས་ན། །སྐལ་ལྡན་འདུས་པ་ཆེན་པོའི་ཚོགས། །ལམ་འདི་ཤེས་པར་བྱ་བ་ལས། །བཙལ་བར་བྱ་བའི་རྒྱུ་མེད་དེ། །
D831.098.0017a04.01ལམ་འདི་ཤེས་པ་དེ་ཉིད་ཀྱིས། །དཀའ་བའི་རྩོལ་སྒྲུབ་མ་བྱས་པར། །ཐམས་ཅད་ཐམས་ཅད་གྲུབ་པར་འགྱུར། །འདུས་པ་ཆེན་པོའི་ཚོགས་དེ་བས་ན་སེམས་འདི་ནི་ལམ་ཞེས་བྱའོ། །འཁོར་བ་ཞེས་བྱའོ། །སེམས་ཅན་ཞེས་བྱའོ། །གྲུ་ཞེས་བྱའོ། །བགྲོད་པ་
D831.098.0017a05.01ཞེས་བྱའོ། །བྱང་ཆུབ་ཅེས་བྱའོ། །སེམས་ཞེས་བྱའོ། །ཤེས་རབ་ཅེས་བྱའོ། །ཏིང་ངེ་འཛིན་ཅེས་བྱའོ། །གནས་ཞེས་བྱའོ། །རབ་ཅེས་བྱའོ། །མཆོག་ཅེས་བྱའོ། །ཕུལ་ཞེས་བྱའོ། །བླ་ན་མེད་པ་ཞེས་བྱའོ། །ཟབ་པ་ཞེས་བྱའོ། །གསང་བ་ཞེས་བྱའོ། །
D831.098.0017a06.01གཏིང་དཔག་དཀའ་བ་ཞེས་བྱའོ། །ཆོས་ཞེས་བྱའོ། །བྱང་ཆུབ་སེམས་དཔའ་ཞེས་བྱའོ། །སངས་རྒྱས་ཞེས་བྱའོ། །དེ་ཅིའི་ཕྱིར་ཞེ་ན། འཇུག་པའི་ཕྱིར་ནི་ལམ་མོ། །འཁྲུལ་པའི་ཕྱིར་ནི་འཁོར་བའོ། །མ་ཤེས་པའི་ཕྱིར་ནི་སེམས་ཅན་ནོ། །སྒྲོལ་བའི་
D831.098.0017a07.01