完整藏文原文 · 德格版页 当前仅加载第 98 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པ་ཡི། །རིག་འཛིན་ཆེན་པོའི་ས་ཉིད་ཐོབ། །དེ་བཞིན་མཐོང་བས་དག་པར་གྱིས། །གཞན་དག་འདིར་ནི་མངོན་སྤྱོད་ལ། །དགའ་བའི་ཡིད་ཀྱིས་ཕྱོགས་བྱེད་པ། །དེ་ནི་དངོས་དང་འདྲ་བ་སྟེ། །འབྲས་བུ་ལ་ཡང་མཐོ་དམན་མེད། །
D831.098.0054a01.01དེ་ཡང་ཇི་ལྟ་བུ་ཞེ་ན། །རྒྱལ་པོ་དབང་ཕྱུག་འོད་ལྡན་ཞེས། །བྱ་བའི་རྣལ་འབྱོར་ཅན་ཞིག་ལ། །ཚོམ་བུ་བཅུ་དང་བཅས་པའི་འཁོར། །རིག་འཛིན་སྤྱོད་པའི་དོན་ལ་ཞུགས། །སྔགས་སྤྱོད་འབྲས་བུ་ཆེར་ཐོབ་སྟེ། །ངོ་མཚར་ཆོ་འཕྲུལ་མང་པོ་དག །ཐོབ་
D831.098.0054a02.01པ་ཀུན་དུ་གྲགས་པར་གྱུར། །དེ་ལ་གཞན་གྱི་སྡེ་པ་ཡི། །བྲམ་ཟེ་དགེ་སློབ་བྱ་བ་ཞིག །ཤིན་ཏུ་དག་པའི་སེམས་བསྐྱེད་ནས། །འཇུག་ཅིང་བསླབ་པར་ཞུགས་པ་ལས། །རྒྱལ་པོས་མ་གནང་གསང་སྒོ་བསྡམས། །བྲམ་ཟེ་དད་པ་མ་ལོག་པར། །འབྱོར་
D831.098.0054a03.01པའི་ཡོ་བྱད་ཅི་ཡོད་རྣམས། །རྒྱལ་པོའི་འཁོར་དུ་ཕུལ་ནས་ཀྱང་། །རྒྱལ་པོ་གནས་པའི་ཡུལ་ཕྱོགས་སུ། །ཡིད་ཀྱིས་ཕྱོགས་ཏེ་སྨོན་ལམ་བཏབ། །རྩེ་གཅིག་པར་ནི་སྨོན་ལམ་བཏབ། །རྗེས་སུ་ཡི་རང་དམ་པར་ནི། །ཡིད་ལ་བྱས་པའི་བསོད་ནམས་ཀྱིས། །
D831.098.0054a04.01སྒྲུབ་བར་བྱེད་པའི་རྒྱལ་པོ་དང་། །སྒྲུབ་དང་མི་ལྡན་བྲམ་ཟེ་གཉིས། །འབྲས་བུ་མཐོ་དམན་མེད་པར་ཐོབ། །འདི་ནི་ཚེགས་མེད་དོན་པོ་ཆེ། །ཐབས་ལ་མཁས་པའི་རིག་འཛིན་ཡིན། །དེ་བཞིན་སྤྱོད་པ་གཞན་དག་ལ། །དགའ་བས་རྗེས་སུ་ཡི་རང་གིས། །དགེ་བ་
D831.098.0054a05.01སྤྱད་དང་མ་སྤྱད་གཉིས། །འབྲས་བུ་མཉམ་པོར་ཐོབ་པར་གྱུར། །བསམ་ཡས་བསམ་གྱིས་མི་ཁྱབ་པ། །རྒྱལ་རྣམས་འདིར་བསླབ་འདིར་མཁྱེན་པས། །སྲིད་གསུམ་འགྲོ་བའི་བཤེས་གཉེན་དུ། །ཀུན་གྱི་བདག་པོར་གྱུར་པ་ཡིན། །དེ་ཡང་ཇི་ལྟ་བུ་ཞེ་ན། །
D831.098.0054a06.01སྔོན་གྱི་བྲམ་ཟེ་གསལ་བྱིན་གྱིས། །གསང་ཆེན་འདི་ཡི་དོན་བསླབས་ནས། །རང་གི་སེམས་ལ་གོམས་བྱས་ན། །སེམས་ཉིད་བདེན་པའི་དོན་མཐོང་སྟེ། །ཆོས་རྣམས་ཀུན་ལ་མཁས་པར་འགྱུར། །ཀུན་གྱི་རྩ་བ་སེམས་ཡིན་པས། །
D831.098.0054a07.01