完整藏文原文 · 德格版页 当前仅加载第 98 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
རྙེད་པ། །དམ་ཚིག་གཟུངས་འདུ་དུས་ཆེན་ཡིན། །སྦྱངས་པས་རྩལ་གྱི་མཐར་ཕྱིན་ཅིང་། །ཤེས་བློའི་ཡོན་ཏན་ཚོགས་རྒྱས་པ། །འདི་དག་ཚད་ལ་བབ་པ་སྟེ། །དུས་ཀྱི་མཆོག་འདི་ཉེ་བར་བརྟག །འདི་ལྟར་རྒྱུ་བཞི་འབྱོར་པ་ལས། །འབྲས་བུའི་དངོས་
D831.098.0076a01.01པོར་གྲུབ་པ་སྟེ། །གྲུ་དང་མཉན་པ་མཁས་པ་ལ། །བསྟེན་པས་རིན་ཆེན་ལོན་པ་འདྲ། །ཇི་སྲིད་གནས་པའི་རྒྱ་མཚོ་རྣམས། །རང་བཞིན་མེད་པར་ཀུན་གཅིག་པའི། །བདག་མེད་ཕྱོགས་བྲལ་ལྷུན་གྱིས་གྲུབ། །གཅིག་ལས་རྣམ་གྲངས་ངང་གིས་མེད། །ཐ་སྙད་དག་པར་
D831.098.0076a02.01ཡོངས་ཆུད་ན། །ངེས་པའི་དོན་ཆེན་དེ་ཉིད་དེ། །ཐམས་ཅད་དག་པར་འགྱུར་བའོ། །བདག་དང་གཞན་དུ་མི་གཉིས་པས། །བདག་ཉིད་བདག་གི་རང་བཞིན་ཏེ། །སངས་རྒྱས་ཞེས་བྱ་གཞན་ན་མེད། །བདག་ཉིད་ལྷུན་གྲུབ་དབང་ཕྱུག་ཆེ། །གང་འདོད་པ་ཡི་དངོས་པོ་དག །
D831.098.0076a03.01ཇི་ལྟ་བ་བཞིན་གྲུབ་འགྱུར་ཏེ། །རྫ་མཁན་འཕང་ལོ་སྲུབ་པ་ལྟར། །གང་ལྟར་དམིགས་པ་དེ་ལྟར་འགྱུར། །འགྲོ་བའི་ཁམས་སུ་གཟི་ཆེ་ཞིང་། །འབྱུང་ཆེན་ལྔ་ལ་དབང་སྒྱུར་བའི། །ངོ་མཚར་རྩལ་གྱི་ཁྱད་པར་དག །གདོན་མི་ཟ་བར་འབྱུང་བ་ཡིན། །དེ་ལྟར་
D831.098.0076a04.01བརྩོན་པའི་བསྒྲུབ་པ་དག །རྫས་དང་ཡོ་བྱད་ལ་སོགས་ཏེ། །ཤེས་དང་ཡོན་ཏན་ཕུན་སུམ་ཚོགས། །གཞན་དུ་རེག་ལས་མེད་པ་ནི། །ཐམས་ཅད་ཚང་བར་རྫོགས་པས་ན། །ཕུན་སུམ་ཚོགས་ཞེས་དེ་ལ་བྱ། །གསང་ཆེན་བསྒྲུབ་པའི་ལས་འདི་དག །འཁོར་བའི་
D831.098.0076a05.01ལས་དང་མཐུན་སྤྱད་ཅིང་། །ཉོན་མོངས་ལྔ་ལྟར་སྤྱོད་སྣང་ཡང་། །འོད་ཀྱིས་མུན་པ་སྣང་འགྱུར་ལྟར། །སྐྱོན་ནི་ཡོན་ཏན་ཆེན་པོ་ལ། །གཡོ་མཚང་དངོས་གྲུབ་ཆེན་པོར་འགྱུར། །དེ་ལྟར་འཁོར་བའི་རྐ་བཟློག་པས། །མི་གནས་ཡེ་ཤེས་རྒྱ་མཚོར་འཁྱིལ། །
D831.098.0076a06.01གནས་རབ་བརྟག་པའི་གལ་ཆེན་ཡང་། །ནམ་མཁའ་འཁོར་ལོ་རྡོ་རྗེ་དང་། །རིན་ཆེན་ཟུར་བརྒྱད་པདྨའི་དབྱིངས། །རྒྱ་གྲམ་ལ་སོགས་འདྲ་བར་བརྟག །ས་གཞི་ཡང་ནི་དེ་བཞིན་ཏེ། །རི་བོ་བརྩེགས་དང་བཟུར་བ་དང་། །དེ་བཞིན་བསྒྲེང་དང་གཏམས་པའི་
D831.098.0076a07.01