完整藏文原文 · 德格版页 当前仅加载第 98 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
བཤད་དུ་གསོལ་ཞེས་ཞུས་པ་ལས། བཅོམ་ལྡན་འདས་སེམས་དཔའི་རྡོ་རྗེས་བཀའ་སྩལ་པ། འདོད་ཆགས་ཀྱི་བདག་པོ་ལ་སོགས་པ་རྣམས་དམ་ཚིག་ཉམས་པའི་ཆད་པའི་སྐྱེ་གནས་འདྲི་བ་ལེགས་ཀྱིས་ཡིད་ཚིམ་པར་བྱེད་པ་བཤད་ཀྱིས་ཉོན་
D831.098.0062a01.01ཅིག །རྩ་བ་ཡན་ལག་འདི་དག་ལས། །གལ་ཏེ་ཞིག་གམ་ཉམས་གྱུར་ན། །རྣལ་འབྱོར་ལས་ཀྱི་དང་པོ་ལས། །ལུང་གི་གསང་སྒོར་ཞུགས་པའི་ཚེ། །དོན་དང་ལྡན་པའི་བླ་མ་ཡིས། །རྡོ་རྗེ་ཐ་ཚིག་བྱིན་བརླབས་ནས། །ལྕེ་ལ་དམ་ཚིག་ཆུ་བཞག་པ། །
D831.098.0062a02.01དམྱལ་བ་རྡོ་རྗེར་དམོད་བཙུགས་ནས། །ཡི་གེ་ཧཱུྃ་དུ་བྱས་པ་དེ། །སྙིང་གི་དཀྱིལ་དུ་ཐིམ་ནས་ཀྱང་། །ལྕགས་ཀྱི་སྡིག་པ་མགོ་དགུ་པའི། །ཁྲོ་བོ་རཀྵ་ཞེས་བྱ་བའི། །ཁྲག་འཐུང་ཆེན་པོར་གྱུར་ནས་ནི། །སྙིང་ཁྲག་བཞིབས་ཏེ་འཐུངས་ནས་ནི། །སྡུག་བསྔལ་
D831.098.0062a03.01ཆེན་པོར་བསད་ནས་ཀྱང་། །དམྱལ་བ་རྡོ་རྗེར་དེ་ལྟུང་འགྱུར། །གལ་ཏེ་ཐ་ཚིག་མ་ཉམས་ན། །ལྕེ་ལ་བཞག་པ་ཨརྒྷ་སྟེ། །སྙིང་གི་དཀྱིལ་དུ་ཐིམ་ནས་ཀྱང་། །ཡེ་ཤེས་སེམས་དཔའ་ཚོན་གང་བར། །གྱུར་ཏེ་སྒྲིབ་པ་ཀུན་སྦྱངས་ནས། །སངས་རྒྱས་སྲས་སུ་
D831.098.0062a04.01སྐྱེད་པར་བྱེད། །འདོད་ཆགས་དམ་ཚིག་ཉམས་གྱུར་ན། །མངལ་གྱི་གྲོང་ཁྱེར་ཆེན་པོར་འགྲོ། །ཞེ་སྡང་དམ་ཚིག་ཉམས་གྱུར་ན། །རཀྵ་སྲིན་པོའི་རིགས་སུ་འགྲོ། །གཏི་མུག་དམ་ཚིག་ཉམས་གྱུར་ན། །མི་གཙང་ཟས་སུ་ཟ་བ་ཡི། །རྨོངས་པའི་ཕག་ཆེན་
D831.098.0062a05.01ལུས་སུ་ལྟུང་། །ང་རྒྱལ་དམ་ཚིག་ཉམས་གྱུར་ན། །རུས་སྦལ་ནག་པོའི་ལུས་སུ་ལྟུང་། །ཕྲག་དོག་དམ་ཚིག་ཉམས་གྱུར་ན། །ཆུ་སྲིན་མགོ་དགུའི་ལུས་སུ་ལྟུང་། །དམ་ཚིག་ཆེན་པོ་ཀུན་ཉམས་ན། །རུ་དྲ་ནག་པོའི་ལུས་སུ་ལྟུང་། །ལས་ཀྱི་རྐྱེན་དང་མ་ཕྲད་ན། །ཐར་པའི་
D831.098.0062a06.01སྐབས་ནི་མི་སྲིད་དོ། །སེམས་དཔའི་རྡོ་རྗེས་དེ་སྐད་ཅེས་གསུངས་སོ། །ཉོན་མོངས་པ་ལྔའི་བདག་པོ་རིག་འཛིན་རྣམས་ཀྱིས་ཤིན་ཏུ་ཆོ་ངེ་ཆེན་པོ་འབྱིན་ཅིང་དུས་དེར་ཨེ་མའོ་བཅོམ་ལྡན་འདས་བཅོམ་ལྡན་འདས་ཀྱིས་གསུངས་པ་ལྟར་ན་བདག་ལ་ལྟུང་རྒྱུ་མཆིས་ཏེ། །དང་
D831.098.0062a07.01