完整藏文原文 · 德格版页 当前仅加载第 98 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
ལ། །དབང་སྒྱུར་མཉམ་པའི་རྒྱལ་མོ་རྣམས། །འཇིག་དང་སྐྱེ་དང་སྨིན་པ་དང་། །འགག་པར་གྱུར་པ་དེ་དག་དུ། །རྡོ་རྗེ་རྣམ་ཐར་ཚད་མེད་དང་། །སེམས་དང་དེ་བཞིན་མཉམ་པ་ཡི། །ཤེས་རབ་འཁོར་དང་དཔལ་གྱི་དཀྱིལ། །དེ་བཞིན་རིམ་པར་རྡོ་རྗེ་ཡི། །གླུ་གར་
D831.098.0048b01.01ལ་སོགས་ཡོ་བྱད་ཀྱིས། །མཆོད་དང་འཇུག་ཚུལ་གོང་མ་བཞིན། །ཆ་རྣམས་དུས་ལས་མི་འདའ་བར། །ལྷ་ཡི་ཉི་མ་རྣམས་ལའོ། །བདེ་བ་ཆེན་པོ་ལ་སོགས་པ། །ཚོམ་བུའམ་ཡང་ན་ཕྱག་རྒྱ་རྣམས། །སྤྱིར་རམ་རེ་རེར་སྦྱར་བར་བྱ། །འདས་ལ་རྣམ་ཐར་ཚོགས་
D831.098.0048b02.01བསྐུལ་ཏེ། །ད་ལྟར་བྱུང་དང་མི་འབྱུང་ལ། །ཚད་མེད་སེམས་དང་མཉམ་པར་བསྐྲུན། །མཉམ་པའི་རྒྱལ་པོར་དེ་འགྱུར་ཏེ། །བདེ་གཤེགས་དུས་ཀྱི་རྒྱལ་པོར་འགྱུར། །ཞེས་བཀའ་སྩལ་ཏོ། །དེ་ནས་ཡང་བཅོམ་ལྡན་འདས་སེམས་དཔའི་རྡོ་རྗེ་དེ་ཉི་ཟླའི་ཚོགས་
D831.098.0048b03.01ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཡང་ཏིང་ངེ་འཛིན་དེ་ལས་བཞེངས་པར་གྱུར་པ་དང་། འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཐམས་ཅད་ནི་ཉི་ཟླའི་ཚོགས་སུ་མཐོང་ངོ་། །དེ་སྐད་ཅེས་
D831.098.0048b04.01གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ཀྱི་རང་བཞིན་ནི་བྱང་ཆུབ་སེམས་དང་སྙིང་རྗེ་ཆེན་པོའི་རང་བཞིན་ཡིན་པར་ཤེས་པར་གྱིས་ཤིག །ཆོས་ཐམས་ཅད་ནི་བྱང་ཆུབ་སེམས་ལས་བྱུང་ཞིང་
D831.098.0048b05.01སྙིང་རྗེའི་རང་བཞིན་ཅན་ཡིན་ནོ། །དེ་ནས་འདུས་པའི་ཚོགས་ཀྱིས་གསོལ་པ། བཅོམ་ལྡན་འདས་སྙིང་རྗེ་དང་བྱང་ཆུབ་སེམས་ཀྱི་དོན་བདག་ཅག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། ཆོས་རྣམས་ཀུན་གྱི་ཡོ་བྱད་ནི། །སྙིང་
D831.098.0048b06.01རྗེ་བྱང་ཆུབ་སེམས་ཡིན་ཏེ། །ཡོ་བྱད་དེ་དང་མ་ལྡན་ན། །དོན་རྣམས་འགྲུབ་པར་མི་འགྱུར་རོ། །རྣལ་འབྱོར་བྱང་ཆུབ་སེམས་རྫོགས་པ། །བཅུ་དྲུག་རྫོགས་པའི་ཟླ་རྒྱས་ཚུལ། །སྙིང་རྗེ་ཡེ་ཤེས་ཤར་བ་ནི། །མཁའ་ལ་ཉི་གསལ་ཤར་བའི་ཚུལ། །དོན་
D831.098.0048b07.01