完整藏文原文 · 德格版页 当前仅加载第 98 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
བཙལ། །འཁོར་བའི་ཕུང་པོ་དེ་བསྡུས་ལ། །རྡོ་རྗེ་སྟབས་དང་གླུ་ཡིས་སྦྱང་། །གནས་གནས་དག་ཏུ་བསྔོ་བར་བྱ། །ཕུང་པོ་མཆོད་པའི་རྫས་སུ་བསྟིམ། །རྡོ་རྗེ་བྲ་ཡི་ལས་རྣམས་གདབ། །དེས་ནི་མཉེས་དང་སྐོངས་པ་དང་། །རྡོ་རྗེ་ལས་རྣམས་འགྲུབ་པ་ཡིན། །རྣལ་འབྱོར་ལས་
D831.098.0086b01.01ཀྱི་དབང་ཕྱུག་ཆེ། །མཐོ་གཙང་ཤེས་རབ་གངས་རུམ་ནས། །རིག་པའི་སྡེར་མོ་སྦར་ཤད་ཅན། །ང་རྒྱལ་དྲེགས་པའི་གླང་པོ་འཇོམས། །རྣལ་འབྱོར་རྩལ་རྒྱས་སེང་ཕྲུག་རྣམས། །རྡོ་རྗེ་རྩལ་ཆེན་འདི་སྦྱངས་པས། །རྣལ་འབྱོར་ལྷ་མཆོག་གཤེགས་པའི་རྟེན། །དངོས་གྲུབ་འབྱུང་
D831.098.0086b02.01བའི་རིན་པོ་ཆེ། །མཐུ་སྟོབས་སྐྱེ་བའི་ཐབས་ཆེན་པོ། །བྱིན་བརླབས་ཕེབས་པའི་དབང་མཆོག་འདིས། །རྒྱལ་བའི་དངོས་གྲུབ་མན་ཆད་ནས། །མཁའ་འགྲོའི་ཆོ་འཕྲུལ་ཐམས་ཅད་དང་། །དྲེགས་པ་མ་རུངས་སྡེ་པ་རྣམས། །ཐམས་ཅད་དབང་དུ་འགྱུར་ངེས་ན། །འབྱུང་པོ་
D831.098.0086b03.01གཞན་ལྟ་སྨོས་ཅི་དགོས། །འཁོར་བའི་སྐམ་གླིང་ཆེན་པོ་ལ། །རིས་དྲུག་འཁོར་བའི་སེམས་ཅན་རྣམས། །རྒྱུད་དྲུག་འདས་པའི་རྣམ་ཤེས་སྲོག །དུས་གསུམ་མཚོན་གྱིས་བསད་པས་ན། །རྟག་ཆད་མཐར་ཤིའི་རོ་གླིང་ནས། །གཏི་མུག་བམ་ཆེན་རོ་བླངས་ནས། །
D831.098.0086b04.01བདུད་རྩི་སྨན་ཆེན་ཡེ་ཤེས་ཀྱིས། །རྟག་ཆད་མཐའ་ལས་རོ་བླངས་ཤིང་། །བྱང་ཆུབ་སེམས་སུ་གསལ་བའི་ཕྱིར། །རོ་ཡི་རྫས་རྣམས་བཙལ་བར་བྱ། །ཁྲོ་ཚོགས་རྔམ་པར་བདག་བྱས་ཏེ། །རྡོ་རྗེ་འབར་བའི་མིག་ནང་ནས། །མཐིང་ནག་ཧཱུྃ་གི་སེང་ཆེན་ནི། །འཁོར་
D831.098.0086b05.01བའི་རོ་གླིང་ཁམས་སུ་སྤྲོ། །བསྒྲལ་བའི་དུར་ཁྲོད་མཐའ་དག་ཀུན། །ཡེ་ཤེས་རོལ་བའི་ཞིང་དུ་བལྟ། །ཁྲོ་བོ་གྱད་ཀྱི་འདོར་ཐབས་ཀྱིས། །ཚམ་ངམ་ཆེན་པོའི་རྔམ་ཚུལ་གྱིས། །དཔའ་བོ་རྡོ་རྗེའི་འཛུར་འགྲོས་སྦྱར། །ཐབས་ཆེན་{བཅྭ་,བཅོ་}བརྒྱད་སྟབས་ཀྱིས་སྦྱར། འཇོ་
D831.098.0086b06.01ཚུལ་ཐབས་ཀྱི་འགྲོ་སྟབས་ཀྱིས། །འཛེམ་ཚུལ་ལྟ་ཞིང་རྣམ་པར་རྩེན། །སྒྲ་སྐད་སྒྱུར་ཞིང་ཧེ་ཧེས་སྒྲོགས། །འཐབ་ཅིང་རྩོད་པས་རྣམ་པར་རྔམ། །འབྲི་ཚུགས་ལྟ་ཞིང་འདྲོག་ཚུལ་སྤྱོད། །གཡས་སུ་ལྟ་ཞིང་གཡོན་དུ་འགྱུར། །ཡིད་མ་ཆེས་ཏེ་ཕྱིར་ཡང་བལྟ། །
D831.098.0086b07.01