完整藏文原文 · 德格版页 当前仅加载第 98 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་སྒྲར་རིག་མཁྱེན། །བསམ་འདས་བརྗོད་མེད་རྡོ་རྗེའི་གསུང་། །གསུང་ལྔའི་མཆོག་ལ་ཕྱག་འཚལ་ལོ། །ཨེ་མ་གསང་བ་ནམ་མཁའི་ཐུགས། །མཉམ་ཉིད་མི་གཡོ་སོ་སོར་གསལ། །ཀུན་རིག་སྙིང་པོ་ཡེ་ཤེས་མཆོག །ཐུགས་ལྔའི་མཆོག་ལ་ཕྱག་
D831.098.0055b01.01འཚལ་ལོ། །ཨེ་མ་མི་མཛད་མཛད་པ་ཆེ། །མ་ཆགས་ཆགས་བྲལ་འདོད་ཆགས་མཛོད། །ཐམས་ཅད་སྒྲོལ་བའི་ལས་ཆེན་པོ། །ཕྲིན་ལས་མཆོག་ལ་ཕྱག་འཚལ་ལོ། །རྒྱལ་ཚབ་ཁྱོད་ལ་གསོལ་བ་ནི། །བྱམས་མགོན་ཐུགས་རྗེའི་བྱིན་བརླབས་ཀྱིས། །སྤྲུལ་པའི་
D831.098.0055b02.01གོ་ཚགས་རུ་མཉམ་སྟེ། །འཁོར་བའི་སྐྱས་ལིངས་ཆེན་པོ་ལ། །སྡུག་བསྔལ་ཤིན་ཏུ་གསད་པའི་ཕྱིར། །ཐམས་ཅད་དུར་ཁྲོད་ཆེན་པོ་རུ། །བྱིན་གྱིས་བརླབས་པའི་ལས་ཆེན་མཛོད། །ཨ་ཧོ་ཞེས་གསོལ་བ་བཏབ་པ་ལས། སེམས་དཔའ་རྡོ་རྗེ་ཆེན་པོ་དེས་རྣལ་
D831.098.0055b03.01འབྱོར་པའི་ཕྱག་བྱས་ནས། བཅོམ་ལྡན་འདས་གསང་བ་མཆོག་གི་བདག་པོ་ལ་ཞུས་པ། ཨ་ལ་ལ་ཧོ་བདེ་བ་ཆེན་པོའི་མཆོག་གསང་བ་ཀུན་གྱི་རྒྱལ་པོ། ཡང་གསང་བླ་ན་མེད་པའི་བདག་ཉིད། འདུས་པ་ཆེན་པོའི་ཚོགས་རྨད་དུ་བྱུང་བའི་ཚིག་ཤིན་ཏུ་
D831.098.0055b04.01རྟུལ་ཕོད་པ་གསོལ་བ་འཚལ་བ་འདི་ཤིན་ཏུ་ངོ་མཚར་ལགས་སོ། །འདི་དག་འདུལ་བའི་དབང་དུ་དགོངས་ཏེ། ཇི་ལྟར་འཚལ་བའི་བསམ་པ་རངས་པར་མཛད་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་
D831.098.0055b05.01དེས་ཀུན་དུ་འདུལ་བའི་དུས་མཁྱེན་ནས་བཀའ་གསང་རྨད་དུ་བྱུང་བའི་འཁོར་གྱིས་བསྐོར་བ་དུར་ཁྲོད་རྒྱན་གྱི་རོལ་པ་ལས་རྨད་དུ་བྱུང་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་འཁོར་བྱིན་གྱིས་རློབ་པའི་ཚིག་འདི་གསུངས་སོ། །ཧཱུྃ་
D831.098.0055b06.01ཧེ་ཧེ་ཕཊ། ཧཱུྃ་ཧཱུྃ་བི་ཤྭ་བཛྲ་ཀྲོ་དྷ་ཛྭ་ལ་མཎྜ་ལ་ཨཱ་ར་ལི་ཨ་ལི་ཨུ་ལི་ཏ་པ་ལི་ཏྲྃ་སྟྭྃ། ཁ་ལི་ཧོ། ན་ཤ་སྟྃ་བྷ་ཡ་ཧཱུྃ། བྲུྃ་ཕུ་ཙ་ཁཱ་ཧི་ཕཊ་ཕཊ་ཧ་ལ་ཧཱུྃ་ཞེས་གསུངས་སོ། །འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་ཐམས་ཅད་དུར་ཁྲོད་ཀྱི་དཀྱིལ་འཁོར་དུ་གྱུར་
D831.098.0055b07.01