完整藏文原文 · 德格版页 当前仅加载第 98 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་གསང་བའི་དམ་ཚིག་ནི། །སྣོད་མ་ཡིན་པར་གྱུར་པ་ལས། །ཕྱི་ནང་གསང་བ་གསུམ་དག་ཏུ། །སྦ་བའི་ཐབས་སུ་སྤྱད་ནས་ཀྱང་། །གསང་བའི་ཆོས་རྣམས་གསང་བར་བྱ། །བསྟན་པའི་གནས་མིན་སྣོད་ངན་དག །རྣམ་པ་བཞིས་བསྡུས་བྱེ་བྲག་རྣམས། །མ་འོངས་
D831.098.0038b01.01རྣལ་འབྱོར་བཅུད་ཅན་གྱིས། །ཤེས་ནས་སྤང་བར་བྱ་ཕྱིར་བཤད། །འཇིག་རྟེན་པ་དང་ཐེག་དམན་དང་། །མུ་སྟེགས་ལོག་ལྟའི་ལྟ་ལ་དགའ། །དད་མེད་བློ་ཞན་གཡེང་རྨུགས་ཤིང་། །བསླབ་ཉན་མི་བརྩོན་བྱོལ་སོང་མཚུངས། །དད་ལོག་དམ་ཉམས་དོན་ལས་
D831.098.0038b02.01གོལ། །བྱང་ཆུབ་ཐག་པ་གཏིང་ནས་ཆད། །སེམས་ཀྱི་མྱུ་གུའི་རྩ་ཚིག་པ། །ངན་འགྲོའི་འདམ་དུ་ཁ་སྦུབ་ཡིན། །སྣོད་མེད་ཁ་སྦུབ་དེ་དག་ལ། །གསང་བའི་སྨྲ་བར་བྱ་བ་མིན། །སྨྲས་ན་དེ་ཉིད་ཁ་སྦུབ་འགྱུར། །གསང་བའི་ཚིག་རྣམས་ཁར་སྨྲ་ཡང་། །གབ་པ་གསང་
D831.098.0038b03.01བའི་དོན་མི་ཤེས། །སྐྱོན་ཅན་སྤ་ལོས་སྒྲོགས་རྣམས་ལ། །གསང་བའི་དོན་རྣམས་ལྷག་པར་སྨྲ། །བསྙེན་སྒྲུབ་གསང་བའི་ཚིག་རྣམས་ལ། །སྒྲ་ལ་ཉན་ཀྱང་དོན་མི་གཉེར། །སྙིང་པོའི་དོན་གསང་མི་ཐུབ་པ། །བཅུད་མེད་འཁོར་བར་ཟག་པ་ཡིན། །གསང་དོན་
D831.098.0038b04.01མི་ཐུབ་སྣོད་ངན་ལ། །གསང་བ་སྨྲ་བར་གང་བྱེད་པ། །དེ་དང་སྣོད་མེད་སྣོད་ངན་གཉིས། །འཁོར་བའི་ཁམས་སུ་ཟག་པར་མཉམ། །ལྟ་དང་དམ་ཚིག་སྒྲུབ་པ་ཡི། །དམ་པའི་མཛོད་གསུམ་སྨྲ་ཤེས་ཀྱང་། །གོམས་པའི་མཐུ་མེད་གནས་མ་གྱུར། །ངན་སྒྱུ་ཕྲག་དོག་
D831.098.0038b05.01སེར་སྣས་གདུངས། །བྱ་མེད་ཆོས་ལ་བློ་གཏོད་ཅིང་། །སྤྱོད་རྩིང་དམ་རལ་རྡེང་མེད་པར། །རྣལ་འབྱོར་སྤྱོད་ལ་ལྟ་དམན་ཞེས། །ཟེར་བ་ཕམ་འགྱུར་འཁོར་བར་འཕོ། །སྣོད་ངན་འཁོར་བར་འཕོ་བ་ལ། །གསང་བའི་དོན་རྣམས་སྨྲ་བྱེད་པ། །གསང་བ་ཉམས་པའི་དབང་
D831.098.0038b06.01གིས་ན། །ཉམས་པ་དེ་དང་དེ་འདྲར་འགྱུར། །ཟླ་ངན་ཉམས་སོད་ཅན་ལན་འདྲེན། །ཁ་གསག་ལྕེ་གཉིས་སྒྱུར་བྱེད་ཅིང་། །སེམས་ལ་ཉོན་མོངས་ལྔ་བཅངས་ཏེ། །རྐུ་དང་སྒྱུ་སྤྱོད་{བརྫུན་,རྫུན་}ལ་དགའ། །ཚེ་གཅིག་གྲགས་པ་ཆེད་ཕྱིར་དུ། །གང་ཟག་ཕྱིར་འབྲེང་ཚིག་
D831.098.0038b07.01