完整藏文原文 · 德格版页 当前仅加载第 86 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། །དེ་ཡི་འཁྱུད་པ་རེག་པར་ཤེས། །ཆགས་པ་མཐོང་བའི་ཕྱག་རྒྱའོ། །ལག་པའི་འོད་རྣམས་ལྷ་མོ་སྟེ། །རྡོ་རྗེ་པདྨ་མཉམ་བགྲོད་པའོ། །ཕྱག་རྒྱ་འདི་ལས་ཕྱག་རྒྱ་སྟེ། །ལག་པའི་དགོད་པའི་སྦྱོར་བས་སོ། །གར་དང་གླུ་སོགས་རྣམས་ཀྱིས་ནི། །ལྷ་རྣམས་
D492.086.0116a01.01ཐམས་ཅད་མཉེས་པར་འགྱུར། །འདི་རྣམས་ཀྱིས་ནི་སངས་རྒྱས་རྣམས། །མཆོད་ན་དངོས་གྲུབ་ཐམས་ཅད་སྟེར། །ཞེས་བཅོམ་ལྡན་འདས་ཀུན་ཏུ་བཟང་པོས་བཀའ་སྩལ་ཏོ། །གསང་བ་རྒྱན་གྱི་བཀོད་པའི་རྒྱུད་ཆེན་པོ་ལས་གསང་བ་རྒྱན་གྱི་བཀོད་པ་ཞེས་བྱ་བའི་དཀྱིལ་འཁོར་གྱི་
D492.086.0116a02.01རྒྱལ་པོ་ཡོངས་སུ་རྫོགས་སོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་ཡུམ་རྣམས་ཀྱིས་བཅོམ་ལྡན་འདས་ཀུན་ཏུ་བཟང་པོ་ཆེན་པོ་ལ་དེ་བཞིན་གཤེགས་པ་ཐམས་ཅད་ཀྱི་མཆོད་པ་དང་མཆོད་པའི་ལན་དང་། ཕྱག་རྒྱ་དང་ཕྱག་རྒྱའི་ལན་དང་། གར་དང་གར་གྱི་ལན་དང་། གླུ་དང་གླུའི་
D492.086.0116a03.01ལན་དང་། སིལ་སྙན་དང་སིལ་སྙན་གྱི་ལན་དང་། རྣམ་འགྱུར་དང་རྣམ་འགྱུར་གྱི་ལན་དང་། དབྲོག་པ་དང་དགུག་པའི་ལན་དང་། བརྡ་དང་བརྡའི་ལན་དང་། བྲི་བ་དང་བྲི་བའི་ལན་དང་། བལྟ་བ་དང་བལྟ་བའི་ལན་དང་། དམ་ཚིག་དང་དམ་ཚིག་གི་ལན་དང་། དཀྱིལ་འཁོར་དང་དཀྱིལ་འཁོར་གྱི་ལན་དང་།
D492.086.0116a04.01གསང་བ་དང་གསང་བའི་ལན་དང་། གསང་ཆེན་དང་གསང་ཆེན་གྱི་ལན་དང་། དེ་ཁོ་ན་ཉིད་དང་དེ་ཁོ་ན་ཉིད་ཀྱི་ལན་ལ་སོགས་པ་རྣམས་དང་། གླུའི་རྒྱལ་པོ་འདིས་གསོལ་བ་བཏབ་པར་གྱུར་ཏོ། །སངས་རྒྱས་སེམས་ཅན་ཀུན་གྱི་དོན། །ཡེ་ཤེས་ཀུན་དོན་ཐམས་ཅད་མཛད། །ཐམས་
D492.086.0116a05.01ཅད་ཁྱབ་པ་སེམས་ཅན་དོན། །གཉིས་དང་གཉིས་མེད་ཕྱག་འཚལ་བསྟོད། །འདི་དག་ཐམས་ཅད་གསུང་དུ་གསོལ། །སྒྲུབ་པ་པོ་ལ་ཕན་དགྱེས་པས། །སྒྲུབ་པ་དངོས་གྲུབ་དག་དགའ་བ། །གང་གིས་དངོས་གྲུབ་འགྲུབ་འགྱུར་བ། །དེ་ནས་བཅོམ་ལྡན་འདས་ཀུན་ཏུ་བཟང་པོས་
D492.086.0116a06.01ཐམས་ཅད་མཁྱེན་པའི་ཡེ་ཤེས་ལ་ལྟ་བ་རྣམ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་བཀའ་སྩལ་ཏོ། །མེ་ཏོག་བདུག་པ་དྲི་ཞིམ་དང་། །གོས་བཟང་རྒྱན་དང་བཟའ་བ་དང་། །བཏུང་དང་རོ་དང་སྒྲོན་མ་གསལ། །མལ་ཁྲི་སྟན་དག་ཡིད་འོང་བ། །འདི་
D492.086.0116a07.01