完整藏文原文 · 德格版页 当前仅加载第 86 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་དུ་བྱ་བའང་འདི་ཉིད་ཀྱིས། །དེ་བཞིན་བུད་མེད་ཐམས་ཅད་དགུག །འགྲུབ་པའི་རྫས་ཀྱང་མིང་ཉིད་ཀྱིས། །དགུག་པའི་སྦྱོར་བས་དགུག་པར་བྱ། །དམག་དཔུང་རྣམ་པར་བཟློག་པ་ནི། །རྒྱལ་མཚན་རྩེ་མོར་རྣམ་གཞག་གོ། །རེངས་དང་རྨུགས་པར་
D492.086.0103a01.01བྱེད་པ་དང་། །རྨོངས་དང་འཆིང་བ་དེ་བཞིན་དུ། །གྱིབ་དང་གསད་པ་ཐམས་ཅད་ནི། །ཆོ་ག་དག་དང་ལྡན་པས་བྱེད། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡུམ་རྣམས་དང་ཡབ་རྣམས་ཀྱིས་བཅོམ་ལྡན་འདས་ལ་གསང་བ་རྒྱན་གྱི་དཀྱིལ་འཁོར་གྱིས་དཀྱིལ་འཁོར་
D492.086.0103a02.01གྱི་ཞུ་བ་ཆེན་པོ་འདི་ཞུས་པ་དང་། གང་ལ་བཞུགས་ནས་རྒྱལ་བ་ཀུན། །ཡུམ་དང་ཡབ་རྣམས་དེ་བཞིན་དུ། །དེ་ཡི་སྦྱོར་བས་སྦྱོར་བདག་ཉིད། །སེམས་ཅན་རྣམས་ནི་སྣོད་དུ་མཛོད། །གསང་བ་རྒྱན་གྱི་དཀྱིལ་འཁོར་གྱི། །རྣལ་འབྱོར་ཆེན་པོའི་རྣམ་དབྱེ་བ། །གང་
D492.086.0103a03.01གིས་མ་འོངས་མི་རྣམས་ནི། །བདེ་བས་སངས་རྒྱས་ཉིད་ལ་འཇོག །དེ་ནས་བཅོམ་ལྡན་རྡོ་རྗེ་ཅན། །འཛུམ་དང་བཅས་པའི་སྤྱན་རྒྱས་པ། །གསང་བ་རྒྱན་གྱི་དཀྱིལ་འཁོར་ནི། །གསང་བ་ཆེན་པོ་བཀའ་སྩལ་པ། །གང་ཕྱིར་བདག་ཉིད་དཀྱིལ་འཁོར་བཤད། །སེམས་
D492.086.0103a04.01ཅན་དག་པའི་རྡོ་རྗེ་ཅན། །བདག་ཉིད་གསང་བའི་རྒྱན་ཞེས་བྱ། །སྙིང་པོ་ཕྱག་རྒྱ་སྔགས་ཉིད་དེ། །བདག་ཉིད་རིག་སྔགས་དམ་ཚིག་ཀྱང་། །གང་ཕྱིར་བདག་ཉིད་སྡོམ་པ་སྟེ། །བདག་ཉིད་བཤད་དང་འཆད་པའོ། །ཕ་དང་མ་རྣམས་དེ་བཞིན་ཏེ། །དངོས་གྲུབ་སྒྲུབ་པོ་ལས་
D492.086.0103a05.01ཀྱི་མཆོག །བདེ་དང་སྡུག་བསྔལ་ཁམས་གསུམ་པ། །ཞེས་སོ། །དེ་ནས་བཅོམ་ལྡན་འདས་ལ་དེ་བཞིན་གཤེགས་པ་ཐམས་ཅད་ཀྱི་ཡུམ་དང་ཡབ་རྣམས་ཀྱིས་འདི་སྐད་ཅེས་གསོལ་ཏོ། །དེ་ཕྱིར་གསུངས་ཤིག་བཅོམ་ལྡན་འདས། །བདེ་བར་གཤེགས་པས་གསུང་
D492.086.0103a06.01དུ་གསོལ། །སངས་རྒྱས་བྱང་ཆུབ་སེམས་ཀུན་གྱིས། །ཕན་དང་བདེ་བ་ཐོབ་པའི་ཕྱིར། །ཞེས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཡུམ་དང་ཡབ་ཉེ་བར་ལོངས་སྤྱོད་པ་རྡོ་རྗེ་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཉིད་
D492.086.0103a07.01