完整藏文原文 · 德格版页 当前仅加载第 86 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་གསང་སྔགས་འདི་ཡིས་ནི། །བསྔགས་ཏེ་མེ་ཏོག་དོར་བར་བྱ། །ཨོཾ་སརྦཱངྒ་པུཎྜ་རཱི་ཀ་པྲ་ཏཱི་ཙྪ་དྷྭྃ་ཀུ་སུ་མཱཉྫ་ལིཾ་ཧཱུྃ་ཨཿ། དེ་ནས་ཇི་ལྟར་བཤད་པ་བཞིན་དུ་དཀྱིལ་འཁོར་གྱི་བུམ་པ་རྣམས་ལ་རིག་སྔགས་འདིས་ཇི་ལྟར་བཤད་པ་ལྟར་ལེགས་པར་བྱིན་གྱིས་བརླབས་
D492.086.0091a01.01ལ་རང་གིས་དབང་བསྐུར་རང་གི་སྙིང་པོ་རང་གིས་བླང་བར་བྱའོ། །དེ་ནས་ལས་ཐམས་ཅད་ཀྱི་ནུས་པ་དང་ལྡན་པ་དང་། དངོས་གྲུབ་ཐམས་ཅད་འགྲུབ་པར་འགྱུར་རོ། །དེ་ནས་མེ་ཏོག་ལ་སོགས་དང་། །བཟའ་དང་བཏུང་དང་རོ་དག་གིས། །མཆོད་ལ་སྔོན་གྱི་རིམ་པ་བཞིན། །
D492.086.0091a02.01སློབ་མའི་རྒྱལ་པོ་གཞུག་པར་བྱ། །འཁོར་ལོས་སྒྱུར་བའི་རིམ་པ་ཡི། །སྦྱོར་བ་ཡིས་ནི་དབང་བསྐུར་རོ། །རྡོ་རྗེ་རིན་ཆེན་དེ་བཞིན་པད། །ལས་ཀྱི་རྡོ་རྗེ་དེ་བཞིན་ནོ། །ཞགས་པ་ལྕགས་ཀྱུ་དྲིལ་བུ་དང་། །ལྕགས་སྒྲོག་རྔ་ཡབ་དང་ནི་གདུགས། །རལ་གྲི་མིག་སྨན་ཐུར་
D492.086.0091a03.01མ་གཉིས། །རྒྱལ་པོའི་ཉེ་བར་སྤྱོད་པ་དང་། །དེ་ལ་རྒྱན་རྣམས་བསྟན་ནས་སུ། །དཀྱིལ་འཁོར་དེར་ནི་དབང་བསྐུར་རོ། །རྒྱལ་བའི་ཡུམ་གྱི་དབང་བསྐྲུར་བ། །ལས་ཀུན་བྱེད་པར་རབ་ཏུ་བཤད། །དམ་ཚིག་གམ་ནི་སྡོམ་པ་ཡང་། །རང་གི་སློབ་མ་ཉན་དུ་གཞུག །ཞི་
D492.086.0091a04.01བ་དང་ནི་རྒྱས་པའི་ལས། །དབང་དང་དྲག་ཤུལ་སྤྱོད་པ་ནི། །ལེགས་པར་རྣམ་པར་དག་སེམས་ཀྱིས། །ཅི་འདོད་པར་ནི་བྱ་བ་བྱོས། །ལས་རྣམས་ཀུན་གྱི་འབྲས་བུ་ཡང་། །སྦྱོར་བ་འདི་ཡིས་འགྲུབ་པར་འགྱུར། །དེ་ནས་བཅོམ་ལྡན་འདས་རྡོ་རྗེ་སེམས་དཔའ་ཆེན་པོས་སླར་
D492.086.0091a05.01ཡང་ལས་དམ་པ་རྒྱས་པར་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་བཀའ་སྩལ་ཏོ། །ཇི་ལྟའི་གཟུགས་ཀྱི་སྣོད་བྱས་ལ། །དཀྱིལ་འཁོར་གྱི་ནི་དབུས་སུ་གཞག །ཞོ་དང་མར་གསར་འོ་མ་ནི། །ཙནྡན་དམར་པོ་དང་བསྲེས་ཏེ། །ག་པུར་དང་ནི་
D492.086.0091a06.01ལྡན་བྱས་ལ། །ཡིད་ལ་བྱེད་པས་བཟླས་ཏེ་བསྒྲུབ། །ཟླ་བ་ཉི་མ་གཟས་བཟུང་ཚེ། །སྦྱོར་བ་བཟང་པོའི་རྣམ་གཞག་བྱ། །ཐོག་མར་མེ་ནི་སྦར་བྱས་ནས། །འབད་པ་ཡིས་ནི་རླུང་གིས་བུས། །གསེར་གྱི་སྣོད་དུ་བསྡུ་བར་བྱ། །བ་རུ་ན་ཡི་ཁུ་བས་སྦྱར། །ཉི་མ་དང་ནི་ཟླ་བ་ལ། །
D492.086.0091a07.01