完整藏文原文 · 德格版页 当前仅加载第 86 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིས། །ཞེས་སོ། །དེ་ནས་བཅོམ་ལྡན་འདས་མ་དེ་བཞིན་གཤེགས་པ་ཐམས་ཅད་ནི། དེ་ཡིས་དངོས་གྲུབ་གསོལ་མི་འགྱུར། །ཉེ་བར་འཚེ་བ་འཇིགས་རྣམས་དང་། །གདོན་དང་གནོད་སྦྱིན་སྲིན་པོར་བཅས། །མི་བཟད་ནད་ཀྱིས་བཏབ་ནས་སུ། །
D492.086.0098a01.01ཤི་ནས་མནར་མེད་ཉིད་དུ་འགྱུར། །དེ་ནས་དེ་བཞིན་དབང་བསྐུར་གྱི། །དཀྱིལ་འཁོར་ལ་བཞག་ཡུམ་རྣམས་ཀྱིས། །དབང་བསྐུར་གསང་བའི་དམ་ཚིག་སྦྱིན། །གསང་བའི་སྒྲུབ་ཐབས་ཉན་དུ་གཞུག །རང་ཡུམ་མ་མོའི་ས་བོན་གྱིས། །རང་གི་རྣམ་རྟོག་བདག་
D492.086.0098a02.01ཡུམ་མིན། །ལྟ་བུས་ཡབ་གྱུར་བསྒྲུབས་ན་ནི། །ཉི་མ་བདུན་ན་རབ་ཏུ་འགྲུབ། །སངས་རྒྱས་ཀུན་གྱི་ཡབ་སྟོན་པ། །ཀུན་མཁྱེན་ཡེ་ཤེས་སྤྱོད་ཡུལ་ཏེ། །དྲག་པོ་ཀུན་དང་བདེ་ཆེན་པོ། །ཡེ་ཤེས་ཀུན་གྱི་མཆོག་གི་མཆོག །ཤེས་རབ་ཀྱིས་ནི་ཐམས་ཅད་བསྒྲུབ། །
D492.086.0098a03.01ལས་རྒྱས་པ་ཡི་དམ་པའི་མཆོག །བྱེ་བྲག་ཏུ་ནི་བསྐུལ་ནས་སུ། །བྱང་ཆུབ་ཀྱི་ནི་ཡོན་ཏན་གྱི། །ཐམས་ཅད་དུ་ནི་འོད་གསལ་བའི། །དངོས་གྲུབ་ཐམས་ཅད་བསྒྲུབ་པར་བྱ། །ཤེས་རབ་ཀྱི་ནི་ལས་དབྱེ་བས། །གཟུགས་དང་དབྱིབས་ཉིད་དག་གིས་སོ། །ཕྱག་
D492.086.0098a04.01རྒྱ་དང་ནི་ཕྱག་རྒྱའི་ལན། །དེ་བཞིན་དཀྱིལ་འཁོར་དམ་ཚིག་དང་། །བཟའ་བ་དང་ནི་ཉེར་སྤྱོད་པ། །གཏོར་མ་ལྷ་བཤོས་ཉིད་དང་ནི། །ཤིན་ཏུ་བདེ་བའི་སྟན་ཉིད་དང་། །དེ་དང་དེ་ནི་ངེས་པར་སྦྱར། །བཟླས་དང་བསམ་གཏན་ས་བོན་ནི། །རང་གི་ལུས་ཁྱབ་པ་ཉིད་དོ། །གསང་
D492.086.0098a05.01སྔགས་དག་ནི་ཐམས་ཅད་ལས། །གསང་སྔགས་འདི་ནི་རབ་ཏུ་བསྔགས། །ཚེ་འདིར་དམ་པའི་རྗེས་གྲུབ་ཅིང་། །གདོན་མི་ཟ་བར་ཐོབ་པར་འགྱུར། །འདི་ནི་བཅོམ་ལྡན་ཀུན་རྡོ་རྗེ། །ཡེ་ཤེས་འབྱུང་གནས་མངའ་བདག་གསུངས། །ལས་ཀུན་གྱི་ནི་སྦྱོར་བ་ཡིས། །འདི་ནི་སྒྱུ་
D492.086.0098a06.01མས་འགྲོ་ལ་བཞུགས། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡུམ་དེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཕྱག་རྒྱའི་ཡེ་ཤེས་མཆོག་ཏུ་དགེ། །ཡེ་ཤེས་ཆེན་པོས་གསུང་དུ་གསོལ། །གང་གིས་མངོན་པར་རྒྱས་བཏབ་ཀུན། །མངའ་བདག་
D492.086.0098a07.01