完整藏文原文 · 德格版页 当前仅加载第 86 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེའི་ཡུམ་རྣམས་ལ་འདི་སྐད་ཅེས་བཀའ་སྩལ་ཏོ། །དེ་བཞིན་གཤེགས་པ་ཐམས་ཅད་ཀྱི་ཡུམ་རྣམས་དེ་སྐད་མ་སྨྲ་ཞིག །འཇིག་རྟེན་ཐམས་ཅད་ལ་ཁྱབ་པའི་དཀྱིལ་འཁོར་གྱི་རྒྱལ་པོ་ཆེན་པོ་འདི་ལ་མ་འོངས་པའི་སེམས་ཅན་རྣམས་དད་པར་མི་འགྱུར་ཞིང་རང་གི་སེམས་ཡོངས་
D492.086.0085b01.01སུ་སུན་འབྱིན་ལ་དེས་མ་མཐོང་བའི་ཆོས་ལ་མ་དད་པས་རང་གི་སེམས་ཡང་དག་པར་སུན་ཕྱུང་སྟེ། མནར་མེད་པ་རྣམས་སུ་སྐྱེས་ནས་བསྐལ་པ་སྟོང་ཕྲག་མང་པོར་མནར་མེད་པའི་སྡུག་བསྔལ་རྗེས་སུ་འབྱུང་བར་འགྱུར་རོ། །དེ་བརྒྱ་ལམ་ན་མནར་མེད་པའི་སྡུག་བསྔལ་ལས་གྲོལ་ཏེ། མི་རྣམས་
D492.086.0085b02.01སུ་སྐྱེས་པར་གྱུར་ཀྱང་རྣམ་པར་འགྱུར་བའི་བཞིན་དུ་འགྱུར་རོ། །བརྗེད་ངས་པ་རྣམས་དང་། བློ་གྲོས་ཆུང་བ་རྣམས་དང་། ཁྱི་དང་། བྱ་རོག་དང་། བྱི་ལ་དང་། ཕག་དང་། སྟག་དང་། གླང་པོ་ཆེ་དང་། སེང་གེའི་ང་རོ་འདྲ་བདག་ཏུ་འགྱུར་རོ། །དེ་དང་འདྲེ་བར་མི་བྱ་ཞིང་
D492.086.0085b03.01བལྟ་བར་མི་བྱའོ། །དེ་ནས་དེ་བཞིན་གཤེགས་པ་ཐམས་ཅད་བསྐྱེད་པའི་ཡུམ་དེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་སེམས་ཅན་དེ་རྣམས་ཀྱི་མནར་མེད་པའི་སྡུག་བསྔལ་ཟད་པར་འགྱུར། བཅོམ་ལྡན་འདས་ཀྱིས་བཀའ་
D492.086.0085b04.01སྩལ་པ། གང་གིས་འདིའི་མིང་གཟུང་ན་ཡོངས་སུ་ཟད་པར་འགྱུར་རོ། །བསོད་ནམས་དེའི་རྒྱུས་དེའི་ལས་ཀྱི་སྒྲིབ་པ་ཟད་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སྐལ་བ་ཅན་དུ་འགྱུར་རོ། །དེ་ནས་དེ་དག་ཡིད་དགའ་བ་སྐྱེས་ནས་ཡང་བཅོམ་ལྡན་འདས་ལ་འདི་སྐད་
D492.086.0085b05.01ཅེས་གསོལ་ཏོ། །བཅོམ་ལྡན་འདས་བསྟན་དུ་གསོལ། བསོད་ནམས་དང་ཡེ་ཤེས་ཀྱི་ཚོགས་ཀྱི་རྒྱུས་དཀྱིལ་འཁོར་ཆེན་པོའི་རྒྱལ་པོ་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་གང་མ་འོངས་པའི་སེམས་ཅན་རྣམས་ཀྱིས་དྲན་པ་ཙམ་གྱིས་སངས་རྒྱས་ཀྱི་བྱང་ཆུབ་ཐོབ་པར་
D492.086.0085b06.01འགྱུར་རོ། །དེ་ནས་བཅོམ་ལྡན་འདས་ཀྱིས་ཀུན་ཏུ་བཟང་པོ་ཆེན་པོ་འོད་འཕྲོ་བ་གསལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རང་གི་སྐུ་དང་གསུང་དང་ཐུགས་རྡོ་རྗེ་རྣམས་ལས་དེ་བཞིན་གཤེགས་པ་ཐམས་ཅད་ཀྱི་སྐུའི་དམ་པ་འདི་བཀའ་སྩལ་པ། དཀྱིལ་འཁོར་
D492.086.0085b07.01