完整藏文原文 · 德格版页 当前仅加载第 86 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་བདག་པོའི་དབང་ཕྱུག་དཔལ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དཀྱིལ་འཁོར་ཇི་ལྟར་སྔར་གསུངས་པ། །འོན་ཀྱང་སེང་གེའི་ཁྲི་དང་ལྡན། །དེ་ཡི་སྟེང་དུ་པདྨ་ཆེ། །དེར་ནི་རི་
D492.086.0094a01.01བོང་ཅན་དཀྱིལ་འཁོར། །དེ་ཡི་སྟེང་དུ་ཉི་མ་ཆེ། །ཉི་མ་དེར་ནི་དཀྱིལ་འཁོར་མཆོག །ཆ་བརྒྱད་པ་ལ་དབུས་རིན་ཆེན། །དེ་ཡི་སྟེང་དུ་རྒྱལ་བའི་ཡུམ། །སེར་དང་སྔོ་བའི་འོད་ཆེན་པོ། །གསེར་གྱི་རི་བོ་དང་མཚུངས་པས། །ཕྱག་གཉིས་ཀྱིས་ནི་ཆོས་འཆད་ཅིང་། །
D492.086.0094a02.01གཡས་པ་ཡིས་ནི་མཆོག་སྦྱིན་པ། །གཡོན་གྱིས་རིན་ཆེན་ལན་བུ་མཆོད། །རྒྱན་རྣམས་ཀུན་གྱིས་རྣམ་པར་བརྒྱན། །གོས་ནི་འཕྱང་ཞིང་སྣ་ཚོགས་པ། །གཙུག་ཏོར་མུ་ཏིག་ཐོར་ཚུགས་ཅན། །དེ་ཡི་མདུན་དུ་རིན་ཆེན་བྲི། །གཡོན་དུ་བུམ་པ་བཟང་པོ་བཞག །གཡས་
D492.086.0094a03.01པ་རུ་ནི་དཔག་བསམ་ཤིང་། །རྒྱབ་ཏུ་རིན་ཆེན་ལན་བུའོ། །མཚམས་རྣམས་སུ་ནི་བུམ་པ་བརྒྱད། །གསེར་གྱི་རང་བཞིན་གཞག་པར་བྱ། །རིན་ཆེན་ལྔ་ཡིས་ཡང་དག་འཁྲུགས། །དྲི་ལྔ་དག་དང་ཡང་དག་ལྡན། །བཟའ་ལ་སོགས་པའི་རོས་གང་བའི། །བུམ་པ་
D492.086.0094a04.01བཅུ་དྲུག་ཕྱི་རོལ་དུ། །སེར་པོའི་གོས་ཀྱིས་ཡོངས་སུ་དཀྲིས། །མེ་ཏོག་སེར་པོ་སོགས་ཀྱིས་བརྒྱན། །དེ་མདུན་བློ་ལྡན་བྲི་བར་བྱ། །སྦྱིན་པའི་ཕ་རོལ་ཕྱིན་དགེ་མ། །དམར་དང་སེར་དང་ཆེས་དཀར་བ། །རིན་ཆེན་ལྡན་པའི་ཕྱག་སྦྱིན་པ། །སེར་པོའི་འོད་ལྡན་ཕྲེང་མཛེས་
D492.086.0094a05.01མ། །རིན་ཆེན་བཟང་པོ་ཀུན་གྱི་སྲས། །མཁའ་ཡི་ཉི་ཟླ་སྐར་མ་ཡིས། །ཀུན་ནས་ཡོངས་སུ་བསྐོར་བའོ། །གཙུག་ཕུད་ཅོད་པན་གོས་ལ་སོགས། །ཕྲེང་བ་དང་ལྡན་དགྱེས་པ་མོ། །དཀྱིལ་འཁོར་དེ་ཡི་ལྷོར་བྲི་བ། །ཚུལ་ཁྲིམས་ཕ་རོལ་ཕྱིན་དགེ་མ། །ཅུང་ཟད་སེར་བའི་
D492.086.0094a06.01རིན་ཆེན་ལུས། །སྣ་ཚོགས་རྒྱན་གྱིས་རྣམ་པར་བརྒྱན། །སྣ་ཚོགས་གོས་ནི་ཡོངས་སུ་གྱོན། །མཛེས་ཤིང་ཕྲེང་བའི་ཆུན་པོའི་གཙུག །གོས་ལྡན་གཙུག་ན་གཙུག་ཏོར་མཆོག །ཡིད་བཞིན་རིན་ཆེན་དམ་པའི་ཕྱག །གཡོན་པའི་སྐྱིལ་ཀྲུང་རིན་ཆེན་བཟང་། །ཆོ་ག་
D492.086.0094a07.01