完整藏文原文 · 德格版页 当前仅加载第 86 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །ཆོ་ག་འདིས་ནི་སྔགས་ཤེས་པས། །དཀྱིལ་འཁོར་བཟང་པོ་བྲིས་ནས་སུ། །སངས་རྒྱས་ཐམས་ཅད་དགུག་པར་བྱ། །ཡབ་ཡུམ་གཙོ་བོ་དམ་པ་རྣམས། །ཆོ་ག་ཇི་བཞིན་སྔགས་པས་གཞུག །དཀྱིལ་འཁོར་ལ་ནི་དཀྱིལ་འཁོར་བདག །
D492.086.0108a01.01རྡོ་རྗེ་ལྕགས་ཀྱུའི་ལག་པ་ཡིས། །ཆོ་ག་ཇི་བཞིན་བདག་བརྒྱན་ཏེ། །རྡོ་རྗེ་སེམས་དཔར་བསྙེམས་བྱས་ནས། །སྙེམས་དང་བཅས་པས་ལངས་ནས་སུ། །གསང་བའི་སེམས་དཔའ་དབང་བསྐུར་ཏེ། །འདི་ཡིས་སྤྱན་ནི་མྱུར་དུ་དྲང་། །ཡབ་དང་ཡུམ་བཅས་སངས་
D492.086.0108a02.01རྒྱས་སྲས་བཅས་པ། །བྲན་དང་གཉེན་བཅས་ཉེ་དུ་དང་བཅས་ཤིང་། །དཔལ་མཆོག་རྡོ་རྗེ་སེམས་དཔའ་ཡོངས་མཉེས་པའི། །ལྷ་དང་ལྷ་མོས་ལེགས་བསྐོར་འདིར་གཤེགས་ཤིག །གླུ་འདི་ཡིས་ནི་བསྐུལ་བ་ཡིས། །དེ་བཞིན་གཤེགས་པ་ཐམས་ཅད་བྱོན། །བྱོན་
D492.086.0108a03.01ནས་དངོས་གྲུབ་ཆེན་པོ་ནི། །སྒྲུབ་པ་པོ་ལ་སྩོལ་བར་འགྱུར། །ཡང་ན་མཚན་མ་གནང་འགྱུར་ཏེ། །འབབ་པའམ་སྣང་བ་བལྟ་བར་བྱ། །གལ་ཏེ་བསོད་ནམས་རབ་དམན་ན། །དེ་ཡིས་ཅི་ཡང་མཐོང་མི་འགྱུར། །དེ་ནས་སླར་ཡང་གསོལ་བ་གདབ། །ཡང་དང་ཡང་དུ་
D492.086.0108a04.01བསྐུལ་བར་བྱ། །ལྷ་ཡི་རྣལ་འབྱོར་དེ་ཉིད་ཀྱིས། །ང་རྒྱལ་ཡང་དང་ཡང་བྱས་ཏེ། །མཆོད་པ་ཤིན་ཏུ་ཆེན་པོ་བྱ། །དེ་ནས་མཆོད་ཡོན་ཞབས་བསིལ་ཡང་། །གསང་བའི་དེ་ཉིད་ཀྱིས་བསྐུལ་ཏེ། །སྔགས་ཀྱི་དེ་ཉིད་རིག་པས་དབུལ། །སངས་རྒྱས་ཀུན་བདག་ཕྱག་ན་
D492.086.0108a05.01རྡོ་རྗེ་ནི། །མཛེས་པའི་ཤེས་རབ་ཀྱིས་འཁྱུད་སྦྱོར་ལྡན་པས། །ཡབ་ཡུམ་སྲས་བཅས་འཁོར་བཅས་ཕོ་ཉ་སོགས། །བྲན་བཅས་སྐྱེ་བོའི་ཚོགས་ཀྱིས་བསྐོར་ནས་བྱོན། །སེམས་ཅན་ཀུན་ལ་ཕན་དགྱེས་པ། །ཁྱོད་ལ་བདག་ཉིད་ཞུ་བ་བགྱིད། །འདི་ནི་ཁྱོད་ཀྱི་དུས་ལགས་
D492.086.0108a06.01པས། །སེམས་ཅན་དོན་མཆོག་མཛད་དུ་གསོལ། །གསོལ་བ་བཏབ་ཅིང་བསྐུལ་བས་ཀྱང་། །གལ་ཏེ་མཚན་མ་བྱུང་གྱུར་ན། །རྡོ་རྗེ་སེམས་དཔའི་རྣལ་འབྱོར་ནི། །དེ་ཚེ་སློབ་མ་འབད་པས་བསྒོམ། །རྡོ་རྗེ་པདྨའི་ཡན་ལག་བཅིང་། །སྦྱོར་བས་དཀྱིལ་འཁོར་ཉིད་དུ་
D492.086.0108a07.01