完整藏文原文 · 德格版页 当前仅加载第 86 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཚིམ་པ་བདེ་བ་ལ་ལོངས་སྤྱོད་པ་རྣམ་པར་བསྒྱིངས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་བྱིན་གྱིས་བརླབས་ཏེ། བདེ་བ་ཆེན་པོ་འཁོར་ལོས་སྒྱུར་བ་ལ་རབ་ཏུ་གནས་ནས་ཉིད་ཀྱི་སྐུ་དང་གསུང་དང་
D492.086.0101a01.01ཐུགས་རྡོ་རྗེ་རྣམས་ལས་རབ་ཏུ་ཕྱུང་ངོ་། །དཀྱིལ་འཁོར་སྔ་མ་བཞིན་བྲིས་ལ། །དེ་ཡི་ལྟེ་བར་འདི་དགོད་དོ། །རྡོ་རྗེ་ཆེན་པོ་བསམ་གཏན་པ། །འདོད་པའི་དབང་ཕྱུག་དག་དང་ལྡན། །དེ་བཞིན་གཤེགས་པ་ཀུན་གྱི་ཡབ། །ཀུན་གྱི་ཐོག་མཐར་རབ་བྱུང་བ། །དེ་ལ་
D492.086.0101a02.01སོགས་པའི་རིམ་པ་ཡིས། །ཐམས་ཅད་ཀུན་ཏུ་བརྟག་པར་བྱ། །པདྨའི་ལོ་མ་རྩིབས་ལ་ནི། །རང་གི་ཆོས་དང་རབ་ཏུ་སྤེལ། །མ་མོ་རྣམས་ནི་ཐམས་ཅད་ཀྱི། །མཆོད་པ་ལ་སོགས་རབ་ཏུ་བརྟག །སྒོ་རུ་སྒོ་བ་ཡོངས་སུ་བརྟག །སྒོ་ཡི་ཕྱི་རུ་སྒོ་སྐྱོང་བ། །བཙུན་
D492.086.0101a03.01མོ་ལྷན་ཅིག་སྤྱོད་བཅས་པ། །ཀུན་ནས་ལྷ་རྣམས་གཞག་པར་བྱ། །དེ་ནས་རང་གི་ས་བོན་གྱིས། །ཀླུ་དང་གནོད་སྦྱིན་འཕར་མ་གཞན། །དྲི་ཟ་རྣམས་དང་མིའམ་ཅི། །ལྷ་མིན་མཁའ་ལྡིང་དེ་བཞིན་ནོ། །འཇིག་རྟེན་སྐྱོང་བ་ཐམས་ཅད་ནི། །སྒོ་རུ་གཉིས་གཉིས་
D492.086.0101a04.01གཞག་པར་བྱ། །གདོན་དང་དུག་དང་རིམས་དང་ནད། །{ཡི་དགས་,ཡི་དྭགས་}ཤ་ཟ་སྲིན་པོ་དང་། །དམྱལ་བ་བརྒྱད་པོ་ཕྱོགས་བརྒྱད་ཀྱི། །འཁོར་ལོའི་ཕྱི་རུ་གཞག་པར་བྱ། །དེ་ནས་འཁོར་ལོའི་མུ་ཁྱུད་བྲི། །ཆེན་པོ་རིན་ཆེན་བདུན་རང་བཞིན། །དེ་ཡི་སྒོ་རུ་བྲི་བྱ་བ། །ཤར་
D492.086.0101a05.01དུ་འདོད་ཆགས་སྐྱེ་གནས་ལག །ཞེ་སྡང་དྲག་པོ་ལུས་གནག་པ། །བྱང་དུ་ལེགས་པར་བྲི་བར་བྱ། །གཏི་མུག་ནུབ་ཏུ་བྲི་བར་བྱ། །ལྷོ་རུང་རྒྱལ་ཉིད་ཡིན་ནོ། །སོག་ལེ་དང་ནི་གོས་ནག་པོ། །དེ་བཞིན་དབྱུག་གུ་འཇིགས་ཆེན་པོ། །འདི་རྣམས་ཕྱག་རྒྱར་བརྟགས་
D492.086.0101a06.01པའོ། །དེ་ནས་ཇི་ལྟ་བ་བཞིན་འཇུག །དེ་ནས་གསང་བ་རྡོ་རྗེའི་ཕྱག་རྒྱ་ངེས་པར་བཅིངས་པའི་ལག་པར་གྱུར་པས་རང་གི་དམ་ཚིག་རྗེས་སུ་དྲན་པས་ཕྱག་རྒྱ་དེ་ཉིད་ཀྱིས་འགུགས་པའི་རྣམ་པ་དང་རྡོ་རྗེའི་གླུ་འདིས་བསྐུལ་ཏེ་དཀྱིལ་འཁོར་ཐམས་ཅད་སྤྱན་དྲང་བར་བྱའོ། །
D492.086.0101a07.01