完整藏文原文 · 德格版页 当前仅加载第 86 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་གསུངས། །བཅིངས་ནས་ཤེས་རབ་དག་ནི་བསྒྲེང་། །འོད་ལྡན་དག་ནི་རྩ་བར་སྦྱར། །འདི་ནི་དང་པོར་ཤེས་པར་བྱ། །ཐམས་ཅད་ནས་ནི་ཐམས་ཅད་འགྲོ། །བཅིངས་ལས་དེ་བཞིན་ཤེས་རབ་ཅིག །རྩེ་མོ་མཆེ་བ་གདུག་ཡིད་འཕྲོག །དེ་བཞིན་དུ་ནི་འདི་
D492.086.0115a01.01སྦྱར་བས། །ལས་རྣམས་ཐམས་ཅད་རབ་སྒྲུབ་པའོ། །གསང་བའི་བཅིང་བ་ལེགས་བཅིངས་ཏེ། །རྡོ་རྗེ་ནང་དུ་དེ་བཞིན་ནོ། །སྙིང་གར་རྣལ་འབྱོར་པ་ཡིས་སྦྱར། །ཇི་སྙེད་ལས་ཀྱི་མིང་བཟང་པོ། །རྡོ་རྗེ་རབ་{བརྐྱང་མ,རྐྱང་མ}གྲིན་པར་གཟུང་། །ཀུན་ཏུ་བསྐོར་བ་རབ་ཏུ་བྱ། །འདི་ཡིས་
D492.086.0115a02.01ལས་རྣམས་ཐམས་ཅད་ནི། །བྱེད་འགྱུར་བསྲུང་སོགས་གོ་འཕང་བཟང་། །ལྷག་མ་ཆོ་ག་བཞིན་རྣལ་འབྱོར། །རྣལ་འབྱོར་དེ་ཉིད་རབ་ཏུ་སྦྱར། །ཕྱག་རྒྱ་རྟགས་དང་མི་རྣམས་ནི། །ལྷ་རྣམས་ཀུན་ལ་སྦྱར་བར་བྱ། །འདི་ནི་བཅོམ་ལྡན་རྣལ་འབྱོར་ཆེའི། །དབང་ཕྱུག་དཔལ་རྡོར་སེམས་དཔས་
D492.086.0115a03.01གསུངས། །དེ་ནས་དེ་རྣམས་ལེགས་ཚིམ་ནས། །ཕྱག་འཚལ་ནས་ནི་ཐལ་སྦྱར་ཏེ། །ཞུ་བ་རྡོ་རྗེ་བླ་ན་མེད། །དཔའ་བོ་རྡོ་རྗེ་ཅན་ལ་ཞུས། །ཡོངས་སུ་རྟོག་པ་ཀུན་སྤངས་པའི། །སངས་རྒྱས་རྣམས་ནི་རང་བྱུང་ལ། །ཡབ་དང་ཡུམ་ནི་བླ་ན་མེད། །ཅི་ཕྱིར་འདི་དག་བརྟག་པ་
D492.086.0115a04.01ལགས། །འཁོར་བ་ལས་ནི་ལེགས་པ་ཡི། །སངས་རྒྱས་ཇི་ལྟར་འབྱུང་བ་ལགས། །གྲོང་གི་ཆོས་ནི་བསྟེན་པ་ལས། །ཇི་ལྟར་ཐར་པ་རབ་ཏུ་འགྲུབ། །གང་དུ་རྣལ་འབྱོར་པ་གྲོལ་འགྱུར། །གང་ན་འཆི་བ་རབ་ཏུ་གནས། །གང་གིས་རྣལ་འབྱོར་པ་རབ་འགྲུབ། །གང་ལས་རྣལ་
D492.086.0115a05.01འབྱོར་པ་ཞེས་བགྱི། །གསང་སྔགས་ཇི་ལྟར་གསང་སྔགས་ལགས། །སྙིང་པོ་ཞེས་བྱའི་སྙིང་པོ་གང་། །ཕྱག་རྒྱས་གང་ཕྱིར་ཕྱག་རྒྱར་འགྱུར། །རིག་སྔགས་རིག་པ་ཇི་ལྟར་ལགས། །ཇི་ལྟར་ལྷ་རྣམས་དགུག་པ་དང་། །གཞུག་པ་རྣལ་འབྱོར་པ་ཡས་བགྱིད། །རྣམ་པར་གྲོལ་
D492.086.0115a06.01རྣམས་བཅིང་བ་དང་། །མཉེས་དང་བསྐུལ་བ་དེ་བཞིན་དུ། །ཇི་ལྟར་གཉིས་སུ་མེད་འགྱུར་ཞིང་། །ཙུམ་པ་འཁྱུད་པ་ཉིད་དང་ཡང་། །མཐོང་ནས་རྗེས་སུ་ཆགས་པ་དང་། །ལག་པའི་དགོས་པ་ཇི་སྙེད་པས། །ཕྱག་རྒྱ་ཇི་ལྟར་འགྲུབ་པར་འགྱུར། །གར་དང་གླུ་དང་ཆེར་དགོད་པ། །
D492.086.0115a07.01