完整藏文原文 · 德格版页 当前仅加载第 86 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གཏན་དཀྱིལ་འཁོར་སྦྱོར་བ་ཡིས། །ཐམས་ཅད་ཉིད་ནི་བསྒྲུབ་པར་བྱ། །ཆོས་ཀྱི་ཡི་གེ་ཡང་དག་སྦྱར། །ལྷ་མིན་བདག་པོར་བདག་འགྱུར་རོ། །ཞེས་བཅོམ་ལྡན་འདས་ཀུན་ཏུ་བཟང་པོས་བཀའ་སྩལ་ཏོ། །གསང་བ་རྒྱན་གྱི་བཀོད་པའི་རྒྱུད་ཀྱི་རྒྱལ་པོ་ཆེན་
D492.086.0113a01.01པོ་ལས། དེ་བཞིན་གཤེགས་པ་ཐམས་ཅད་ཀྱི་ཡུམ་གྱི་ཕྱག་རྒྱའི་ཡེ་ཤེས་མཆོག་གི་དཀྱིལ་འཁོར་ཡོངས་སུ་རྫོགས་སོ།། །།དེ་ནས་དེ་བཞིན་གཤེགས་པ་ཐམས་ཅད་དང་དེ་བཞིན་གཤེགས་པ་ཐམས་ཅད་ཀྱི་ཡབ་འཁོར་དང་བཅས་པ་རྣམས་སླར་ཡང་འདུས་པར་གྱུར་
D492.086.0113a02.01ཏེ། བཅོམ་ལྡན་འདས་ཀུན་ཏུ་བཟང་པོ་ཆེན་པོ་ལ་གླུ་དབྱངས་ཀྱི་རྒྱལ་པོ་འདིས་གསོལ་བ་བཏབ་པ། ཐམས་ཅད་ཁྱབ་པའི་ཡེ་ཤེས་ཆེ། །མཁའ་ལ་རླུང་ལྟར་ཆེར་གཤེགས་པ། །ཡབ་ཀྱི་ཕྱག་རྒྱའི་ཡེ་ཤེས་བཟང་། །ཀུན་མཆོག་དམ་པས་བཤད་དུ་གསོལ། །དེ་ནས་བཅོམ་
D492.086.0113a03.01ལྡན་འདས་ཀུན་ཏུ་བཟང་པོས་དེ་བཞིན་གཤེགས་པ་ཐམས་ཅད་ཀྱི་རྒྱལ་པོ་མཆོག་རྡོ་རྗེ་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཡེ་ཤེས་ཆེན་པོའི་ཕྱག་རྒྱ་དང་དཀྱིལ་འཁོར་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྒྱས་པ་ལས་ངེས་པར་ཕྱུང་ངོ་། །དབུས་སུ་ཉི་མ་ཆེན་
D492.086.0113a04.01པོ་ནི། །ཧཱུྃ་ཡིག་སྦྱོར་བས་བསམ་པར་བྱ། །སོར་མོ་ཀུན་གྱི་རྩེ་གནས་སུ། །ས་བོན་ལྔ་ཡི་ཡབ་དགོད་བྱ། །ཚིགས་ཀྱི་ནང་ནི་ཐམས་ཅད་དུ། །ཡི་གེ་ཐམས་ཅད་རྣམ་པར་བསམ། །ཉི་མའི་དཀྱིལ་འཁོར་དག་ལ་ནི། །བཟང་པོ་ཐམས་ཅད་རྣམ་བསམ་བྱ། །འཁོར་ལོ་ཆེན་པོ་
D492.086.0113a05.01ཕྱག་རྒྱའི་ཚུལ། །ལག་པ་གཡོན་པར་བསམ་པར་བྱ། །དེ་ཡི་དབུས་སུ་ཤེས་རབ་ཆེ། །དེ་བཞིན་གཞན་ཡང་དགོད་པར་བྱ། །དེ་ནས་སྤྲོ་བའི་དེ་ཉིད་ནི། །གསང་སྔགས་འདི་ཡིས་སྦྱར་བར་བྱ། །ཨོཾ་པྲཛྙོ་པཱ་ཡས་མ་ཡོ་གེ་ཧཱུྃ་ཨ། དེ་ནས་ཕན་ཚུན་སྦྱར་བྱས་ནས། །རྡོ་རྗེ་ཐལ་
D492.086.0113a06.01མོར་རབ་ཏུ་གནས། །རྡོ་རྗེ་བསྡམས་པར་བྱས་ནས་སུ། །རྡོ་རྗེ་བསྡམས་པར་རྣམ་པར་བསམ། །དེ་ནས་ཤེས་རབ་ཆེ་བསྒྲེང་སྟེ། །རྩེ་མོ་ཅུང་ཟད་བསྐུམ་པར་བྱ། །འདོད་པའི་དབང་ཕྱུག་སྙིང་པོར་འགྱུར། །སྙིང་གར་བཞག་ན་སྙིང་པོ་འགྲུབ། །དེ་ཉིད་བསྡིགས་པའི་སྦྱོར་བ་ཡིས། །
D492.086.0113a07.01