完整藏文原文 · 德格版页 当前仅加载第 86 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ནི་གདོང་སྦྱར་བ། །འདི་ནི་ལས་བྱེད་དམ་པ་སྟེ། །ལྷག་མ་ཁུ་ཚུར་ལྟར་བྱས་པ། །ཕྱག་རྒྱ་ཆེན་པོ་ཞེས་སུ་འགྲུབ། །རྡོ་རྗེ་བསྡམས་པ་ལེགས་པར་བཅིང་། །རྩེ་མོའི་རྣམ་པར་སྦྱར་བར་བྱ། །ཤེས་རབ་འབའ་ཞིག་རྩེ་མོར་བྱ། །ལྷག་མ་དག་ནི་དེ་བཞིན་ནོ། །
D492.086.0114a01.01ལྷག་མ་བསྡམས་ཏེ་གཞུག་པར་བྱ། །སྙིང་པོ་ཆོས་ནི་བྱེད་པའི་མཆོག །ཁུ་ཚུར་གཡོན་པ་གཡོན་དུ་བཟུང་། །རྡོ་རྗེ་རྡོ་རྗེ་ཅན་གྱིས་བརྐྱང་། །གཡས་པའི་སྦྱིན་པ་བརྐྱང་ནས་ནི། །རྣ་བའི་རྩ་བར་དགུག་པར་བྱ། །འདི་ནི་ལས་བྱེད་ཤེས་བྱ་སྟེ། །སངས་རྒྱས་བྱང་ཆུབ་རབ་སྒྲུབ་
D492.086.0114a02.01བྱེད། །རྡོ་རྗེ་བསྡམས་པ་བརྐྱང་ནས་སུ། །སྙིང་གར་འཁོར་ལོའི་ཚུལ་དུ་བྱ། །གཡས་པའི་རྩེ་རྨོ་ལྕགས་ཀྱུར་བྱ། །སྦྱིན་པ་སྦྱིན་པའི་ཕ་རོལ་སོན། །དེ་བཞིན་བཅིང་བ་ལེགས་བསྡམ་བྱ། །གཉིས་ཀ་དེ་བཞིན་ལྕགས་ཀྱུ་སྟེ། །དེ་ལྟར་འོག་མ་བཅུག་ནས་སུ། །སྙིང་གར་བཞག་
D492.086.0114a03.01པ་ལས་རྗེས་འབྲང་། །དེ་ཉིད་དགུག་པར་སྦྱོར་བ་ནི། །ཐམས་ཅད་དགུག་པ་རབ་ཏུ་འགྲུབ། །དེ་བཞིན་སྦྱིན་པ་བསྐུམས་ནས་སུ། །ཡང་དང་ཡང་དུ་བརྐྱང་བར་བྱ། །སྙིང་གར་བསྐོར་བ་ཞེས་སུ་བཤད། །དེ་ཉིད་འོག་ཏུ་བསྟན་པ་ནི། །དམ་ཚིག་ཅན་ཞེས་རབ་ཏུ་གྲགས། །
D492.086.0114a04.01རྡོ་རྗེ་ཆོས་སུ་བཤད་པ་སྟེ། །ཁ་རུ་གཡོ་བར་བྱེད་པ་མཆོག །ལས་ལས་རྣམ་པར་ཚིམ་ཞེས་བྱ། །ལས་ཀུན་བྱེད་པའི་དམ་པ་སྟེར། །ལག་པ་བཅིངས་པ་ལས་བགྲོལ་ཏེ། །ཤེས་རབ་མཛོད་དུ་རབ་ཏུ་བརྟག །འདི་ནི་དམ་ཚིག་ཆེར་མཛེས་པ། །དེ་ཕྱིར་དེ་ལྟར་ཆོས་མཛད་དོ། །
D492.086.0114a05.01གཡས་པས་རབ་ཏུ་བསྒྲིམས་པ་ནི། །མི་སྣང་མཛོད་དེ་དེས་ན་ལས། །རིན་ཆེན་པདྨ་ལྡན་པའི་གདོང་། །སྙིང་གར་བཞག་པ་སྙིང་པོར་འགྱུར། །བསྡམས་ནས་གོ་ཆར་བྱས་ནས་སུ། །བསྐོར་བ་དམ་ཚིག་ཅེས་སུ་འདོད། །འཁྱུད་པ་ཆོས་ལྡན་ཞེས་སུ་གྲགས། །བསྣུན་པ་ལས་
D492.086.0114a06.01བྱེད་པ་རུ་བརྗོད། །བསྡམས་ལས་ཉི་མ་རྣམ་པར་སྤྲོ། །བསྐོར་བ་དམ་ཚིག་མཆོག་ཡིན་ནོ། །ལག་པའི་མཐའ་མ་ཆོས་ཆེན་པོ། །ཀུན་སྡུད་ལས་ཀུན་བྱེད་པའོ། །བསྡམས་ལས་སྦྱིན་པ་བསྒྲེང་བར་བྱ། །རྩེ་མོ་གསུམ་བྱ་གནས་མཛེས་པའོ། །དེ་ཉིད་སྟེང་དུ་བསྐོར་ནས་སུ། །
D492.086.0114a07.01