完整藏文原文 · 德格版页 当前仅加载第 86 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
སྒེག་དང་སྨྲ་བ་ཇི་ལྟར་ལགས། །གཟུགས་དང་སྒྲ་དང་དེ་བཞིན་དྲི། །གཙོ་བོ་རོ་དང་རེག་པར་འགྱུར། །མེ་ཏོག་བདུག་པ་མཆོག་དང་དྲི། །མར་མེ་གསལ་བ་མཆོག་གང་ལགས། །མཆོད་པ་ཐམས་ཅད་ཇི་ལྟར་འགྲུབ། །ཇི་ལྟར་མཆོད་པས་འགྲུབ་པར་འགྱུར། །རྒྱལ་བས་ཞུ་
D492.086.0115b01.01བ་འདི་དག་གིས། །ཕྲེང་བ་རྡོ་རྗེ་ཅན་ལ་ཞུས། །ཞེས་སོ། །དེ་ནས་བཅོམ་ལྡན་འདས་ཀུན་ཏུ་བཟང་པོ་ཆེན་པོས་ཞུ་བ་ཐམས་ཅད་རྣམ་པར་དཔྱོད་པ་ལོངས་སྤྱོད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཞུ་བ་རྒྱས་པ་འདི་དག་ཕྱུང་
D492.086.0115b02.01ངོ་། །ཤེས་རབ་ཡུམ་དུ་ལེགས་བཤད་དེ། །ཡབ་ནི་ཐབས་ལ་མཁས་པའོ། །འདི་ནི་བསྟེན་པ་ཉིད་ཀྱིས་ནི། །གྲོང་ལས་ཐར་པ་རབ་ཏུ་འགྲུབ། །བག་ཆགས་སྦྱོར་བ་དང་ལྡན་པས། །གཉི་ག་དག་ནི་གདོན་ཡིན་ཏེ། །གྲོལ་དང་མ་གྲོལ་ཞེས་སུ་བཤད། །དེ་ནི་རྣལ་འབྱོར་པ་རུ་
D492.086.0115b03.01བརྗོད། །གསང་སྔགས་ཡིད་དུ་བཤད་པ་སྟེ། །སྙིང་པོ་ཡང་ནི་དེ་བཞིན་ནོ། །ཡིད་ལ་རྣམ་པར་གཞག་ན་ནི། །གསང་སྔགས་མཁས་པས་འགྲུབ་པར་འགྱུར། །ཐར་པ་ཆོས་ཀྱི་རྒྱ་མཚོ་ཡིན། །ལྷ་རྣམས་གང་ལ་རྒྱས་བཏབ་པའི། །ཕྱག་རྒྱ་འདི་ཡིས་འགྲུབ་འགྱུར་ཏེ། །དངོས་
D492.086.0115b04.01གྲུབ་བདེ་བ་བླ་ན་མེད། །རིག་སྔགས་ཡེ་ཤེས་མ་ལུས་ཏེ། །རིག་སྔགས་ཕ་རོལ་ཕྱིན་པར་བཤད། །དེ་ཤེས་པ་ནི་འགྲུབ་འགྱུར་ཏེ། །གྲུབ་ནས་བདེ་བ་རྣམ་པ་གསུམ། །ཤེས་རབ་ལ་ནི་ཤེས་རབ་ནི། །གཞུག་དང་དགུག་པ་དེ་བཞིན་ནོ། །གཤེགས་སུ་གསོལ་བ་བཏང་བར་
D492.086.0115b05.01ཤེས། །བཅིངས་པ་བརྟན་པར་བྱེད་པའོ། །མཉེས་པ་ཡིས་ནི་ལེགས་ཚིམ་ཡིན། །བསྐུལ་བ་འཕྲོ་བ་ཉིད་དུ་བཤད། །བསམ་པ་གཅིག་ཏུ་གྱུར་པ་ནི། །གཉིས་སུ་མེད་པ་ཞེས་སུ་བརྟགས། །རོ་གཅིག་དེ་ཉིད་བཤད་པ་ནི། །འཇིག་རྟེན་པ་ཡི་ལྷ་རུ་བརྗོད། །ཙུམ་པ་རྡོ་རྗེ་
D492.086.0115b06.01རྣལ་འབྱོར་ཏེ། །རྡོ་རྗེ་ཡེ་ཤེས་ཞེས་སུ་བཤད། །ཤེས་དང་མི་ཤེས་མཉམ་སྦྱོར་བས། །རྡོ་རྗེའི་ཡེ་ཤེས་ཞེས་བཤད་དོ། །ཤེས་དང་མི་ཤེས་མཉམ་སྦྱོར་བས། །ཙུམ་པ་ན་ཞེས་ངེས་པར་བཤད། །གནས་པས་རྟགས་ཞེས་བཤད་པ་སྟེ། །རྟགས་ནི་ལུས་ཞེས་བརྗོད་པ་
D492.086.0115b07.01