完整藏文原文 · 德格版页 当前仅加载第 86 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
པས་དལ་གྱིས་བསྐྱོད་པར་བྱ། །དེ་གཉིས་སྙིང་གར་ཡོངས་སུ་སྦྱར། །བསྙེམས་པས་སྡུད་དང་འགྱེད་པར་བྱ། །ཇི་སྲིད་སྤྱི་བོར་གཏུགས་པ་ཡིས། །ཆོས་དང་ལ་སོགས་ཀུན་ཏུ་འགྱུར། །སྙིང་པོ་ལ་སོགས་སྔགས་རིག་པས། །ཕྱག་རྒྱ་འདི་ཡིས་རྒྱས་བཏབ་ན། །
D492.086.0111b01.01དངོས་གྲུབ་ཐམས་ཅད་ཐོབ་འགྱུར་ཏེ། །རྡོ་རྗེ་སེམས་དཔའི་བཀའ་བཞིན་ནོ། །ཐལ་མོ་མཉམ་པོར་ལེགས་པར་སྦྱར། །གཡོན་པའི་སྟེང་དུ་དེ་བཞིན་གཞན། །དེ་དག་སྙིང་གར་བསྒྲེང་བར་བྱ། །དེ་ནི་ཕན་ཚུན་ཤེས་རབ་ཡིན། །སྔགས་པ་ཆེན་པོས་སྦྱར་བར་བྱ། །གཞན་
D492.086.0111b02.01ནི་སྦྱོར་བས་རྣམ་པར་སྤྲོ། །འདི་ནི་ཆོས་ཀྱི་ཕ་རོལ་ཏུ། །འགྲོ་བའི་ཆོས་ཀྱི་མཆོག་ཏུ་བཤད། །དེ་བཞིན་ཐལ་མོ་མཉམ་པོར་སྦྱར། །སྙིང་གར་གཡོན་པར་གཞག་པར་བྱ། །འོད་ལྡན་རྡོ་རྗེའི་གདོང་པ་དང་། །མདོར་བསྡུས་ནས་ནི་སྦྱར་ནས་སུ། །གཡས་པ་ཐུར་དུ་
D492.086.0111b03.01འཕྱང་བར་བྱ། །དེ་བཞིན་སྟེང་བསྟན་མཆོག་སྦྱིན་ནོ། །མེ་ཏོག་སྙིམ་པ་ཡང་དག་སྦྱར། །རྡོ་རྗེ་གཉིས་ནི་དབུས་སུ་བཞག །བཟོད་པ་གཉིས་པོ་དེ་ལ་སྦྱར། །སྦྱིན་པ་དག་ནི་ཕྱི་རུ་བསྐུམ། །དེ་ནི་སྟེང་དུ་ལེགས་པར་བཞག །འདི་ནི་སངས་རྒྱས་ཐམས་ཅད་ཀྱི། །ཡིད་
D492.086.0111b04.01བཞིན་རྒྱལ་པོའི་འབྲས་བུ་སྟེར། །དེ་ནི་སྦྱོར་བས་སོ་སོར་བྱ། །གཡོན་པ་སྙིང་གར་ཡོངས་སུ་བཞག །གཡས་པ་སྤྲོ་བའི་སྦྱོར་བ་ཡིས། །ཡོངས་སུ་བསྐོར་ཞིང་བསྐོར་ནས་སུ། །གཡས་པ་རུ་ནི་གཞག་པར་བྱ། །རྡོ་རྗེ་ཐལ་མོ་བརྐྱང་ནས་སུ། །རྡོ་རྗེའི་སྟེང་དུ་འོད་མཛེས་
D492.086.0111b05.01མ། །ཕྱི་རོལ་བསྐུལ་བའི་སྦྱོར་བ་ཡིས། །དེ་ཡི་སྟེང་དུ་གདོང་པ་བཞག །ཕྱག་རྒྱ་འདི་ནི་ཕྱག་རྒྱ་ཆེ། །བརྩོན་འགྲུས་ཕ་རོལ་ཕྱིན་དགེ་མའོ། །དེ་བཞིན་ལག་པ་སྟེང་དུ་སྦྱར། །རྩིབས་མཆོག་རིན་ཆེན་མ་རུ་འགྱུར། །ལྷག་མའི་བྱ་བ་དེ་ཉིད་ཀྱིས། །དེ་བཞིན་
D492.086.0111b06.01ཞག་གཅིག་བསམ་པར་བྱ། །སྦྱོར་བ་དེ་ཡིས་བཅིང་བ་རུ། །སྔགས་ཤེས་གཙོ་བོ་སྔགས་པས་བྱ། །རྡོ་རྗེ་ཐལ་མོ་མཉམ་པར་སྦྱར། །ཁྲོ་མོ་རྡོ་རྗེའི་སྦྱོར་བ་ཡིས། །སྙིང་གར་བློ་གྲོས་ལྡན་པས་བཟུང་། །དེ་ནི་ལྕགས་ཀྱུའི་རྣམ་པ་ཡིས། །བལྟས་ནས་ལུས་ཅན་
D492.086.0111b07.01