完整藏文原文 · 德格版页 当前仅加载第 86 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཚོགས་མཆོག་མཐའ་དག་དང་། །བདེ་གཤེགས་དམ་པའི་ཡུམ་གྱུར་སྲིད་པའི་སྐྱེད་པ་པོ། །ཕ་རོལ་དོན་མཛད་དུས་ལ་དེ་རིང་བབ་པ་ལགས། །ཞེས་སོ། །དེ་ནས་དེ་དག་རང་ཉིད་ཀྱིས། །རྫུ་འཕྲུལ་རྣམ་པར་འཕྲུལ་པས་བྱོན། །མཚན་མ་དག་ནི་བཟང་པོ་
D492.086.0087b01.01རྣམས། །དཀྱིལ་འཁོར་དག་ཏུ་བལྟ་བར་བྱ། །རང་ངམ་གཞན་ལ་འབབ་སོགས་པའི། །མཚན་མ་ཇི་ལྟར་མཐོང་བ་ན། །དེ་ཚེ་ངེས་པར་མ་མོ་ནི། །བདེ་གཤེགས་ཐུགས་ཀྱི་དགོངས་པར་བྱོན། །དེ་ནས་མཆོད་ཡོན་ཞབས་བསིལ་ཆོ་ག་ཇི་བཞིན་རབ་བརྟགས་ཏེ། །དེ་ཚེ་
D492.086.0087b02.01བབས་པའི་སེམས་ཅན་བསོད་ནམས་ལྡན་ལ་དྲི་བར་བྱ། །གལ་ཏེ་དེ་ནི་མི་སྨྲ་བ་ན་ཧཱུྃ་གི་ཡི་གེ་དང་། །ལྡན་པའི་གླུ་དབྱངས་ཅན་གྱིས་ཡོངས་སུ་བསྐུལ་བ་ཉིད་དུ་བྱའོ། །དེ་ནས་ཤེས་རབ་ལྡན་མ་གཞུག །སློབ་མའི་གཙོ་བོ་ཐལ་སྦྱར་ཏེ། །མིག་ལ་མིག་དར་གྱིས་གཡོགས་
D492.086.0087b03.01ལ། །རབ་དགའ་བདག་ཡིན་ཡང་དག་དགའ། །མ་མོ་ཐམས་ཅད་ལ་དམིགས་ཏེ། །དེར་ནི་མེ་ཏོག་དོར་བར་བྱ། །མེ་ཏོག་གང་ལ་ལྷུང་གྱུར་པ། །མ་མོ་དེ་ནི་དེ་ཡིས་འགྲུབ། །དེ་ནས་{གོ་རིམས་,གོ་རིམ་}ཇི་བཞིན་དུ། །སྒོ་སྐྱོང་བ་ནས་བརྩམས་ནས་སུ། །ཤེས་རབ་ཕ་རོལ་
D492.086.0087b04.01ཕྱིན་པའི་བར། །སློབ་མ་ལ་ནི་བཤད་པར་བྱ། །དམ་ཚིག་ཐོབ་པར་གྱུར་ནས་སུ། །སྡོམ་པ་དག་ནི་གཟུང་བར་བྱ། །མ་མོའི་སྔགས་དང་ཕྱག་རྒྱ་ནི། །མཉམ་པར་གཞག་པས་བསྟན་པར་བྱ། །གཞན་དུ་སློབ་དཔོན་བློ་ངན་ནི། །ངེས་པར་དམྱལ་བར་འགྲོ་བར་འགྱུར། །
D492.086.0087b05.01དེས་ཀྱང་ཡང་དག་དེ་འགྲུབ་ཅིང་། །མྱུར་དུ་དམྱལ་བར་འགྲོ་བར་འགྱུར། །བགེགས་དང་ལོག་པར་འདྲེན་པའམ། །རིམས་དང་གདོན་དང་དུག་སོགས་ཀྱིས། །གདུངས་ཏེ་ནད་ཀྱིས་རྒྱུན་དུ་ནི། །འཆི་བ་རུ་ཡང་འགྱུར་བ་ཡིན། །རྡོ་རྗེ་སློབ་དཔོན་སྨད་པ་ན། རྟག་ཏུ་
D492.086.0087b06.01དམྱལ་བ་ཉིད་དུ་ནི། །རབ་ཏུ་རྨོངས་པའི་སློབ་མ་འགྲོ། །མཁའ་ལས་རྡོ་རྗེ་ཇི་བཞིན་ནོ། །དེས་ན་བུ་ཀྱེ་དམ་ཚིག་ནི། །ཁྱོད་ཀྱིས་རྟག་ཏུ་སྲུང་བར་བྱོས། །མ་མོ་ཀུན་གྱི་སྡོམ་པ་ནི། །ཐེག་པ་ཆེན་པོའི་ཆོ་གས་གནས། །དེ་ནས་ཡང་བཅོམ་ལྡན་འདས་ཀྱིས་ཏིང་ངེ་འཛིན་ལ་
D492.086.0087b07.01