完整藏文原文 · 德格版页 当前仅加载第 86 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
དང་གདུགས་སོགས་རལ་གྲི་དང་། །མཚོན་ཆ་དམ་པ་བསྒྲུབ་པར་བྱ། །སྙིང་པོ་སྙིང་གར་བྱས་ནས་ནི། །བསྒོམས་ན་མྱུར་དུ་འགྲུབ་པར་འགྱུར། །རྡོ་རྗེ་སེམས་དཔའ་རྒྱལ་པོ་ཆེས། །པདྨའི་སེམས་དཔའ་བཞིན་རས་མཆོག །དེ་ཡི་ཞལ་དུ་བྱས་ནས་སུ། །
D492.086.0092a01.01དེ་དང་ལྡན་པས་བསྒོམ་པར་བྱ། །མངའ་བདག་གང་གིས་དབང་ཕྱུག་ལྟར། །སྐད་ཅིག་དེ་ལ་དེ་འགྱུར་རོ། །དེ་ཉིད་ཀྱི་ནི་སྤྱི་བོའི་ཆར། །མཆོག་གི་དམ་པ་བསམ་གཏན་བྱ། །སྐད་ཅིག་དེ་ལ་མཆོད་པ་ཆེའི། །སངས་རྒྱས་སུ་ནི་དེ་འགྱུར་རོ། །དེ་ཡི་སྤྱི་གཙུག་ཉིད་དུ་ནི། །
D492.086.0092a02.01སྣ་ཚོགས་རྡོ་རྗེ་བསྒོམ་པར་བྱ། །དེ་ནི་ཀུན་གྱི་རྒྱལ་དབང་པོ། །ལས་ཀུན་བྱེད་པའི་དོན་འགྲུབ་འགྱུར། །རྡོ་རྗེ་སྙིང་གར་བསམ་པར་བྱ། །དེ་ཡི་དབུས་སུ་སྙིང་པོ་བལྟ། །དེ་ནས་རྡོ་རྗེ་རིག་པ་འཛིན། །མངའ་བདག་རྡོ་རྗེའི་དབང་པོ་འགྲུབ། །རིན་ཆེན་ཆེན་པོ་ཆ་བརྒྱད་པ། །
D492.086.0092a03.01སྙིང་ག་རུ་ནི་མཁས་པས་བསྒོམ། །དེར་ནི་སྙིང་པོ་བསམ་པ་ཡིས། །རིན་ཆེན་རིག་པ་འཛིན་པར་འགྱུར། །པདྨ་ཆེན་པོ་འདབ་བརྒྱད་པ། །ཡིད་ལ་བསྒོམས་པས་སྐད་ཅིག་ལ། །པདྨ་ཆེ་ལྡན་མངའ་བདག་གིས། །པདྨའི་རིག་པ་འཛིན་པར་འགྱུར། །དེ་ལ་སོགས་པ་མཐའ་
D492.086.0092a04.01ཡས་པ། །ཇི་ལྟའི་སྦྱོར་བའི་ཆོ་ག་ཡིས། །མཆོག་དང་དམན་པ་འབྲིང་པོ་ཡི། །དངོས་གྲུབ་དམ་པ་བསྒྲུབ་པར་བྱ། །སྙིང་གར་ཟླ་བའི་དཀྱིལ་འཁོར་བསམ། །ཡི་གེ་དམ་པ་བསྒོམ་པར་བྱ། །ཇི་ལྟའི་སྦྱོར་བའི་དཀྱིལ་འཁོར་གྱིས། །ཐམས་ཅད་བདག་ཏུ་བསྒོམ་པར་བྱ། །དེ་
D492.086.0092a05.01ལས་ལངས་ཏེ་བདག་ཞི་བས། །ཟླ་འོད་ཁ་བ་ལྟར་བསིལ་བའི། །འོད་ཟེར་སྤྲིན་གྱིས་ཆེར་གཏམས་པས། །བསྒྲུབ་བྱའི་སྤྱི་བོར་གཞག་པར་བྱ། །སྐད་ཅིག་དེ་ལ་གདུག་པ་དང་། །གཟའ་དང་དུག་སོགས་རབ་འཕྲོག་ཅིང་། །ཉི་མ་གཅིག་གམ་བདུན་ནམ་ནི། །བསྒྲུབ་བྱ་
D492.086.0092a06.01ཞི་འགྱུར་གཞན་དུ་མིན། །རིན་ཆེན་དཀྱིལ་འཁོར་དབུས་གནས་པར། །སྙིང་པོའི་མཆོག་ནི་བསྒོམ་པར་བྱ། །འོད་ཟེར་སེར་པོའི་ཕྲེང་མཛེས་པ། །བསྒོམས་པས་དེ་ནི་རྒྱས་པར་བྱེད། །པདྨའི་དཀྱིལ་འཁོར་དབུས་གནས་པར། །མཉམ་པར་གཞག་པས་ལྷ་མོ་བསམ། །
D492.086.0092a07.01