完整藏文原文 · 德格版页 当前仅加载第 86 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་པས་གཤེགས། །དེ་ནས་སྔགས་པས་སློབ་མའི་མཆོག་དེ་ལ། །གསང་བ་རྣམ་པར་འཛིན་ལ་གསང་བ་ཡི། །རྒྱལ་པོས་གསལ་མཛད་རྒྱལ་བའི་གསང་བདག་གིས། །གསང་བ་མཐའ་དག་ལེགས་པར་བསླབ་པར་བྱ། །གསང་བའི་ཕྱག་རྒྱ་མིག་ཡངས་མ། །བློ་གྲོས་
D492.086.0109b01.01བརྟན་པས་བསྒྲུབ་པར་བྱ། །རང་བྱིན་བརླབ་པའི་རིམ་པ་ཡིས། །ཤེས་རབ་ཀྱིས་ནི་བྱིན་གྱིས་བརླབ། །བདག་ཉིད་སེམས་དཔར་ལེགས་བསྒོམས་ཏེ། །གསང་བ་རྒྱན་གྱི་སྦྱོར་བ་ཡིས། །ཉི་མ་བདུན་གྱིས་ལེགས་འགྲུབ་པར། །འགྱུར་བ་འདི་ལ་ཐེ་ཙོམ་མེད། །ལྷ་མོ་ཤེས་
D492.086.0109b02.01རབ་ཆེ་དེ་ཡང་། །རང་ཉིད་རྡོ་རྗེ་འཆང་གཙོ་སྟེ། །ནམ་མཁའ་ཀུན་གྱི་མཆོག་དཔའ་བོ། །རྒ་དང་འཆི་བ་མེད་པར་འགྱུར། །འདོད་པའི་དབང་ཕྱུག་རྣལ་འབྱོར་ཆེ། །བདག་ཉིད་འདོད་པར་བསྒོམ་པ་ཡིས། །འདོད་པའི་ལོངས་སྤྱོད་འགྲུབ་པར་འགྱུར། །འདོད་པའི་དབང་ཕྱུག་གཙོ་
D492.086.0109b03.01བོ་སྟེ། །དེ་ཡང་འདོད་པའི་དབང་ལྷ་མོར། །འགྲུབ་འགྱུར་འདི་ལ་ཐེ་ཚོམ་མེད། །འདོད་པའི་ཁམས་ཀྱི་དབང་ཕྱུག་ཀུན། །བྲན་དང་འདྲ་བར་འཁོལ་བར་འགྱུར། །ནམ་མཁའི་དཀྱིལ་འཁོར་ཡིད་འོང་བར། །མཁའ་འགྲོའི་ས་བོན་བསྒོམ་པར་བྱ། །དེ་ནི་སྦྱོར་བས་སྤྲོས་ནས་
D492.086.0109b04.01སུ། །རང་གི་སྙིང་གར་གཞུག་པར་བྱ། །བཅུག་ནས་རིན་ཆེན་ཆེན་པོ་ནི། །སྲིད་པ་འཇོམས་པར་བསྒོམ་པར་བྱ། །ཡིད་བཞིན་རིན་ཆེན་རང་བཞིན་མཛེས། །ཉི་མ་བདུན་ན་དེ་འགྱུར་རོ། །འདམ་སྐྱེས་དམར་པོའི་དབུས་སུ་ནི། །འབད་པས་ཀུན་ནས་དྲི་ཡིས་དགང་། །དྲི་ཡི་
D492.086.0109b05.01དབང་ཕྱུག་རྒྱལ་པོ་ཆེ། །བདག་ཉིད་སེམས་དཔའ་ཡིད་ཆེས་བསྒོམ། །དེ་ནས་མྱུར་དུ་བློ་ལྡན་ཏེ། །དྲི་ཟའི་བདག་པོའི་བདག་པོར་འགྱུར། །དྲི་ཡིས་མྱུར་བ་ཉིད་དུ་ནི། །བརྟན་དང་གཡོ་བའི་དུག་འགུགས་བྱེད། །དོན་ཡོད་ཀྱི་ནི་དཀྱིལ་འཁོར་དུ། །སྙིང་པོ་སྙིང་གི་སྦྱོར་བ་
D492.086.0109b06.01བསམ། །ཡིད་ལ་བསམས་པའི་དངོས་གྲུབ་འགྱུར། །དེ་ཡི་ཕྱག་རྒྱའང་དེ་དང་མཚུངས། །རིན་ཆེན་གྱི་ཡང་རིན་ཆེན་ཆེ། །རིན་ཆེན་གྱི་ནི་མིག་འོད་གསལ། །དེ་བཞིན་དྲི་དང་ལྡན་པ་ནི། །སྒྲུབ་པ་པོ་ཡིས་འགྲུབ་པར་འགྱུར། །དེ་ལ་སོགས་པའི་དབྱེ་བ་ཡིས། །ལྷ་
D492.086.0109b07.01