完整藏文原文 · 德格版页 当前仅加载第 86 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་པར་གནས་པ། མཚན་དང་དཔེ་བྱད་ཐམས་ཅད་སྒྱུ་མའི་ཆོས་དང་ལྡན་པ་ལ་ལེགས་པར་རབ་ཏུ་གནས་པ། དུས་གསུམ་གྱི་དཔེ་བྱད་མཉམ་པ་ཉིད། རྡོ་རྗེ་ལྟ་བུ་མཉམ་པ་ཉིད་ཐོབ་པ། སྟོང་པ་ཉིད་ཀྱི་ཆོས་ཐམས་ཅད་དང་། དཔེ་བྱད་མཉམ་པ་ཉིད་ཐོབ་པ། གཉིས་སུ་མེད་
D490.086.0079b01.01པའི་དོན་ལ་ལེགས་པར་ཡང་དག་པར་ཞུགས་པ་རྣམས་སོ་ཞེས་པའོ། །ཨོཾ་ཨ་ནུ་བྱཉྫ་ན་ས་མ་ཏཱ་སུ་པྲ་ཏིཥྛི་ཏ་བཛྲ་ཛྙཱ་ན་ཧཱུྃ་ལྃ་ཨྃ། དཔེ་བྱད་མཉམ་པ་ཉིད་ཅེས་བྱ་བའི་ཤེས་རབ་ཀྱི་ཕ་རོལ་ཏུ་ཕྱིན་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་
D490.086.0079b02.01འདུས་པར་གྱུར་ནས། བཅོམ་ལྡན་འདས་རྡོ་རྗེ་ཅན་རྣལ་འབྱོར་གྱི་དབང་ཕྱུག་ཆེན་པོ་ཅན་ལ་ལེགས་སོ་ཞེས་བྱ་བ་རྣམས་ཀྱིས་མཉེས་པར་མཛད་དོ། །ཨོཾ་བྱང་ཆུབ་སེམས་ཆེད་ཁྱོད་ལེགས་སོ། །སངས་རྒྱས་ཀུན་གྱི་བདག་ཉིད་མཆོག །སངས་རྒྱས་ཆོས་ཆེད་ཁྱོད་ལེགས་
D490.086.0079b03.01སོ། །ཏིང་འཛིན་དབང་དུ་འཇུག་པ་ཡི། །རྡོ་རྗེ་ཡེ་ཤེས་ཁྱོད་ལེགས་སོ། །རྡོ་རྗེ་སེམས་དཔའ་ཁྱོད་ལེགས་སོ། །ཚད་མེད་ཆེད་དུ་ཁྱོད་ལེགས་སོ། །ཤེས་རབ་དམ་པའི་ཆེད་དུ་ཡང་། །མདོ་སྡེ་འདི་ནི་ལེགས་པར་བཤད། །སངས་རྒྱས་སྔ་མས་མ་གསུངས་པའོ། །
D490.086.0079b04.01དེ་ནས་བཅོམ་ལྡན་འདས་རྡོ་རྗེ་རྣལ་འབྱོར་ཅན་གྱི་དབང་ཕྱུག་ཆེན་པོས་དེ་བཞིན་གཤེགས་པ་རྣམས་ཐམས་ཅད་ལ་ཕྱག་འཚལ་བ་བཞི་ཡིས་མངོན་པར་དགྱེས་པར་མཛད་དོ། །སངས་རྒྱས་ཀུན་ཁྱོད་ལ་ཕྱག་འཚལ། །ཆོས་ཀྱི་སྐུ་ཡི་མཆོག་གི་མཆོག །གདོད་མའི་སྔགས་
D490.086.0079b05.01ཀྱི་དོན་ཉིད་ལ། །རྡོ་རྗེ་ཡེ་ཤེས་སྟོབས་ཆེན་ལ། །ཤིན་ཏུ་སྒྲིབ་མེད་ཞི་བ་ལ། །རྡོ་རྗེ་ཆོས་རྣམས་ལེགས་གནས་པ། །ཐེག་པ་ཆེན་པོའི་གོ་འཕང་ཐོབ། །ཐུགས་རྗེའི་བདག་ཉིད་ཅན་གྱི་ལྷ། །གདོད་ནས་དག་པ་དཔའ་བོ་ཆེ། །དབང་ཕྱུག་དམ་པ་མཆོག་གི་
D490.086.0079b06.01མཆོག །དམ་ཆོས་མཆོག་ཏུ་འགྱུར་བ་མེད། །བདེ་གཤེགས་དེ་རྣམས་ལ་ཕྱག་འཚལ། །ཞེས་པའོ། །ན་མ་སྟུ་ཏེ། ཨོཾ་མཱྃ་ཧཱུྃ་ཧཱུྃ་ན་མོ་སྟུ་ཏེ་སྭཱ་ཧཱ། འདི་ནི་བརྗོད་པ་ཙམ་ཞིག་གིས། །སངས་རྒྱས་ཐམས་ཅད་རབ་མཆོད་པའོ། །ཞེས་པའོ།། །།
D490.086.0079b07.01