完整藏文原文 · 德格版页 当前仅加载第 86 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོའི་གྲྭ་ནི་ལེགས་གནས་པར། །རྡོ་རྗེ་སྒེག་མོ་ལ་སོགས་བྲི། །ཕྱི་ཡི་འཁོར་ལོའི་གྲྭ་རུ་ནི། །རྡོ་རྗེ་བདུག་པ་ཞེས་བྱ་སོགས། །བདག་ཉིད་ཆེན་པོ་འབད་པ་ཡིས། །མཆོད་པ་འདི་དག་བྲི་བར་བྱ། །ཕྱི་ཡི་དཀྱིལ་འཁོར་གྲྭ་རྣམས་སུ། །གཟུགས་ཀྱི་
D490.086.0011a01.01རྡོ་རྗེ་ལ་སོགས་མིན། །གཟུགས་སྒྲ་དེ་བཞིན་དྲི་དང་ནི། །ཁྱད་པར་དུ་ནི་རོ་ཉིད་དང་། །རེག་དང་ཆོས་ཀྱི་དབྱིངས་དང་ནི། །མཁས་པ་ཡིས་ནི་དགོད་པར་བྱ། །སྒོ་ཡི་ནང་ནི་ཐམས་ཅད་དུ། །སྒོ་སྐྱོང་བ་ནི་དགོད་པར་བྱ། །དེ་བཞིན་དཀྱིལ་འཁོར་གཉིས་པ་རུ། །རྡོ་རྗེ་ཤུགས་
D490.086.0011a02.01ཀྱིས་སོང་ནས་ནི། །{གོ་རིམས་,གོ་རིམ་}བཞིན་དུ་སངས་རྒྱས་ཀྱི། །ཡུམ་རྣམས་འབད་པས་བྲི་བར་བྱ། །ནམ་མཁའི་སྤྱན་ཞེས་བྱ་བ་ནི། །སངས་རྒྱས་སྤྱན་ཞེས་བྱ་བ་དང་། །ཤེས་རབ་ཕ་རོལ་ཕྱིན་མ་ཡང་། །ཕྱག་རྒྱ་ཀུན་དང་ཡང་དག་ལྡན། །ཇི་སྲིད་དེ་བཞིན་གཤེགས་རིག་མ། །
D490.086.0011a03.01ཐམས་ཅད་ཤར་དུ་དགོད་པར་བྱ། །དེ་ནས་བློ་གྲོས་ལྡན་པ་ཡིས། །བྱང་གི་ཕྱོགས་སུ་སོང་ནས་ནི། །གོས་དཀར་མ་དང་སྒྲོལ་མ་ཆེ། །ཁྲོ་གཉེར་ཅན་དང་གྲགས་འཛིན་མ། །ཁྱད་པར་དུ་ནི་དཔལ་བདུན་དང་། །མདའ་བདུན་དང་ནི་དབྱངས་ཅན་མ། །དེ་ལ་སོགས་
D490.086.0011a04.01པའི་ལྷ་མོ་རྣམས། །བྲན་དང་བྲན་མོར་ཡང་དག་ལྡན། །དེ་བཞིན་ཕོ་ཉ་ཕོ་ཉ་མོ། །གསང་བའི་ཕྱག་རྒྱ་ལྷན་ཅིག་བྲི། །རྡོ་རྗེ་ཤུགས་ཀྱིས་སོང་ནས་ནི། །ལྷོ་ཡི་ཕྱོགས་སུ་རབ་ཕྱིན་ལ། །མཱ་མ་ཀཱི་དང་ལྕགས་སྒྲོག་དང་། །ཁབ་རྩེ་རྡོ་རྗེའི་མཚན་མ་མཆོག །དེ་ལྟར་བྲིས་
D490.086.0011a05.01ནས་བློ་ལྡན་གྱིས། །ནུབ་ཀྱི་ཕྱོགས་སུ་སོང་ནས་ནི། །དེར་ནི་ཕྱིན་ནས་ཤེས་ལྡན་གྱིས། །སྐྲ་ཅན་སྟོབས་ཆེན་བྲི་བར་བྱ། །དེ་བཞིན་འདམ་བུ་མདའ་རྒྱུ་དང་། །ལྷ་མོ་ཟླ་མཛེས་འོད་ཟེར་འདྲ། །དཀྱིལ་འཁོར་ཀུན་གྱི་མཚམས་རྣམས་སུ། །དེ་བཞིན་ཉེ་བའི་སྐྲ་ཅན་མ། །
D490.086.0011a06.01འབད་པ་ཡིས་ནི་བྲི་བར་བྱ། །རབ་བཀྲ་ནོར་གྱི་བློ་གྲོས་དང་། །འགུགས་བྱེད་ཕོ་ཉ་ལྔ་དང་ལྡན། །གྲྭ་ཡི་ཆ་རུ་བྲི་བྱ་བ། །རྡོ་རྗེ་མདུང་རྩེ་ཞེས་བྱ་སོགས། །སྒོ་ཡི་ནང་ནི་ཐམས་ཅད་དུ། །སྒོ་སྐྱོང་བ་ནི་རྣམ་པར་བྲི། །གཞན་གྱིས་མི་ཐུབ་ལྷ་མོ་ཆེ། །དེ་བཞིན་རལ་པ་གཅིག་
D490.086.0011a07.01