完整藏文原文 · 德格版页 当前仅加载第 86 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཏུ་བཟང་པོ་ཉིད་དག་དང་། །ཕྱག་ན་རྡོ་རྗེ་བདག་ཉིད་ཆེ། །ཀུན་ནས་འབར་བས་འཁྲུག་པའི་འོད། །འཇམ་དཔལ་དབྱངས་ནི་རིགས་ཀྱི་མཆོག །སངས་རྒྱས་སྲས་བཟང་དྲི་མ་མེད། །སྒྲིབ་པ་ཐམས་ཅད་ངེས་པར་སེལ། །དེ་ནས་ས་ཡི་སྙིང་པོ་མཆོག །ནམ་མཁའི་
D490.086.0010b01.01མཛོད་ནི་མཛོད་དམ་པ། །ལག་ན་རིན་ཆེན་བླ་ན་མེད། །ངན་སོང་ཀུན་ནི་འཇོམས་པ་ནི། །དྲ་བ་ཅན་གྱི་འོད་ཅེས་བྱ། །དཔའ་བོ་འདི་དག་གསང་བ་ཆེ། །དཀྱིལ་འཁོར་འདི་དག་བྲི་བར་བྱ། །འཁོར་ལོ་དེ་ནི་དོར་ནས་ནི། །བློ་གྲོས་ལྡན་པས་ཕྱིར་སོང་སྟེ། །ཤར་
D490.086.0010b02.01དུ་སངས་རྒྱས་ཐམས་ཅད་ཀྱི། །ཕྱག་རྒྱ་{གོ་རིམས་,གོ་རིམ་}བཞིན་དུ་དགོད། །འཁོར་ལོ་མཛེས་པའི་དགེ་ལེགས་ཅན། །རྡོ་རྗེ་དཔལ་བེའུ་པད་ཅེས་བྱ། །གཙུག་ཏོར་རྣམ་པ་སྣ་ཚོགས་པ། །རྡོ་རྗེ་པད་མས་རྣམ་པར་བརྒྱན། །ལྷུང་བཟེད་དང་ནི་འཁར་གསིལ་དང་། །ཆོས་
D490.086.0010b03.01གོས་ཀྱང་ནི་ཁྱད་པར་དུ། །ཤཱཀྱ་སེང་གེ་ཇི་སྲིད་པར། །སངས་རྒྱས་ཀུན་གྱིས་རབ་ཏུ་གསུངས། །གང་ཞིག་དངོས་གྲུབ་མཆོག་འདོད་པ། །དེ་རྣམས་བློ་ལྡན་བརྟན་པས་བྲི། །བྱང་དུ་འཇིག་རྟེན་དབང་ཕྱུག་གི། །ཕྱག་རྒྱའི་ཚོགས་མཆོག་དེ་བཞིན་ཏེ། །པདྨ་ཨུད་པལ་
D490.086.0010b04.01ཉིད་དང་ནི། །སྤྱི་བླུགས་པགས་པའི་གཡང་གཞི་དང་། །དབྱུག་གུའི་ཤིང་ནི་མཁས་པ་ཡིས། །མ་མྱོས་པ་རུ་བྲི་བར་བྱ། །སླར་ཡང་ལྷོ་རུ་སོང་ནས་ནི། །ཕྱ་ན་རྡོ་རྗེ་བདག་ཉིད་ཆེ། །སློབ་དཔོན་བདག་ཉིད་ཆེན་པོ་ཡིས། །ཕྱག་རྒྱ་འབད་པས་བྲི་བར་བྱ། །རྡོ་རྗེ་པཊྚ་ཤ་
D490.086.0010b05.01དང་ནི། །དྲིལ་བུ་རབ་ཏུ་མཛེས་པ་དང་། །དབྱུག་གུ་དང་ནི་ཐོ་བ་དང་། །དབྱུག་པ་རྡོ་རྗེས་མཚོན་པ་དང་། །ལྕགས་སྒྲོག་དང་ནི་རྩེ་གསུམ་ཡང་། །འདི་དག་དཔའ་བོའི་ཕྱག་རྒྱའོ། །དཀྱིལ་འཁོར་ནུབ་ཏུ་སོང་ནས་ནི། །འཇམ་པའི་དབྱངས་ནི་བློ་དང་ལྡན། །གསང་བའི་
D490.086.0010b06.01ཆོས་ནི་དམ་པའི་མཆོག །བརྩོན་འགྲུས་ཆེན་པོའི་ཕྱག་རྒྱ་བྲི། །ཨུད་པལ་འཁོར་ལོ་རྡོ་རྗེ་དང་། །རལ་གྲི་ཡང་ནི་ཁྱད་པར་དུ། །ཐོད་པ་དང་ནི་དགྲ་སྟ་ཉིད། །རྨ་བྱ་དང་ནི་སེང་གེ་ཉིད། །ཕྱག་རྒྱ་འདི་ནི་བརྩོན་འགྲུས་ཆེ། །མཁས་པ་ཡིས་ནི་དགོད་པར་བྱ། །
D490.086.0010b07.01