完整藏文原文 · 德格版页 当前仅加载第 86 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེ་མཐར་བྱེད་སྟོབས་པོ་ཆེ། །དེ་ལ་སྔགས་ཀྱང་། ཨོཾ་ཨཱཿཧཱུྃ་ཕཊ། ཨོཾ་ཡ་མ་མ་ཐ་ན་ཧཱུྃ་ཕཊ། ཨོཾ་ཧྲཱིཿཥྚཱིཿབི་ཀྲྀ་ཏཱ་ན་ན་ཧུྃ་སརྦྦ་ཤ་ཏྲཱུན་ནཱ་ཤ་ཡ་སྟཾ་བྷ་ཡ་ཧཱུྃ་ཕཊ། སྔགས་ཀྱི་རྒྱལ་པོ་བདག་ཉིད་འདི། །ཁྱབ་བདག་གདུལ་དཀའ་འདུལ་བ་པོ། །གཤིན་རྗེ་མཐར་མཛད་ཁྲོ་
D490.086.0052a01.01བོ་ཆེ། །སངས་རྒྱས་ཀུན་གྱི་བདག་ཉིད་གཙོ། །སངས་རྒྱས་ཐམས་ཅད་སྤྱན་འདྲེན་ཅིང་། །དབང་དུ་ཡང་ནི་མཛད་པར་གནས། །རྟག་ཏུ་གདུལ་དཀའ་འདུལ་མཛད་ཅིང་། །རྡོ་རྗེ་སྣང་མཛད་ལེགས་པར་འདུལ། །ཤིན་ཏུ་གདུག་པ་དྲག་རྣམས་ལ། །ཞི་བ་ཉེ་བར་མི་སྦྱར་ཏེ། །
D490.086.0052a02.01ཤེས་རབ་ཐབས་ཀྱི་བདག་ཉིད་ཀྱིས། །དེ་བཞིན་གཤེགས་རྣམས་ཁྲོ་བོར་མཛད། །ཐུགས་རྗེ་ཁྲོ་བོའི་ངང་ཚུལ་ཅན། །འཇིག་རྟེན་གསུམ་ཀྱང་ངེས་སྲེག་མཛད། །དེ་བས་འབད་པ་ཐམས་ཅད་ཀྱིས། །ཤེས་རབ་ཐབས་ཀྱི་བདག་ཉིད་སྐུ། །ཐུགས་རྗེས་ཁྲོ་བོ་མ་ལུས་མཆོག །
D490.086.0052a03.01གདུག་པ་འདུལ་བར་མཛད་པ་བསྐྱེད། །གཤིན་རྗེ་མཐར་བྱེད་ཀྱི་སྒྲུབ་པའི་ཐབས་སོ།། །།དེ་ཉིད་བཅོམ་ལྡན་རྣལ་འབྱོར་ཏེ། །ཁྲོ་བོ་གཟེགས་མ་ཞེས་སུ་གྲགས། །དམར་པོ་འབར་བའི་ཁྲོ་བོ་ཆེ། །འཇིག་པ་ཆེན་པོའི་དུས་དང་འདྲ། །ཨུཏྤལ་སྔོན་པོའི་འདབ་མ་བཞིན། །
D490.086.0052a04.01དེ་ཡི་ཁ་དོག་རྣམ་པར་བསམ། །དྲག་པོ་ཆེན་པོའི་ཞལ་བཞི་པ། །འབར་བའི་ཕྲེང་བ་འཁྲིགས་པའི་འོད། །སྤྱན་གསུམ་པ་ལ་ཁྲོ་གཉེར་བསྙེར། །ཕྱག་དྲུག་པ་ལ་མཆོག་ཏུ་འབར། །མེ་ཡི་ཁམས་དང་འདྲ་བའི་མདོག །ལི་ཁྲིའི་མདོག་ལྟར་ཤིན་ཏུ་འབར། །དེ་ཡི་ཁྲོ་གཉེར་
D490.086.0052a05.01བསྙེར་བ་ཡིས། །གདུག་པ་འདུལ་མཛད་འབྱིན་པར་བྱེད། །ཁྲོ་བོའི་རྒྱལ་པོ་གཉིས་པ་ནི། །ཡང་དང་ཡང་དུ་བསམ་པར་བྱ། །མ་ལུས་ས་རྣམས་ཐམས་ཅད་དུ། །སོན་པའི་བདག་ཉིད་ཆེན་པོ་དེས། །འགུགས་པ་དང་ནི་དབང་བྱེད་ན། །སྐྱེ་བོ་གཞན་ལྟ་སྨོས་ཅི་དགོས། །
D490.086.0052a06.01སྔགས་ནི། ཨོཾ་ཀ་ཎི་དྷུ་ཎི་ཧཱུྃ་ཕཊ། ཁྲོ་བོ་འདི་ཡི་སྔགས་འཛིན་པ། །འཇིག་རྟེན་གསུམ་མཆོག་སྟོབས་པོ་ཆེ། །ས་རྣམས་ཐམས་ཅད་སྲེག་བྱེད་ན། །སྐྱེ་བོ་གཞན་ལྟ་སྨོས་ཅི་དགོས། །ཁྲོ་བོ་གཟེགས་མ་སྒྲུབ་པའི་ཐབས་སོ།། །།དེ་ཉིད་བཅོམ་ལྡན་རྣལ་འབྱོར་ཏེ། །
D490.086.0052a07.01