完整藏文原文 · 德格版页 当前仅加载第 86 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་བསྒོམ་པར་བྱ། །ཐུགས་ཀྱི་རྡོ་རྗེ་ཉིད་གྱུར་ནས། །ཆོས་ཀྱི་དབྱིངས་དང་མཉམ་པ་ཐོབ། །དེས་ན་རྣམ་པ་ཐམས་ཅད་ཀྱིས། །རྡོ་རྗེ་སྙིང་པོ་ཡང་དག་བྱུང་། །རྡོ་རྗེ་སྙིང་པོ་མཁའ་རྡོ་རྗེ། །སྦྱིན་བྱེད་རྩེ་མོ་དྲུག་པས་སྒྲུབ། །རྡོ་རྗེ་སྙིང་པོ་སྒྲུབ་པའི་ཐབས་སོ།། །།
D490.086.0051a01.01དབང་ཆེན་མེ་ལས་ཡང་དག་བྱུང་། །ནོར་བུ་རིན་ཆེན་འདྲ་བའི་ལུས། །ཟླ་བའི་དཀྱིལ་འཁོར་ལ་གནས་པའི། །ཉི་མའི་དཀྱིལ་འཁོར་མཚུངས་པའི་འོད། །རིན་ཆེན་འབྱུང་བ་སེམས་ཆེན་པོ། །འགྲོ་བ་སྣང་བར་བྱེད་དེ་གནས། །པདྨ་མཁའ་འདྲའི་རྣམ་པ་ཅན། །ཕྱག་རྒྱ་དེ་ཡི་
D490.086.0051a02.01སྙིང་གར་གནས། །རིན་ཆེན་སྦྱོར་བས་བསྒོམ་པར་བྱ། །རིན་ཆེན་ཆར་པ་འབབ་པར་འགྱུར། །སྔགས་ནི། ཨོཾ་རཏྣ་ཀཱ་རཿཧྲཱིཿརཏྣཾ་ད་ད་སྭཱ་ཧཱ། རིན་ཆེན་འབྱུང་གནས་རྒྱལ་པོ་འདི། །མཆོག་རྣམས་ཀྱི་ནི་སའི་དབང་ཕྱུག །སྦྱོར་བ་ཀུན་གྱིས་བསྒྲུབ་པར་བྱ། །རྒྱ་ཆེའི་ནོར་
D490.086.0051a03.01རྣམས་སྩོལ་བར་འགྱུར། །རིན་ཆེན་འབྱུང་བའི་སྒྲུབ་པའི་ཐབས་སོ།། །།དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སྙིང་པོ་རྒྱན་གྱི་རྒྱུད་ཆེན་པོ་ལས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྒྲུབ་པའི་ཐབས་སོ།། །།དེ་ནས་བཅོམ་ལྡན་འདས་དེ་
D490.086.0051a04.01བཞིན་གཤེགས་པ་ཐམས་ཅད་སླར་ཡང་འདུས་ཏེ་གཤེགས་ནས་བཅོམ་ལྡན་འདས་ཐོག་མ་དང་ཐ་མ་མེད་པ་དམ་པའི་ཆོས་ཀྱི་འཁོར་ལོ་བསྐོར་བ་ཆེན་པོ་ལ་གསོལ་བ་བཏབ་པ། དེ་བཞིན་གཤེགས་པ་ཐམས་ཅད་ཀྱིས་ཁྲོ་བོ་བཅོམ་ལྡན་འདས་བསྐྱེད་དུ་གསོལ། དེ་ནས་བཅོམ་ལྡན་
D490.086.0051a05.01འདས་ཁྲོ་བོ་འཁོར་ལོས་སྒྱུར་བ་ཆེན་པོས་དེ་སྐད་ཅེས་གསོལ་བ་བཏབ་མ་ཐག་ཁོ་ནར་རྡོ་རྗེ་ཁྲོ་བོའི་དཀྱིལ་འཁོར་གསང་བ་ལས་ཆེས་གསང་བ་བཀའ་སྩལ་པ། དེ་ནས་ཡང་དག་བཤད་བྱ་བ། །ཁྲོ་བོ་ཡི་ནི་དཀྱིལ་འཁོར་མཆོག །རླུང་ཁམས་རབ་ཏུ་གསལ་བ་ལ། །མེ་
D490.086.0051a06.01ནི་དབུས་ནས་དབུས་སུའོ། །དེ་ཡི་དབུས་སུ་རྡོ་རྗེ་ཆེ། །འོད་ཟེར་ལྔ་ཡི་ཕྲེང་བས་མཛེས། །དེ་ཡི་མདུན་དུ་བྱ་བ་ཡང་། །མདུང་རྩེ་འབར་བ་ཆེན་པོ་ཡི། །དེ་ཡི་གཡས་ཀྱི་ཆ་རུ་ནི། །རྡོ་རྗེ་ཆེན་པོ་འབར་ཕྲེང་ཅན། །གཡོན་ཉིད་དུ་ནི་བེ་ཅོན་ཆེ། །རིག་པའི་ཕྲེང་བས་རྣམ་པར་སྤྲས། །
D490.086.0051a07.01