完整藏文原文 · 德格版页 当前仅加载第 86 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་དབང་ཕྱུག་མཚུངས། །སོ་སོ་ཡང་དག་རིག་པ་བཞི། །ཤིན་ཏུ་མཉམ་གཞག་བསྒོམས་ན་ནི། །རྡོ་རྗེ་སངས་རྒྱས་ཏིང་འཛིན་མཆོག །མཉམ་མེད་འཇམ་པའི་མཆོག་དང་འདྲ། །མི་འཇིགས་པ་ནི་རྣམ་པ་བཞི། །རྡོ་རྗེའི་སྦྱོར་བས་བསྒོམ་པར་བྱ། །དབང་
D490.086.0022b01.01པོ་གཉིས་ནི་སྙོམས་འཇུག་པས། །རྡོ་རྗེ་འཛིན་པ་ལྟ་བུ་སྟེ། །རྫུ་འཕྲུལ་གྱི་ནི་རྐང་པ་བཞི། །ཤིན་ཏུ་མཉམ་གཞག་བསྒོམས་ན་ནི། །དབང་པོ་གཉིས་ནི་མཉམ་སྦྱོར་བས། །རྫུ་འཕྲུལ་ལྡན་པའི་མཆོག་ཏུ་འགྱུར། །ཚངས་པ་ཡི་ནི་གནས་བཞི་པོ། །ཚད་མེད་པ་
D490.086.0022b02.01ཡི་སེམས་ཀྱིས་ནི། །རྡོ་རྗེ་སྦྱར་བར་བདག་བསྒོམས་ན། །རྡོ་རྗེ་འཛིན་པ་ལྟ་བུར་འགྲུབ། །སྦྱོར་བའི་བདག་ཉིད་དབང་པོ་ལྔ། །དམ་པའི་དོན་གྱིས་བསྒོམས་ན་ནི། །དབང་པོ་གཉིས་ནི་སྙོམས་འཇུག་པས། །མཉམ་མེད་རྡོ་རྗེ་སངས་རྒྱས་མཚུངས། །ཡིད་ཀྱི་སྟོབས་ནི་
D490.086.0022b03.01རྣམ་པ་ལྔ། །ཤིན་ཏུ་མཉམ་གཞག་བསྒོམས་ན་ནི། །འཁོར་ལོས་སྒྱུར་བ་བརྩོན་འགྲུས་ཆེ། །སྟོབས་འཛིན་ལྟ་བུ་ཉིད་དུ་འགྱུར། །བྱང་ཆུབ་ཡན་ལག་རིན་ཆེན་བདུན། །གསང་སྔགས་སྒོམ་པས་བསྒོམས་ན་ནི། །རྟོག་པའི་ཡེ་ཤེས་སྦྱོར་བ་ཡིས། ཁྱབ་བདག་ཆོས་
D490.086.0022b04.01ཀུན་འཛིན་པར་འགྱུར། །འཕགས་པའི་ཡན་ལག་བརྒྱད་ཀྱི་ལམ། །ཀུན་མཁྱེན་ཡེ་ཤེས་རྫོགས་བྱེད་པ། །དེ་ནི་བསྒོམས་པ་ཙམ་གྱིས་ནི། །འཇིག་རྟེན་ཤེས་རབ་རབ་ཏུ་འདའ། །རྗེས་སུ་དྲན་པ་རྣམ་པ་དྲུག །བདག་ཉིད་རྩེ་གཅིག་གིས་བསྒོམས་ན། །སྔགས་པ་རྡོ་རྗེ་
D490.086.0022b05.01འཛིན་པ་རུ། །སྔགས་པ་དུས་མི་རིང་བར་འགྱུར། །སྟོབས་བཅུ་པོ་ནི་ཡང་དག་བསྒོམས། །བསྒོམ་པའི་རྣལ་འབྱོར་ད་ཉིད་ཀྱིས། །བསོད་ནམས་ཡེ་ཤེས་ཡོངས་རྫོགས་ཏེ། །རྟག་ཏུ་སྟོབས་བཅུའི་དམ་པར་འགྱུར། །ཕ་རོལ་ཕྱིན་བཅུ་ཡོངས་སུ་རྫོགས། །སྟོབས་
D490.086.0022b06.01རྣམས་དང་ནི་དབང་རྣམས་དང་། །ས་རྣམས་ཀུན་ནི་དེས་བསྐྱེད་ནས། །མྱུར་དུ་མཚན་མ་དག་པར་འགྱུར། །རྣམ་གྲོལ་གོས་ཀྱིས་བསྒྲིབས་ནས་སུ། །དེ་ཡི་ནུ་མ་ཤིན་ཏུ་བསྣུན། །རྗེ་ངར་གྱིས་ཀྱང་དེ་བཞིན་དུ། །མཆུ་ཡིས་མཆུ་ནི་ཡོངས་སུ་གཟུང་། །འབད་པས་དམ་
D490.086.0022b07.01