完整藏文原文 · 德格版页 当前仅加载第 86 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཉིད་དགེ། །དེ་ཡི་བདག་གི་དེ་ཉིད་ནི། །འཕྲོ་བའི་མ་ར་ཀ་ཏ་འདྲ། །ཕྱག་བཞི་པ་ལ་ཞལ་བཞི་པ། །རྒྱན་རྣམས་ཀུན་གྱིས་བརྒྱན་པ་པོ། །གཉིས་པའི་མདོག་ཏུ་གྱུར་པ་ནི། །པདྨ་རཱ་ག་མཚུངས་པའི་འོད། །ཇི་སྲིད་ངག་གི་འཁོར་ལོ་ནི། །སྨྲ་བའི་དབྱེ་
D490.086.0068a01.01བས་རབ་ཏུ་གནས། །ཐམས་ཅད་སོ་སོར་གསལ་བར་བྱེད། །སྤྲིན་གྱི་དཀྱིལ་འཁོར་མཆོག་རྨད་བྱུང་། །དེ་ལྟའི་དཀྱིལ་འཁོར་བྲིས་ནས་ནི། །སངས་རྒྱས་ཐམས་ཅད་རབ་མཆོད་བྱ། །རྡོ་རྗེ་སྨྲ་བའི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་
D490.086.0068a02.01དག་རབ་ཏུ་བཤད་བྱ་བ། །དཀྱིལ་འཁོར་སྔ་མའི་སྦྱོར་བ་ཡིས། །དཀྱིལ་འཁོར་ཐམས་ཅད་བྲི་བར་བྱ། །དེ་ཡི་དབུས་སུ་གོ་ཆ་ཆེ། །རིན་ཆེན་ཀུན་གྱིས་རྣམ་པར་བརྒྱན། །དེ་ཡི་དབུས་སུ་བརྩོན་ཆེན་པོ། །རྡོ་རྗེ་བསྲུང་བ་ཡང་དག་བྲི། །ཕྱག་བཞི་པ་ལ་ཞལ་བཞི་པ། །རྒྱན་
D490.086.0068a03.01རྣམས་ཀུན་གྱིས་བརྒྱན་པ་པོ། །ཁ་དོག་སྣ་ཚོགས་གཟི་བརྗིད་ཆེ། །ཐམས་ཅད་བསྲུང་བ་མཆོག་ཏུ་དགེ། །ཕྱག་རྒྱ་སྔགས་དང་ཡང་དག་ལྡན། །གསང་བ་ཆེན་པོའི་གོ་འཕང་མཆོག །དེ་ཡི་གསང་སྔགས་གཟི་བརྗིད་ཆེ། །ཤ་ཥའི་སྡེ་ཡི་མཐར་གནས་མཆོག །མགོན་
D490.086.0068a04.01པོའི་རྒྱུར་ནི་མངོན་པར་བརྗོད། །སྟེང་དུ་ནཱ་དས་བརྒྱན་པར་བྱས། །ཀུན་ནས་ཁ་དོག་དུ་མ་ཡིས། །ཡོངས་སུ་བསྐོར་བར་བསྒོམ་པར་བྱ། །སྔགས་ཀྱི་ཕྲེང་བ་ཡོངས་སུ་ལྡན། །གློག་གི་ཕྲེང་བས་རྣམ་པར་བརྒྱན། །དེ་ལྟའི་དཀྱིལ་འཁོར་བྲིས་ནས་ནི། །མཆོད་པ་ཐམས་ཅད་
D490.086.0068a05.01རབ་བསྒྲུབ་བྱ། །རྡོ་རྗེ་བསྲུང་བའི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་བྱ། །ཐིག་བཞི་དང་ནི་ཡང་དག་ལྡན། །ཁུ་ཚུར་དཀྱིལ་འཁོར་བྲི་བར་བྱ། །དཀྱིལ་
D490.086.0068a06.01འཁོར་དེ་ཡི་དབུས་སུ་ནི། །རྡོ་རྗེ་པདྨ་ཡིད་འོང་བ། །གཟི་བརྗིད་ཆེན་པོ་གསེར་གྱི་མདོག །འདབ་མ་བརྒྱད་པ་ཡིད་འོང་བ། །དེ་ཡི་སྟེང་དུ་གཟི་བརྗིད་ཆེ། །རྡོ་རྗེ་ཁུ་ཚུར་སྟོབས་པོ་ཆེ། །ཕྱག་བཞི་པ་ལ་ཞལ་བཞི་པ། །སྣ་ཚོགས་རྒྱན་གྱིས་བརྒྱན་པ་པོ། །ཀུནྡ་དུང་དང་ཟླ་བ་དཀར། །
D490.086.0068a07.01