完整藏文原文 · 德格版页 当前仅加载第 86 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡང་རུང་བར་གྲངས་མི་གཟུང་བར་ཇི་སྲིད་བདག་ཡོངས་སུ་དག་པར་མཐོང་བ་དེ་སྲིད་དུ་བཟླས་པར་བྱའོ། །དེའི་རྗེས་སུ་མངར་གསུམ་གྱིས་སྦགས་པའི་པདྨ་འབུམ་དང་། སྣ་མའི་མེ་ཏོག་འབུམ་ཕྲག་གསུམ་དང་། ཨ་ག་རུའི་ཡམ་ཤིང་འབུམ་དང་། ཙནྡན་
D490.086.0038a01.01གྱི་ཡམ་ཤིང་འབུམ་ཕྲག་གསུམ་དང་། ཏིལ་དང་འབྲས་འབུམ་ཕྲག་བཞི་དང་། ཞོ་ཟན་འབུམ་དང་། མར་གྱི་སྲེག་བླུགས་སྟོང་ཕྲག་གསུམ་དང་། སྨན་ཐམས་ཅད་པའི་སྲེག་བླུགས་འབུམ་ཕྲག་གཅིག་བྱས་ལ་སྦྱིན་སྲེག་ཡོངས་སུ་རྫོགས་པ་དང་། དཀར་པོའི་ཚེས་{བཅྭ་,བཅོ་}ལྔ་ལ་
D490.086.0038a02.01བསྒྲུབ་པར་བྱའོ། །སྐྱིལ་མོ་ཀྲུང་བཅས་ཏེ་ཉེ་བར་སྤྱོད་པ་ཐམས་ཅད་ཀྱིས་མཆོད་ལ་ཇི་སྲིད་ནོར་བུ་རིན་པོ་ཆེ་འབར་བ་དེ་སྲིད་དུ་བཟླས་པར་བྱའོ། །འབར་ནས་ཀྱང་རིག་པ་འཛིན་པ་གཞོན་ནུ་གདོང་དུ་འགྲོ་བར་འགྱུར་རོ། །སྐྲ་ལི་ཞིང་འཁྱིལ་པ་དང་། ལོ་བརྒྱད་གཉིས་ཀྱི་རྣམ་
D490.086.0038a03.01པ་རྒྱན་ཐམས་ཅད་ཀྱིས་བརྒྱན་པ་ཕྱོགས་བཅུ་མུ་མེད་པའི་འཇིག་རྟེན་གྱི་ཁམས་རྒྱས་པར་གསལ་བར་བྱེད་པ་རིག་པ་འཛིན་པ་ཐམས་ཅད་ཀྱི་སླར་འཁོར་ལོས་སྒྱུར་བ་ཆེན་པོར་འགྱུར་རོ། །ཡིད་བཞིན་ནོར་བུའི་དངོས་གྲུབ་བྱང་ཆུབ་སེམས་དཔའ་ཆེན་པོའི་རིག་པ་འཛིན་པ་ཞེས་བརྗོད་
D490.086.0038a04.01དོ། །སངས་རྒྱས་ཐམས་ཅད་མཆོད་ཅིང་བསྙེན་བཀུར་བར་བྱེད་དོ། །སྐད་ཅིག་ཙམ་ལ་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་བསྐོར་ནས་སླར་དེ་ཉིད་དུ་འོང་བར་འགྱུར་རོ། །གལ་ཏེ་འདོད་ན་བྱང་ཆུབ་སེམས་དཔའི་ཚོགས་མངོན་པར་རྫོགས་པར་བྱས་ཏེ་ལུས་དེ་ཉིད་
D490.086.0038a05.01ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པར་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་བཞིན་དུ་སྒྲུབ་ཐབས་ཀྱི་ལེའུ་ལ་བྲིས་སྐུ་དང་། ཤིང་ལྷམ་དང་། མུ་ཏིག་གི་ཕྲེང་བ་ཡང་ཡིད་བཞིན་གྱི་ནོར་བུའི་ཆོ་གས་བསྒྲུབ་པར་བྱའོ། །ཐམས་ཅད་དུ་འགྲུབ་པར་
D490.086.0038a06.01འགྱུར་རོ། །སྒྲུབ་པའི་ཐབས་གཞན་ཡང་མཆོད་རྟེན་བྱེ་བ་ཕྲག་སྟོང་བྱས་ཏེ་འབུམ་ཕྲག་བདུན་བཟླ་བར་བྱའོ། །ཡོངས་སུ་རྫོགས་པ་དང་མེ་ཏོག་ཅན་གྱི་ལྕགས་སམ། ལྕགས་ལྔའི་རང་བཞིན་གྱི་རྡོ་རྗེ་རྩེ་མོ་ལྔ་པ་སོར་བཅུའི་ཚད་དམ། བདེ་བར་གཤེགས་པའི་མཐོའི་ཚད་ཙམ་ཆོ་འཕྲུལ་
D490.086.0038a07.01