完整藏文原文 · 德格版页 当前仅加载第 86 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག །དཀྱིལ་འཁོར་ཀུན་ཏུ་རྣམ་པར་བྲི། །དབང་ཕྱུག་ཆེ་དང་ཁྱབ་འཇུག་དང་། །ཟླ་བ་ཉི་མ་ཞེས་བྱ་དང་། །གཟའ་བརྒྱད་དང་ནི་འཇིག་རྟེན་སྐྱོང་། །རྒྱལ་ཆེན་རིགས་ནི་བཞི་པོ་དང་། །དེ་བཞིན་སུམ་ཅུ་རྩ་གསུམ་ཉིད། །འཐབ་བྲལ་རྣམས་དང་
D490.086.0012a01.01དགའ་ལྡན་རྣམས། །འཕྲུལ་དགའ་གཞན་འཕྲུལ་དབང་བྱེད་རྣམས། །ཚངས་ཆེན་རྣམས་དང་། འོད་ཆུང་རྣམས་དང་། ཚད་མེད་འོད་རྣམས་དང་། འོད་གསལ་རྣམས་དང་། དགེ་ཆུང་རྣམས་དང་། ཚད་མེད་དགེ་རྣམས་དང་། དགེ་རྒྱས་རྣམས་དང་། སྤྲིན་མེད་
D490.086.0012a02.01རྣམས་དང་། བསོད་ནམས་སྐྱེས་རྣམས་དང་། འབྲས་བུ་ཆེ་བ་རྣམས་དང་། མི་ཆེ་བ་རྣམས་དང་། མི་གདུང་བ་རྣམས་དང་། གྱ་ནོམ་སྣང་བ་རྣམས་དང་། ཤིན་ཏུ་མཐོང་བ་རྣམས་དང་། འོག་མིན་རྣམས་དང་། དག་པའི་གནས་པ་རྣམས་དཀྱིལ་འཁོར་ཐམས་ཅད་ཀྱི་མཚམས་
D490.086.0012a03.01སུ་དགོད་པར་བྱའོ། །དེ་ནས་དབང་ལྡན་དུ་དབང་ལྡན་དང་། དབང་པོར་དབང་པོ་དང་། མེར་མེ་ལྷ་དང་། གཤིན་རྗེར་གཤིན་རྗེ་དང་། བདེན་བྲལ་དུ་བདེན་བྲལ་དང་། ཆུར་ཆུ་ལྷ་དང་། རླུང་དུ་རླུང་ལྷ་དང་། ལུས་ངན་དུ་ལུས་ངན་རྣམས་དང་། ཕྱི་རོལ་དུ་ཁོར་
D490.086.0012a04.01ཡུག་ཆེན་པོའི་རིའི་རྒྱལ་པོ་བྲི་བར་བྱའོ། །རབ་དགའི་ནང་དུ་རྒྱ་མཚོ་ཆེན་པོ་བདུན་དགོད་པར་བྱའོ། །ཕྱི་རོལ་གྱི་ཤར་ཕྱོགས་སུ་ཁྲོ་བོ་གཞན་གྱིས་མི་ཐུབ་པ་ཞེས་བྱ་བའི་ཕྱག་རྒྱ་ཆེན་པོ་དགོད་པར་བྱའོ། །ལྷོར་རྡོ་རྗེ་འཇིགས་བྱེད་ཀྱི་སྤྱན་གྱི་ཕྱག་རྒྱ་ཆེན་པོ་དགོད་པར་བྱའོ། །
D490.086.0012a05.01ནུབ་ཏུ་ཁྲོ་བོའི་རྒྱལ་པོ་ཆེན་པོ་གཤིན་རྗེ་གཤེད་ཀྱི་ཕྱག་རྒྱ་ཆེན་པོ་དགོད་པར་བྱའོ། །བྱང་དུ་རྟ་མགྲིན་གྱི་ཕྱག་རྒྱ་ཆེན་པོ་རྣམ་པར་དགོད་པར་བྱའོ། །དེ་ལྟ་བུའི་གྲུ་བཞི་པ། སྒོ་བཞི་པའི་དཀྱིལ་འཁོར་ཆེན་པོ་དར་དང་མེ་ཏོག་གི་ཆུན་པོ་དང་། སྒོ་ཁྱུད་དང་། གདུགས་དང་།
D490.086.0012a06.01རྒྱལ་མཚན་དང་། བ་དན་བསྒྲེང་བ། དྲ་བ་དང་དྲ་བ་ཕྱེད་པས་བཀླུབས་པ། དེ་ལྟ་བུའི་དཀྱིལ་འཁོར་ཆེན་པོ་བྲིས་ལ་བསྒོམ་པར་བྱའོ། །དེའི་ཕྱི་རོལ་དུ་འགྲོ་བ་ལྔ་པོ་གཞག་པར་བྱའོ། །དེ་བཞིན་དུ་དབུས་སུ་རིའི་རྒྱལ་པོ་ལྷུན་པོའི་ཚད་དཔག་ཚད་བརྒྱ་སྟོང་ཕྲག་དུ་མ་
D490.086.0012a07.01