完整藏文原文 · 德格版页 当前仅加载第 86 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་འབར་བ་ཡི་ནི་རླུང་། །ཟླ་བ་ཕྱེད་པའི་རྣམ་པ་འདྲ། །རིན་ཆེན་རྒྱལ་མཚན་ཡོངས་བསྒྲེང་བ། །དེ་ཡི་དབུས་སུ་སེམས་དཔའ་ཆེ། །རྒྱན་རྣམས་ཀུན་གྱིས་བརྒྱན་པ་པོ། །ཞལ་བཞི་པ་ལ་གཟི་བརྗིད་ཆེ། །ཨིནྡྲ་ནཱི་ལ་མཚུངས་པའི་འོད། །རིན་ཆེན་ཆར་པ་རབ་ཏུ་འབེབས། །
D490.086.0067b01.01ཕྱག་བཞི་པ་ལ་སྣང་བ་ཆེ། །དེ་ཡི་གསང་སྔགས་གཟི་བརྗིད་ཆེ། །སྡེ་ཚན་བཞི་པའི་དང་པོ་ལ། །མེ་ཡིས་རབ་ཏུ་གསལ་བྱས་པ། །ཏོག་གི་ཕྱག་རྒྱས་ཡོངས་སུ་བསྐོར། །སྔགས་ཀྱི་ཕྲེང་བས་རྣམ་པར་བརྒྱན། །དེ་ལྟའི་དཀྱིལ་འཁོར་བྲིས་ནས་ནི། །སངས་རྒྱས་ཐམས་
D490.086.0067b02.01ཅད་རབ་མཆོད་བྱ། །རྡོ་རྗེ་ཏོག་གི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །རྡོ་རྗེ་བཞད་པ་ཞེས་གྲགས་པ། །རྡོ་རྗེ་བཞད་པ་མཚུངས་པའི་འོད། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་བྱས། །ཐིག་
D490.086.0067b03.01བཞི་དང་ནི་ཡང་དག་ལྡན། །དཀྱིལ་འཁོར་ཆེན་པོ་བྲི་བར་བྱ། །དཀྱིལ་འཁོར་དེ་དབུས་ཟླུམ་པོ་ནི། །ཨིནྡྲ་ནཱི་ལ་མཚུངས་པའི་འོད། །དེ་བཞིན་ཆུ་ནི་གཟི་བརྗིད་ཅན། །ཕྱག་རྒྱ་འཁོར་ལོས་རྣམ་པར་མཛེས། །དཀྱིལ་འཁོར་དེ་ཡི་དབུས་སུ་ནི། །སྟོན་ཀའི་ཟླ་བ་འདྲ་བའི་འོད། །
D490.086.0067b04.01འགྲོ་བ་མཐའ་དག་སྣང་མཛད་པ། །རྒྱན་རྣམས་ཀུན་གྱིས་བརྒྱན་པ་པོ། །ཕྱག་བཞི་པ་ལ་ཞལ་བཞི་པ། །དབང་ཕྱུག་ཐམས་ཅད་ཡང་དག་ལྡན། །དེ་ཡི་གསང་སྔགས་གསང་ཆེན་པོ། །རྒྱུ་ཡི་དོན་དུ་བསྒྲུབ་པར་བྱ། །སྟོང་པ་མངོན་བརྗོད་བསམ་མི་ཁྱབ། །རང་མིང་རྟོགས་
D490.086.0067b05.01པས་མཚན་པའོ། །དེ་ལྟའི་དཀྱིལ་འཁོར་བྲིས་ནས་ནི། །སངས་རྒྱས་ཐམས་ཅད་རབ་མཆོད་བྱ། །རྡོ་རྗེ་བཞད་པའི་དཀྱིལ་འཁོར་རོ།། །།དེ་ནས་དཀྱིལ་འཁོར་ཆེན་པོ་མཆོག །ཡང་དག་རབ་ཏུ་བཤད་བྱ་བ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་པར་
D490.086.0067b06.01བྱས། །ཐིག་བཞི་དང་ནི་ཡང་དག་ལྡན། །དངོས་གྲུབ་དཀྱིལ་འཁོར་ཡང་དག་བྲི། །དེ་ཡི་སྟེང་དུའང་པདྨ་ཆེ། །པདྨ་མེ་ལས་ཡང་དག་བྱུང་། །གྲུ་གསུམ་མཆོག་ཏུ་མཛེས་པ་པོ། །སུམ་མདོ་རིས་ཀྱིས་རྣམ་པར་བརྒྱན། །ཆོས་དབྱིངས་ཡི་གེའི་དེ་ཁོ་ན། །ཐམས་ཅད་གཟི་བརྗིད་
D490.086.0067b07.01