完整藏文原文 · 德格版页 当前仅加载第 86 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འདིའི་མཐོ་བ་ནི་དམའ་བ་དང་དམའ་བ་ནི་མཐོ་བའོ། །ཕྱག་དང་ཞབས་ཀྱི་སོར་མོ་ངང་པའི་རྒྱལ་པོ་ལྟ་བུར་དྲ་བས་འབྲེལ་པ་སྟེ། དེ་བཞིན་གཤེགས་པ་རྣམས་ཀྱི་ཕྱག་དག་དང་། ཞབས་དེ་དག་གསེར་གྱི་མདོག་ཅན་གྱི་རི་མོའི་ཕྲེང་བ་རྣམས་ཀྱིས་རྐང་པ་བརྒྱད་པ་
D490.086.0077a01.01བཞིན་དུ་མཛེས་པའོ། །ཕྱག་དང་ཞབས་འཇམ་ཞིང་གཞོན་ཤ་ཆགས་པ་ཉིད་དེ། བཅོམ་ལྡན་འདས་འདིའི་ཕྱག་དང་ཞབས་དག་རས་བལ་འཇམ་པོ་བཞིན་དང་། སྐྱེས་ནས་ཟླ་བ་ལོན་པའི་བྱིས་པ་བཞིན་དུ་གཞོན་ཤ་ཅན་དང་། ཀ་ཙ་ལིན་ད་ལྟར་འཇམ་པ་རེག་ན་བདེ་བའོ། །བདུན་མཐོ་
D490.086.0077a02.01བར་གྱུར་ཏེ་ཕྱག་གཉིས་དག་དང་། ཞབས་གཉིས་དག་དང་། ཕྲག་གོང་དག་དང་། མགྲིན་པའི་ཕྱོགས་གཅིག་གོ། །སོར་མོ་རིང་བ་སྟེ་འདིའི་ཞབས་ཀྱི་སོར་མོ་རྣམས་རིམ་གྱིས་རིང་བ་ཉིད་དོ། །རྟིང་པ་ཡངས་པ་སྟེ་འདིའི་རྟིང་པ་ཆེ་ཞིང་ཞབས་ཀྱི་རྗེས་སུ་འཚམ་པར་ཡངས་པར་འགྱུར་
D490.086.0077a03.01རོ། །སྐུ་ཆེ་ཞིང་དྲང་བ་ཉིད་དེ་འཕྱེ་བོ་མ་ཡིན་ཞིང་ཞོམ་པ་མ་ཡིན། མ་ཚང་བ་མ་ཡིན། འཐས་པ་མ་ཡིན། ལེགས་པར་སྐྱེས་པ་རྣམ་པ་ཐམས་ཅད་པ་བདུན་དང་ལྡན་པའི་སྐུ་སྟེ། མཐོ་བ་འདིའི་སྲིད་དང་རྗེས་སུ་འཚམ་པའི་ཞེང་དུ་འགྱུར་རོ། །ཞབས་འབུར་མི་མངོན་པ་ཉིད་དེ་འདིའི་
D490.086.0077a04.01པུས་མོ་དང་ལོང་བུ་མཐོ་བར་འགྱུར་རོ། །བ་སྤུའི་རྩེ་མོ་གྱེན་དུ་ཕྱོགས་པ་སྟེ། འདིའི་བ་སྤུ་རྣམས་རྩེ་མོ་གྱེན་དུ་ཕྱོགས་པར་འགྱུར་ཞིང་བ་སྤུ་རྣམས་གཡས་ཕྱོགས་སུ་འཁྱིལ་ལ་འཁོར་བ་མིག་སྨན་གྱི་མདོག་ཅན་རྣམས་ཏེ། དེ་རྣམས་ཀྱིས་གསེར་གྱི་མདོག་ཅན་གྱི་སྐུ་མངོན་པར་གསལ་བར་བྱེད་
D490.086.0077a05.01དོ། །བྱིན་པ་{རི་དགས་,རི་དྭགས་}ཨེ་ནེ་ཡའི་ལྟ་བུ་སྟེ། བཅོམ་ལྡན་འདས་ཀྱི་བྱིན་པ་དག་ཟླུམ་པ་{རི་དགས་,རི་དྭགས་}ཨེ་ནེ་ཡ་རྣམས་ཀྱི་ལྟ་བུའོ། །ཕྱག་རིང་ཞིང་མཛེས་པ་སྟེ་རྒྱས་ཤིང་མ་བཏུད་པ་ཉིད་དུ་ཕྱག་མཐིལ་དག་གིས་རང་གི་པུས་མོའི་ལྷ་ང་ལ་རེག་པའོ། །མདོམས་ཀྱི་སྦ་བ་སྦུབས་སུ་ནུབ་པ་སྟེ། སྦུབས་ཀྱིས་རབ་
D490.086.0077a06.01ཏུ་གཡོགས་པ་གླང་པོ་ཆེའི་གསང་གནས་ལྟ་བུར་འགྱུར་རོ། །སྐུ་མདོག་གསེར་འདྲ་བ་སྟེ། འདིའི་ཁ་དོག་གསེར་ལྟ་བུར་འགྱུར་རོ། །པགས་པ་སྲབ་པ་སྟེ་ཤིན་ཏུ་འཇམ་པ་གསེར་ཤོག་ལྟར་འཇམ་པའི་པགས་པ་ཅན་དུ་འགྱུར་ཞིང་རྡུལ་མེད་པའི་ན་བཟའ་འཛིན་པའོ། །སྤུ་རེ་རེ་ནས་སྐྱེས་པ་
D490.086.0077a07.01