完整藏文原文 · 德格版页 当前仅加载第 86 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་བསམས་ནས། དེའི་སྟེང་དུ་རྡོ་རྗེ་སེང་གེའི་ཁྲི་ལ་བཞུགས་པའི་སངས་རྒྱས་བཅོམ་ལྡན་འདས་གཞག་པར་བྱའོ། །དེ་ལྟར་དཀྱིལ་འཁོར་རིམ་གྱིས་བཀོད་ནས་ཉེ་བར་སྤྱོད་པ་ཐམས་ཅད་ཀྱི་ཚོགས་མཆོད་ནས་ཉེ་བར་ཞུགས་ཏེ། དགུག་པ་དང་གཞུག་པ་དང་དམ་ཚིག་
D490.086.0012b01.01གིས་བཅིངས་ནས་མཉེས་པར་བྱས་ཏེ། མཆོད་པ་དང་དབང་བསྐུར་བ་དང་བྱིན་གྱིས་བརླབ་པ་དང་སྤྲོ་བ་དང་། བསྡུ་བ་ལ་སོགས་པ་བྱས་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཆེན་པོ་བསྒོམ་པར་བྱའོ། །དེ་བཞིན་དུ་བསྒོམ་པ་ལས་བླང་སྟེ་དེ་བཞིན་གཤེགས་
D490.086.0012b02.01པ་ཐམས་ཅད་དང་རྡོ་རྗེ་སེམས་དཔའི་བདག་ཉིད་ནི་རྣམ་པར་སྣང་མཛད་ངའོ་ཞེས་བསྒོམ་པར་བྱའོ། །དེ་ལྟ་བུ་ལས་ལངས་ནས་དེའི་སྙེམས་པ་འཆང་ཞིང་སྙིང་རྗེ་དང་བྱམས་པའི་འདྲེན་བྱེད་དང་མིག་གིས་ཕྱོགས་བཅུའི་འཇིག་རྟེན་གྱི་ཁམས་མཐའ་ལས་འདས་པ་རབ་འབྱམ་རྒྱ་མཚོའི་
D490.086.0012b03.01སྤྲིན་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་སྐུའི་སྤྲིན་གྱིས་ཀུན་ནས་བཀང་སྟེ། དེ་བཞིན་གཤེགས་པ་རབ་ཏུ་འབབ་པས་རྡོ་རྗེ་སེམས་དཔའ་ཧཱུཾ་མཛད་ཀྱི་ཕྱག་རྒྱ་རང་གི་ལུས་ལ་ཞུགས་ནས། ཕྱོགས་ཐམས་ཅད་ཧཱུཾ་གི་ཡི་གེའི་སྒྲས་རབ་ཏུ་བསྒྲག་པར་བྱའོ། །
D490.086.0012b04.01བསྣུན་པ་བཞིས་རོལ་པ་དང་བཅས་པས་ཕྱག་རྒྱ་ལ་བཟླས་པ་བྱ་སྟེ། དམ་ཚིག་གི་ཕྱག་རྒྱ་བཅིངས་ལ། ཆོ་ག་བཞིན་དུ་རྡོ་རྗེ་སློབ་དཔོན་གྱིས་བཀུག་ནས་བཅུག་སྟེ་བཅིངས་ལ་དམ་ཚིག་ལ་གཞག་པར་བྱས་ནས་རྡོ་རྗེ་སེ་གོལ་གྱི་སྦྱོར་བ་དང་ཀུན་ནས་འབེབས་པའི་ཕྱག་
D490.086.0012b05.01རྒྱས་བདག་ཉིད་ལ་དབབ་སྟེ། སྙིང་པོ་འདི་བཞིས་དེ་བཞིན་གཤེགས་པ་ཐམས་ཅད་དང་བདག་མཚུངས་སོ་སྙམ་དུ་བསམ་པར་བྱའོ། །དེ་ལ་འདི་ནི་ཐམས་ཅད་འབེབས་པའི་སྙིང་པོ་བཞི་པོར་འགྱུར་རོ། །ཨ་ཨཱ་ཨྃ་ཨཿབདག་བྱིན་གྱིས་བརླབ་པ་ལ་སོགས་པ་བྱས་ནས་
D490.086.0012b06.01སློབ་དཔོན་གྱིས་དེ་བཞིན་གཤེགས་པ་ཐམས་ཅད་དང་བདག་མཚུངས་པ་ཡིན་ནོ་ཞེས་ང་རྒྱལ་བསྐྱེད་པར་བྱས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལྕགས་ཀྱུའི་སེ་གོལ་གཏོགས་ནས་སངས་རྒྱས་ཐམས་ཅད་སྤྱན་དྲང་བར་བྱའོ། །དེ་ལ་སྙིང་པོ་ནི་འདི་ཡིན་ཏེ།
D490.086.0012b07.01