完整藏文原文 · 德格版页 当前仅加载第 86 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ནི། །སྐད་ཅིག་ཙམ་གྱིས་རྣམ་པར་སྟེར། །པདྨའི་སྒྲུབ་པའི་སྦྱོར་བ་ཡིས། །བདག་ཉིད་འཇིག་རྟེན་དབང་ཕྱུག་བསྒྲུབ། །འཇིག་རྟེན་གསུམ་གྱི་རྒྱལ་སྲིད་ནི། །སྲིད་པར་བཀུག་ནས་རྣམ་པར་སྟེར། །འཇིག་རྟེན་དབང་ཕྱུག་གི་སྒྲུབ་པའི་ཐབས་སོ།། །།
D490.086.0047b01.01ཐམས་ཅད་རྡོ་རྗེའི་རང་བཞིན་གཟུགས། །མེ་ཡི་དཀྱིལ་འཁོར་དགེ་བ་སྟེ། །དེ་ཡི་དབུས་སུ་བྱ་བ་ནི། །དཀྱིལ་འཁོར་རླུང་དང་རབ་མཚུངས་པ། །དེ་ཡི་དབུས་སུ་དེ་འདྲ་བསམ། །ཉི་མ་ཡི་ནི་དཀྱིལ་འཁོར་རོ། །དེ་ཡི་དབུས་སུ་གཟི་བརྗིད་ཆེ། །འབར་བ་ལྟ་བུའི་གཟི་བརྗིད་
D490.086.0047b02.01ཅན། །རྡོ་རྗེའི་ལག་པ་གཟི་བརྗིད་ཆེ། །རྒྱན་རྣམས་ཀུན་གྱིས་རྣམ་པར་བརྒྱན། །ཚངས་པའི་ཡུལ་ས་ཐམས་ཅད་དུ། །ཀུན་ནས་ཡོངས་སུ་གསལ་བར་བྱེད། །ཧཱུྃ་གི་ཡི་གེ་སྒྲ་ཟབ་མོ། །དབྱར་གྱི་སྤྲིན་དང་མཚུངས་པའི་འོད། །རྒྱལ་པོ་འཁྱིལ་པ་དང་མཚུངས་
D490.086.0047b03.01པ། །ཟར་མ་ཡི་ནི་མེ་ཏོག་འདྲ། །འབར་བ་དམར་པོས་འཁྲིགས་ཤིང་འཇིགས། །བསྐལ་པའི་མེ་དང་འདྲ་བར་གནས། །ཞལ་བཞི་པ་ལ་མཆེ་བ་བཞི། །འཇིག་པའི་དུས་ཀྱི་ཐལ་བ་འདྲ། །སྤྲིན་གྱི་སྒྲ་དང་མཚུངས་པ་ཡི། །ཧཱུྃ་གི་ཡི་གེ་བཞི་དང་ལྡན། །རྡོ་རྗེ་ཧཱུྃ་མཛད་ཅེས་
D490.086.0047b04.01བྱ་བ། །རྣལ་འབྱོར་པས་ནི་རྟག་ཏུ་བསྒོམ། །སྔགས་ཀྱི་ཚིག་ནི། ཨོཾ་སུམ་བྷ་ནི་སུམ་བྷ་ཧཱུྃ། གྲཱིཧྞ་གྲཱིཧྞ་ཧཱུྃ། གྲྀཧྞ་པ་ཡ་གྲྀཧྞ་པ་ཡ་ཧཱུཾ། ཨཱ་ན་ཡ་ཧོ་བྷ་ག་ཝཱན། བིདྱཱ་རཱ་ཛཱ་ཧཱུྃ་ཕཊ། རྡོ་རྗེ་འཛིན་པའི་རྒྱལ་པོ་འདི། །ཀུན་མཆོག་སྲིད་པའི་དབང་ཕྱུག་གིས། །འཇིག་
D490.086.0047b05.01རྟེན་གསུམ་ཡང་འགུགས་བྱེད་ན། །བུད་མེད་གཞན་དག་སྨོས་ཅི་དགོས། །ཚངས་པ་ཁྱབ་འཇུག་དབང་ཆེན་སོགས། །ཆུང་མ་དང་བཅས་ཕྱག་རྒྱར་བཅས། །དེ་དག་ཐམས་ཅད་འགུགས་བྱེད་ན། །སྡུག་བསྔལ་ཅན་གཞན་སྨོས་ཅི་དགོས། །ཉི་མའི་དཀྱིལ་འཁོར་
D490.086.0047b06.01དབུས་གནས་པར། །རྡོ་རྗེའི་གཟུགས་བརྙན་སྙིང་གར་སོན། །དབང་པོ་གཉིས་ནི་མཉམ་སྦྱོར་བས། །རྡོ་རྗེ་ཅན་གྱིས་སྔོན་དུ་བསྒྲུབ། །བསམ་པ་ཐམས་ཅད་རྫོགས་བྱེད་པ། །བཅོམ་ལྡན་རྡོ་རྗེ་ཅན་འགྲུབ་འགྱུར། །རྒྱལ་པོ་ཐམས་ཅད་སྦྱིན་གྱུར་ན། །དངོས་གྲུབ་
D490.086.0047b07.01