完整藏文原文 · 德格版页 当前仅加载第 86 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཉིད། །གྲུ་གསུམ་རྣམ་པར་ཡང་དག་བྱུང་། །ཟླ་ཕྱེད་རྣམ་པ་དང་མཚུངས་པ། །དཀྱིལ་འཁོར་རྣམ་པ་བཞི་སླར་ཡང་། །སློབ་དཔོན་རྡོ་རྗེ་ཡང་དག་འབྱུང་། །ཤེས་རབ་ཆེན་པོས་རབ་བརྟག་བྱ། །དབུས་ཀྱི་དཀྱིལ་འཁོར་དབུས་སུ་ནི། །པདྨ་ཆེན་པོ་འདབ་
D490.086.0010a01.01བརྒྱད་པ། །པདྨ་རཱ་གའི་འོད་མཚུངས་ལ། །སངས་རྒྱས་གཟུགས་བརྙན་གཞག་པར་བྱ། །དཀྱིལ་འཁོར་གྱི་ནི་དབུས་ཉིད་དུ། །སངས་རྒྱས་ཐམས་ཅད་བསྡུས་པའོ། །སངས་རྒྱས་ཀྱི་ནི་ངོས་ཀུན་ཏུ། །ཤེས་རབ་ཅན་གྱིས་གཞག་བྱ་བ། །དམ་ཚིག་མཆོག་བཞི་རྣམ་བཞི་
D490.086.0010a02.01ནི། །{གོ་རིམས་,གོ་རིམ་}བཞིན་དུ་ཡང་དག་བྲི། །རྡོ་རྗེ་ཆེན་པོ་སེང་གེའི་ཁྲིར། །འཁོར་ལོ་ཅན་གྱི་ཁྱབ་བདག་གཞག །གདུགས་དཀར་རྒྱལ་བའི་གཙུག་ཏོར་དང་། །གཟི་བརྗིད་ཕུང་པོ་སྐལ་བ་ཆེ། །རྣམ་པར་འཕྲོ་བྱེད་རྣམ་རྒྱལ་ཉིད། །དེ་བཞིན་གཙུག་ཏོར་ལྔ་པོ་ནི། །སངས་
D490.086.0010a03.01རྒྱས་སྐྱོབ་པ་ཐམས་ཅད་ལ། །ཡོངས་སུ་བསྐོར་ནས་སྣམ་བུ་ལ། །དཀྱིལ་འཁོར་ཀུན་ཏུ་བྲི་བར་བྱ། །རྡོ་རྗེ་ཤུགས་ཀྱིས་སོང་ན་ནི། །དཀྱིལ་འཁོར་དག་ནི་བཞི་པོ་རུ། །མི་བསྐྱོད་ལ་སོགས་རྣམ་པ་བཞི། །རྡོ་རྗེ་རྣལ་འབྱོར་དབང་ཕྱུག་བྲི། །མི་བསྐྱོད་པ་ཡི་དཀྱིལ་འཁོར་
D490.086.0010a04.01ནི། །ཟླ་འོད་ལྟ་བུའི་མདོག་ཏུ་བྱ། །རྡོ་རྗེ་སེམས་དཔའ་སོགས་རྒྱལ་པོ། །ཀུན་མཆོག་ས་ཡི་དབང་ཕྱུག་རྣམས། །རྡོ་རྗེ་སློབ་དཔོན་སྟོབས་པོ་ཆེ། །ཤེས་རབ་ཆེན་པོས་དགོད་པར་བྱ། །རིན་ཆེན་འབྱུང་གནས་དཀྱིལ་འཁོར་དུ། །རྡོ་རྗེ་རིན་ཆེན་སོགས་ཀྱིས་དགང་། །རྡོ་རྗེ་
D490.086.0010a05.01ཆོས་སོགས་གསང་བ་ཡི། །དཀྱིལ་འཁོར་ཚེ་དཔག་མེད་པའོ། །རྡོ་རྗེ་ལས་ལ་སོགས་ལྡན་པ། །དོན་ཡོད་གྲུབ་པའི་དཀྱིལ་འཁོར་རོ། །གཉིས་པ་འཁོར་ལོའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་སོང་ནས་ནི། །རྣམ་གཟིགས་ལ་སོགས་སངས་རྒྱས་རྣམས། །དཀྱིལ་
D490.086.0010a06.01འཁོར་ཀུན་ཏུ་དེར་ནི་བྲི། །རྡོ་རྗེ་སྙིང་པོ་རྒྱལ་པོ་ཆེ། །ཁྱབ་བདག་གསང་བའི་ཆོས་དབང་ཕྱུག །འདོད་པའི་དོན་ཀུན་གྲུབ་པའི་ཕྱིར། །འབད་པ་ཡིས་ནི་བྲི་བར་བྱ། །བློ་གྲོས་རྒྱ་མཚོ་མི་ཟད་བློ། །བྱམས་པ་བདག་ཉིད་ཆེན་པོ་དང་། །ནམ་མཁའི་སྙིང་པོ་གྲགས་ཆེན་པོ། །
D490.086.0010a07.01