完整藏文原文 · 德格版页 当前仅加载第 86 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། འདིའི་བ་སྤུའི་ཁུང་བུར་སྤུ་རྣམས་རེ་རེར་འགྱུར་རོ། །སྨིན་མའི་དབུས་ན་མཛོད་སྤུ་ཅན་ཏེ་འདིའི་སྨིན་མ་དག་གི་དབུས་ན་རས་སྐུད་ལེགས་པ་ལྟ་བུ་དུང་བཅག་པའི་ཁ་དོག་ཅན་གཡས་ཕྱོགས་སུ་འཁྱིལ་བར་འགྱུར་ཏེ། མཛོད་སྤུ་ཉིད་ཀྱིས་ཞལ་གསེར་གྱི་ཁ་དོག་ལྟ་བུ་ཤིན་ཏུ་གསལ་བར་
D490.086.0077b01.01བྱེད་དོ། །སྐུ་སྟོད་སེང་གེ་ལྟ་བུ་སྟེ། འདིའི་སྐུ་སྟོད་དུ་ཡངས་པ་སེང་གེའི་ལྟ་བུར་འགྱུར་རོ། །དཔུང་མགོ་ཟླུམ་པ་སྟེ་ཡོངས་སུ་ཟླུམ་པའི་མགྲིན་པ་ཅན་དུ་འགྱུར་རོ། །ཐལ་གོང་རྒྱས་པ་སྟེ། འདིའི་ཉེ་བར་རྒྱས་པར་འགྱུར་ཞིང་གསེར་ཤོག་བཞིན་དུ་རྣམ་པར་གསལ་བའི་མགྲིན་པ་ཅན་
D490.086.0077b02.01ནོ། །ཡན་ལག་སོ་སོ་རྣམས་སུ་རོ་རྣམས་མྱོང་བར་བྱེད་དོ་ཞེས་པས་ན་རོ་བྲོ་བའི་མཆོག་དང་ལྡན་པ་ཉིད་དེ། རྩ་རྣམས་ཡིན་ལ་དེ་རྣམས་ཀྱི་མཆོག་ཏུ་རླུང་དང་། མཁྲིས་པ་དང་། པད་ཀན་ལ་སོགས་པ་རྣམས་ཀྱིས་མ་དཀྲུགས་པ་ཉིད་ཀྱི་ཕྱིར་ཡང་དག་པར་གསལ་བའོ། །ཤིང་ནྱ་གྲོ་དྷ་
D490.086.0077b03.01ལྟར་ཆུ་ཞེང་གབ་པ་སྟེ། སྐྱེས་བུ་ཆེན་པོའི་ཆུ་དང་ཞེང་དག་མཉམ་པའོ། །དབུ་གཙུག་ཏོར་དང་ལྡན་པ་སྟེ། དབུ་ཟླུམ་པར་འགྱུར་ཞིང་གཙུག་ཏོར་གདུགས་ལྟ་བུས་ཡས་བཀབ་པ་གཙུག་ཏོར་ཡང་ཤིན་ཏུ་མཐོ་བའོ། །ལྗགས་རིང་བ་སྟེ་སྙན་གྱི་མཐའི་བར་དུ་ལྗགས་ཀྱི་རྩེ་མོས་རེག་པར་བྱེད་
D490.086.0077b04.01ཅིང་། དབུ་སྐྲའི་མཐར་ཐུག་པར་ཡང་དཔྲལ་བའི་མཐར་ལྗགས་ཀྱིས་ཁེབས་པའོ། །ཚངས་པའི་དབྱངས་ཏེ་འཁོར་སྟོང་ཕྲག་དུ་མར་དབྱངས་ནང་དུ་ཇི་ལྟ་བ་དེ་ལྟར་ཕྱི་རོལ་དུའང་ཐོས་ཤིང་བྱ་ཀ་ལ་པིང་ཀའི་བཞིན་དུ་སྙན་པ་ཉིད་དུ་འགྱུར་རོ། །འགྲམ་པ་སེང་གེའི་ལྟ་བུ་སྟེ། འགྲམ་པ་དག་སེང་
D490.086.0077b05.01གེའི་བཞིན་དུ་ཟླུམ་པོར་འགྱུར་རོ། །ཚེམས་དཀར་བ་སྟེ་དུང་དང་ཀུནྡ་དང་། ཟླ་བའི་ཁ་དོག་ཅན་གྱི་ཚེམས་རྣམས་སོ། །ཚེམས་མཉམ་པ་སྟེ་ཧ་ཅང་དམའ་བ་མ་ཡིན་མཐོ་བ་མ་ཡིན་མི་མཉམ་པ་མ་ཡིན་པའི་རྩེ་མོ་ཅན་གྱི་ཚེམས་རྣམས་སུ་འགྱུར་རོ། །ཚེམས་ཐགས་བཟང་བ་སྟེ་
D490.086.0077b06.01ཚེམས་རྣམས་བར་མེད་པའོ། །ཚེམས་བཞི་བཅུ་མངའ་བ་སྟེ་ཚེམས་འོག་ཏུ་ཉི་ཤུ་དང་། སྟེང་དུ་ཚེམས་ཉི་ཤུའོ། །སྤྱན་མཐོན་མཐིང་སྟེ་སྤྱན་དག་གི་སྔོན་པོ་གང་ཡིན་པ་དེ་ཤིན་ཏུ་རྣམ་པར་དག་པར་འགྱུར་ཏེ་རི་མོ་དམར་པོ་རྣམས་དང་། མ་འདྲེས་པ་ཉིད་ཀྱི་ཕྱིར་ལ་གང་དཀར་པོ་
D490.086.0077b07.01