完整藏文原文 · 德格版页 当前仅加载第 86 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དག་སྨོས་ཅི་དགོས། །སྔགས་ནི་འདིར། ཨོཾ་ཊཀྐི་ཧཱུཾ་ཛཿ། གསང་སྔགས་འདི་ཡི་སྦྱོར་བ་ཡིས། །དམ་པའི་དོན་དུ་བསྒྲུབ་པར་བྱ། །ལོངས་སྤྱོད་ཇི་སྙེད་ཐམས་ཅད་རྣམས། །དེ་སྙེད་ཐམས་ཅད་རྣམ་པར་སྟེར། །རྡོ་རྗེ་འཛིན་པའི་བསྒྲུབ་པའོ།། །།
D490.086.0048a01.01དབང་ཆེན་དཀྱིལ་འཁོར་ལ་གནས་པའི། །བྱམས་པ་ཆེན་པོའི་བདག་ཉིད་སྐུ། །སྙིང་གར་ཟླ་བའི་གཟུགས་བརྙན་འོད། །རྡོ་རྗེ་འབར་བའི་ཕྲེང་བ་ལྡན། །འཇིག་རྟེན་ཁམས་ནི་འབྱམ་ཀླས་པ། །རང་བཞིན་གཅིག་ཏུ་བྱས་ནས་ནི། །རྡོ་རྗེ་ཡིས་ནི་སྤྲོ་བ་དང་། །དབང་བསྐུར་བ་
D490.086.0048a02.01ཡི་རང་བཞིན་དགེ། །གསེར་གྱི་ཁ་དོག་ལེགས་འབར་བ། །རལ་པའི་ཐོར་ཚུགས་འཛིན་པ་པོ། །རལ་པའི་དབུས་སུ་མཆོད་རྟེན་ཆེ། །དུང་དང་ཀུནྡ་ཟླ་འོད་བཟང་། །བསྒོམས་ནས་སེམས་ཅན་ཐམས་ཅད་ལ། །བརྟན་པའི་དོན་དུ་དབང་བསྐུར་བྱ། །ཡང་ན་སེམས་ཅན་
D490.086.0048a03.01ཐམས་ཅད་ལ། །བུ་གཅིག་ལྟ་བུར་རྣམ་པར་སྤྲོ། །བསྒོམ་པའི་སྦྱོར་བས་བསྒོམས་ན་ནི། །གཉིས་མེད་མ་རྒྱལ་བ་ལས་རྒྱལ། །སྤྲོ་བ་དང་ནི་བསྡུ་བ་དང་། །ཐིམ་སོགས་ཕྱོགས་དབྱེས་རྣམ་པར་དབྱེ། །བྱམས་པས་ཀུན་ཏུ་རྣམ་པར་སྤྲོ། །ཆོས་དབྱིངས་མཉམ་དང་མི་
D490.086.0048a04.01མཉམ་པ། །ཐམས་ཅད་བདག་དང་བདག་གི་བར། །འདས་ཤིང་ཤིན་ཏུ་དྲི་མ་མེད། །རི་རབ་ལྟ་བུར་བརྟན་པའི་སེམས། །འཁྲུལ་པ་མེད་ཅིང་ཡི་གེ་བྲལ། །དེ་ལྟར་སེམས་ནི་བརྟན་བྱས་ནས། །མཉམ་མེད་སེམས་ཅན་ཀུན་དང་མཉམ། །བདག་ཉིད་བྱམས་པ་ཡིན་
D490.086.0048a05.01ནོ་ཞེས། །དགའ་ལྡན་གནས་པའི་ཚུལ་འཛིན་པ། །ཅུང་ཟད་ལི་ཞིང་འཁྱིལ་པའི་སྐྲ། །པདྨ་རཱ་ག་མཚུངས་པའི་འོད། །རིན་ཆེན་སེམས་ནི་རྣམ་དག་པས། །རང་བདག་ཉིད་ནི་བསྒོམ་པར་བྱ། །འདི་ནི་གསང་སྔགས་རང་བཞིན་གྱིས་གྲུབ་པ་ནི། ཨོཾ་ཨ་ཛི་ཏཉྫ་ཡ་སརྦྦ་
D490.086.0048a06.01སཏྭ་ས་མ་ཡཱ་ནུ་ག་ཏ་སྭཱ་ཧཱ། གསང་སྔགས་བདག་ཉིད་རྒྱལ་པོ་འདི། །བྱམས་པ་ཞེས་ནི་གྲགས་པ་སྟེ། །ཆོས་ཀྱི་དབྱིངས་དང་མཚུངས་པར་ཁྱབ། །བྱམས་པའི་ཐུགས་ནི་ཡིད་དུ་འོང་། །དང་པོའི་སྦྱོར་བའི་རྣལ་འབྱོར་གྱིས། །སྒྲུབ་པའི་ཐབས་མཆོག་བསྒོམ་པར་བྱ། །
D490.086.0048a07.01