完整藏文原文 · 德格版页 当前仅加载第 78 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར། །སོ་ཕག་ཚོས་འགྱུར་འདག་གུ་དང་། །ནིར་གུནྜ་དང་བལ་གུལ་ཛ། །སྨྱོ་བྱེད་འདབ་དང་ནི་རྱཱ་ས། །གླ་རྩི་ཙནྡན་ལྡན་པ་དང་། །བཱ་ལི་ཀ་དང་ཙོ་རར་ལྡན། །རང་གིས་ལུས་ནི་དྲིལ་བྱས་ན། །ནད་རྣམས་ཀུན་ལས་རྣམ་གྲོལ་ཞིང་། །དུག་མེད་མདངས་དང་
D373.078.0298a01.01ལྡན་པར་འགྱུར། །འབྲས་བུ་གསུམ་དང་ཙནྡན་གྱི། །ཕྱེ་མར་བཅས་དང་གླ་རྩི་ནི། །བསིལ་དང་ལྷན་ཅིག་ལོ་གཅིག་འཐུངས། །ནད་མེད་རྒས་པའང་མེད་པར་འགྱུར། །འབྲས་བུ་གསུམ་དང་ཙནྡན་ཕྱེ། །གླ་རྩི་ལྷན་ཅིག་བསྟེན་བྱས་ཏེ། །ཟོས་ན་ཟླ་བ་དྲུག་ཙམ་གྱིས། །ཚེ་རིང་
D373.078.0298a02.01གཟུགས་དང་ལྡན་པར་འགྱུར། །གླ་རྩི་འབྲས་བུ་གསུམ་དང་བཅས། །རྡོ་ཡི་སྣོད་དུ་ཡང་དག་གཞག །བགྲངས་ཏེ་གང་གིས་རྟག་འཐུངས་ན། །རྒས་དང་ནད་མེད་ཡང་དག་འབྱུང་། །ཙནྡན་ཀ་ས་ཡི་སྨན་གསུམ། །མི་གང་གིས་ནི་ཟླ་དྲུག་ཟོས། །དེ་ལ་འདོད་པའི་དངོས་གྲུབ་ནི། །
D373.078.0298a03.01འབྱུང་བར་འདིར་ནི་ཐེ་ཚོམ་མེད། །འདི་ནི་བཅུད་ཀྱིས་ལེན་གྱི་ཆོ་ག་རིམ་པར་ཕྱེ་བ་སྟེ་ཉི་ཤུ་རྩ་ལྔ་པའོ།། །།དེ་ནས་གཞན་ཡང་མྱོས་བྱེད་དང་། །བཙོ་བ་ཡང་དག་རབ་བཤད་བྱ། །རྒྱུད་རྣམས་ཀུན་ཏུ་གསང་ཆོ་ག །ཇི་བཞིན་གཞན་ལ་བརྗོད་མི་བྱ། །བདུད་རྩི་
D373.078.0298a04.01བསྐྱེད་པའི་ཆེད་དུ་ནི། །བཤད་ཀྱིས་གནོད་སྦྱིན་བདག་པོ་ཉོན། །ཡེ་ཤེས་རྡོ་རྗེ་མན་ད་རར། །གྲགས་ཏེ་མཁའ་དབྱིངས་འོ་མའི་འཚོ། །འོ་མའི་རྒྱ་མཚོ་མཛེས་པ་ཡི། །བདུད་རྩི་བསྲུབས་པ་ཙམ་གྱིས་ནི། །དེ་ལས་སྐྱེས་པའི་ལྷ་མོ་ཆང་། །བུ་མོ་འདོད་པའི་གཟུགས་ཅན་མ། །ཉི་
D373.078.0298a05.01མ་འཆར་ཀའི་མདོག་འདྲ་ཞིང་། །རྒྱ་སྐྱེགས་ཁུ་བ་ལྟ་བུའི་འོད། །རིན་ཆེན་ཀུན་གྱིས་བརྒྱན་པའི་ལུས། །པདྨའི་མདོག་དང་མཚུངས་པའི་འོད། །ཡི་གེ་མྃ་ལས་བྱུང་བའི་སྐུ། །མཛེས་པའི་ཕྱག་ནི་{བཅྭ་,བཅོ་}བརྒྱད་དེ། །ལྷ་མོ་སྣ་ཚོགས་བཅུད་འཛིན་ཅིང་། །འཇིག་རྟེན་གསུམ་
D373.078.0298a06.01པོ་དབང་སྡུད་མ། །གཡས་པས་རལ་གྲི་མདའ་ལྕགས་ཀྱུ། །ཐོད་པ་རྡོ་རྗེ་རྒྱལ་མཚན་དང་། །དེ་བཞིན་མུ་ཏིག་ཕྲེང་དྲིལ་བུ། །དགུ་པས་མཆོག་ནི་རབ་སྟེར་བའོ། །གཡོན་པའི་ཕྱག་གིས་ཕུབ་དང་གཞུ། །ཞགས་པ་དང་ནི་ཁ་ཊྭཱྃ་ག །རིལ་བ་སྤྱི་བླུགས་མདུང་དང་ནི། །
D373.078.0298a07.01