完整藏文原文 · 德格版页 当前仅加载第 78 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་ཏུ་སྲིད་པས་འབྱུང་བར་མཛད། །སྣ་ཚོགས་སྤྲོས་པའི་རྟོག་པ་མེད། །རྟག་ཏུ་འབྱུང་བ་བདེ་བ་ཆེ། །སྐྱེ་བ་མེད་པའི་རང་བཞིན་གྱིས། །དེ་ལས་སྐྱེ་བ་ཡང་དག་འབྱུང་། །བེམས་པོ་མིན་ཕྱིར་བདག་ཉིད་རིག །མི་ཤེས་རྣམ་པར་མི་མཐོང་བས། །གཟུགས་མེད་གང་དུའང་མི་
D373.078.0267b01.01གནས་ཤིང་། །འགྱུར་བ་མེད་ཕྱིར་བརྟན་པའོ། །ཀུན་རྫོབ་སྐྱེ་བ་འབྱུང་བས་ན། །ཆད་པ་མིན་ཕྱིར་དངོས་མེད་མིན། །ལྷན་ཅིག་སྐྱེས་དགའི་རང་དངོས་སུ། །ཆོས་རྣམས་ཐམས་ཅད་ལྷན་ཅིག་སྐྱེས། །བདག་བྱིན་བརླབ་པ་རང་འབྱུང་བ། །མི་ཤིགས་འཇིག་པ་མེད་པ་སྟེ། །སྐྱེ་
D373.078.0267b02.01བ་མེད་པའི་རོ་མྱོང་བས། །སྒོམ་པ་ཡང་ནི་དེ་ཉིད་དེ། །སྟོང་ཉིད་སོ་སོར་རྟོགས་པས་ན། །བསམ་གཏན་ཤེས་རབ་ཏུ་ཡང་འགྱུར། །ཆོས་ཀུན་ཡོངས་སུ་ཤེས་པ་ཡི། །སྒོམ་པ་དེ་ཉིད་སྒོམ་མེད་པའོ། །རྫོགས་པའི་བྱང་ཆུབ་བདེ་བ་ཆེ། །ཕྱག་རྒྱ་ཆེན་པོ་མཆོག་དེ་བཞིན། །
D373.078.0267b03.01དེ་ཉིད་ཆོས་ལ་འཇུག་པའི་ཕྱིར། །དེ་རྣམས་དབྱེ་བས་རབ་བསྟན་པ། །བླ་མ་དམ་པའི་མན་ངག་གིས། །གསལ་བར་འགྱུར་གྱི་གཞན་དུ་མིན། །སངས་རྒྱས་ཀུན་གྱི་སྡོམ་པ་ནི། །ཨེ་བྃ་ཡི་གེ་ལ་རབ་གནས། །སྐུ་དང་གསུང་དང་ཐུགས་ཀྱི་ལས། །རྣམ་ཀུན་མཆོག་གི་སྡོམ་
D373.078.0267b04.01པའོ། །སྡོམ་པ་བྱང་ཆུབ་བདེ་མཆོག་སྟེ། །བལྟར་མེད་བརྗོད་དུ་མེད་པའོ། །སངས་རྒྱས་ཀུན་གྱི་གསང་བ་ནི། །འདུས་པ་བདེ་བའི་མཆོག་ཡིན་ཏེ། །བདག་བྱིན་བརླབ་པའི་རིམ་པ་འདི། །བླ་མའི་དྲིན་གྱིས་གསལ་བར་འགྱུར། །འདི་ནི་རྫོགས་པའི་རིམ་པ་ངེས་པར་བསྟན་པའི་
D373.078.0267b05.01རིམ་པར་ཕྱེ་བ་སྟེ་གསུམ་པའོ།། །།དེ་ནས་དེ་ཕྱིར་འབྱུང་བ་བཞིའི། །མཚན་ཉིད་ཡང་དག་བཤད་པར་བྱ། །དངོས་པོ་དག་ནི་མ་ལུས་གང་། །དེ་ནི་འབྱུང་བའི་རང་བཞིན་ཏེ། །ས་དེ་ལ་ནི་དངོས་པོ་བརྟེན། །མེས་ནི་ཐམས་ཅད་འཚེད་པར་བྱེད། །ཆུ་ཡིས་འཇིག་
D373.078.0267b06.01པར་བྱེད་པ་སྟེ། །རླུང་གིས་ལྷན་ཅིག་སྐྱོད་པར་བྱེད། །ནམ་མཁའ་ཡུལ་གྱིས་སྟོང་པར་གནས། །དེར་ནི་ཐམས་ཅད་དེ་ལས་སྐྱེ། །གང་དུ་གཅིག་ནི་གནས་པ་དེར། །བཞི་པོ་ཀུན་ཀྱང་ཉེ་བར་གནས། །རྩྭ་ཤིང་ལྗོན་པ་འཁྲིལ་ཤིང་སོགས། །བེམས་པོ་ལྟ་བུའི་རྣམ་ཤེས་ཙམ། །
D373.078.0267b07.01