完整藏文原文 · 德格版页 当前仅加载第 78 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་མི་རྟོག་རང་བཞིན་གྱིས། །འདིར་ནི་འགྲུབ་འགྱུར་ཐེ་ཚོམ་མེད། །གསུམ་པོ་དེ་དག་ནང་ནས་ནི། །གང་འདོད་བརྟུལ་ཞུགས་ལ་བརྟེན་ནས། །ཅུང་ཟད་ནུས་པ་རབ་ཐོབ་ནས། །ཇི་ལྟར་འདོད་པའི་སྤྱོད་པ་སྤྱད། །ལུས་ནི་སྦྱིན་པར་བྱིན་
D373.078.0291a01.01ནས་སུ། །ཕྱི་ནས་སྤྱོད་པ་ཡང་དག་བརྩམ། །སྤྱོད་པས་རྒྱུ་བའི་རྣལ་འབྱོར་པ། །ངེས་པར་དྲི་མ་མེད་འགྱུར་བ། །འདི་ལ་འཁྲུལ་བར་མི་བྱ་སྟེ། །སངས་རྒྱས་རྫུ་འཕྲུལ་བསམ་མི་ཁྱབ། །འདི་ནི་སྤྱོད་པ་ངེས་པར་བསྟན་པའི་རིམ་པར་ཕྱེ་བ་སྟེ་ཉི་ཤུ་རྩ་གཅིག་པའོ།། །།
D373.078.0291a02.01དེ་ནས་གཞན་ཡང་བཤད་བྱ་བ། །རྣལ་འབྱོར་རྒྱུད་ཀྱི་ངེས་པ་དང་། །རྣལ་འབྱོར་མ་ཡི་རྒྱུད་ཀྱི་ཚད། །བཤད་ཀྱིས་གསང་བའི་བདག་པོ་ཉོན། །རྣལ་འབྱོར་རྒྱུད་རྣམས་ཀྱི་ནི་ཚད། །བྱེ་བ་ཕྲག་ནི་དྲུག་ངེས་ཏེ། །དེ་བཞིན་རྣལ་འབྱོར་མ་རྒྱུད་གྲགས། །བྱེ་བ་ཕྲག་ནི་བཅུ་
D373.078.0291a03.01དྲུག་གྲངས། །ཐེག་ཆེན་ལས་གཞན་མདོ་སྡེ་རྣམས། །དུང་ཕྱུར་ཕྲག་བརྒྱད་གསུངས་པ་ཡིན། །དེ་བཞིན་ཕ་རོལ་ཕྱིན་པའི་ཚུལ། །ས་ཡ་དང་ནི་དུང་ཕྱུར་ལྔ། །འདི་དག་ཐམས་ཅད་ཐུབ་དབང་པོ། །སྐུ་གསུམ་བདག་ཉིད་ཅན་གྱིས་གསུངས། །བདེ་བར་གཤེགས་
D373.078.0291a04.01པས་བསྟན་པའོ། །འདུལ་བའི་གནས་ལ་སོགས་པ་ཀུན། །ཉན་ཐོས་བདག་ཉིད་ལ་བསྟན་པའོ། །སྣ་ཚོགས་མདོ་སྡེའི་རྣམ་བཤད་ཆེ། །བྱང་ཆུབ་སེམས་དཔའི་བསྟན་པའོ། །རྣལ་འབྱོར་རྣལ་འབྱོར་མ་ཡི་རྒྱུད། །གསང་བ་སངས་རྒྱས་སྤྱོད་ཡུལ་ཏེ། །ཤེས་རབ་
D373.078.0291a05.01ཐབས་བདག་རྣལ་འབྱོར་གྱིས། །བདེ་བ་ཆེན་པོ་བསྒོམ་པ་ཡིས། །ཆོས་དང་ལོངས་སྤྱོད་རྫོགས་སྤྲུལ་པའི། །སངས་རྒྱས་མྱུར་དུ་ཐོབ་པའི་ཕྱིར། །སེམས་ཅན་བསོད་ནམས་དམན་རྣམས་ལ། །ལྷ་ཡི་བདག་ཉིད་ཅན་གྱིས་གསུངས། །དེ་ནས་གཞན་ཡང་རབ་གནས་
D373.078.0291a06.01ཀྱིས། །ཆོ་ག་ཕ་རོལ་སོན་བཤད་བྱ། །སྔར་བཤད་མཚན་ཉིད་དང་ལྡན་པ། །སློབ་དཔོན་དུ་ནི་ཡོངས་སུ་བརྟག །ལུགས་མའམ་མངོན་པར་འདུ་བྱས་པའི། །སྐུ་གཟུགས་ལ་སོགས་པ་རྣམས་ནི། །རབ་གནས་དོན་དུ་ས་སྦྱང་ཞིང་། །བླ་རེ་རྒྱལ་མཚན་བ་དན་
D373.078.0291a07.01