完整藏文原文 · 德格版页 当前仅加载第 78 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ནི། །ཕྱག་ན་སྣ་ཚོགས་མཚོན་ཆ་ཅན། །ཁྲོ་བོའི་ཚོགས་ནི་སྤྲོ་བྱས་ལ། །མཚོན་ཆས་གསོད་པར་རྣམ་བསམ་སྟེ། །དུམ་བུ་དྲུག་ཏུ་གཏུབས་ནས་ནི། །ཚིལ་དང་རྐང་དང་ཞག་དང་ཤ། །ཟ་དང་འཐུང་བར་བྱེད་པ་དང་། །དེ་བཞིན་དུ་ནི་ཁྲག་ཀྱང་འཐུང་། །
D373.078.0278a01.01རལ་གྲི་དབྱུག་ཏོ་གཏུན་ཤིང་དང་། །དགྲ་སྟ་འཁོར་ལོ་ཐོ་བ་ཡིས། །བསྒྲུབ་བྱ་ལ་ནི་རྡེག་ཅིང་གཏུབ། །དུམ་བུ་བརྒྱར་ནི་གཤེག་པར་བྱེད། །ཁྭ་དང་འུག་པ་བྱ་རྒོད་དང་། །ཅེ་སྤྱང་སྲིན་པོ་མཁའ་འགྲོ་མ། །དེ་རྣམས་ཁྲོས་པའི་ཡིད་ཀྱིས་ནི། །ཟ་བ་དང་ནི་འཐུང་བར་བྱེད། །ཡི་གེ་
D373.078.0278a02.01ཧཱུྃ་ཕཊ་དང་སྤེལ་བའི། །སྔགས་དང་དེ་ཡིས་བཟླ་བྱས་ཏེ། །དཀོན་མཆོག་གསུམ་ལ་གནོད་བྱེད་པའི། །དགྲ་ཡི་ཚོགས་རྣམས་གསད་པར་བྱ། །ཨེ་མའོ་གང་ཕྱིར་བསད་པའི་ལས། །བསད་པར་འགྱུར་ཀྱང་མ་བསད་དེ། །འཁོར་བའི་རྣམ་པར་རྟོག་པ་ཙམ། །དེ་བཞིན་
D373.078.0278a03.01ཉིད་དུ་ཡིད་ཀྱིས་རྟོགས། །དེ་ནས་ཡི་གེ་ཕཊ་སྤེལ་བའི། །འཁོར་ལོ་གཉིས་ནི་བྲི་བྱས་ཏེ། །བསྒྲུབ་བྱའི་མིང་ནི་ཡང་དག་བླང་། །སྔགས་ཀྱིས་སྦྱར་ཏེ་བྲི་བར་བྱ། །རྟ་དང་མ་ཧེ་མཉམ་ཞོན་པའི། །བསྒྲུབ་བྱ་བལྟས་ཏེ་ཡང་དག་བྲིས། །ཐོད་པ་ཁ་སྦྱར་ནང་གཞག་སྟེ། །སྲད་བུ་སྔོན་
D373.078.0278a04.01པོས་དཀྲི་བར་བྱ། །ཁྲོ་བའི་སེམས་ཀྱིས་ཉི་ཕྱེད་དམ། །མཚན་མོ་དེ་ཡི་ཁྱད་པར་ལ། །རབ་ཏུ་གཏུམ་པའི་བཞི་མདོ་འམ། །དུར་ཁྲོད་འཇིགས་པའི་དབུས་སུ་ནི། །གསང་ནས་བརྐོས་ཏེ་གཞུག་པར་བྱ། །སྔར་བཤད་ཆོ་ག་བཞིན་དུ་མཆོད། །རྟ་དང་མ་ཧེ་དག་འཐབས་
D373.078.0278a05.01པས། །དེ་ཡི་མོད་ལ་འབྱེད་པར་བྱེད། །གཉིས་ཀ་ཁྲོ་ཞིང་ཁྲོ་བས་འཇིགས། །གཡུལ་འགྱེད་པ་ཡི་བདག་ཉིད་ཆེ། །ཕན་ཚུན་རྩོད་པ་བྱེད་པས་ནི། །རྣམ་པར་སྡང་འགྱུར་གཞན་དུ་མིན། །ཡི་གེ་ཧཱུྃ་ཕཊ་རྣམ་སྤེལ་བའི། །ཆོ་ག་འདི་ཉིད་ཀྱིས་འདིར་བྲི། །སྔགས་དང་བསྒྲུབ་
D373.078.0278a06.01བྱ་མཉམ་ལྡན་པས། །དུར་ཁྲོད་རས་ལ་བྲིས་ནས་ནི། །ཐོད་པ་ཁ་སྦྱར་ནང་བཞག་སྟེ། །སྲད་བུ་ནག་པོས་དཀྲིས་ནས་ནི། །ཧེ་རུ་ཀར་ནི་བསྒོམས་ནས་སུ། །རོ་བསྲེགས་ས་བརྐོས་སྦ་བར་བྱ། །མདུན་དུ་ཡྃ་ལས་བྱུང་བའི་རླུང་། །གཞུ་ཡི་དབྱིབས་ཅན་དབུས་གནས་ཤིང་། །ཁ་
D373.078.0278a07.01