完整藏文原文 · 德格版页 当前仅加载第 78 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྔགས་བཟླས་ན། །དེ་མ་ཐག་ཏུ་ཞི་བ་དང་། །བདེ་ལེགས་སྐྱིད་དང་ཚེ་རིང་འགྱུར། །རིམས་ནད་དུག་དང་འཚེ་བ་ལ། །ལག་པ་གཡོན་པར་བསྒོམ་བྱ་སྟེ། །འཁོར་ལོ་ཙནྡན་གྱིས་བྲིས་ལ། །མེ་ཏོག་བདུག་པ་མཆོད་པར་བྱ། །བསྒྲུབ་བྱ་ཤར་དུ་ཁ་བསྟན་ཏེ། །མཁས་
D373.078.0276b01.01པ་ཡིས་ནི་སྦྱར་བྱ་བ། །གཏོར་མ་ཆུ་དང་དེ་བཞིན་མེ། །དེ་ཡི་དབུས་སུ་དཱུར་བའམ། །རྨ་བྱའི་སྒྲོ་འམ་ཀུ་ཤའི་ཆུས། །ཁྱད་པར་དུ་ནི་དེ་ལ་བྱབ། །གསང་སྔགས་འདི་ནི་གཙོ་བོ་མཆོག །ཞི་སོགས་ཆོ་ག་རིམ་བཞིན་བྱེད། །གུར་གུམ་དྲི་བཟང་བསྲེས་པ་ཡིས། །རྒྱས་པའི་
D373.078.0276b02.01འཁོར་ལོ་བྲི་བྱ་སྟེ། །སྭཱ་ཧཱའི་ཡི་གེ་དང་སྤེལ་བར། །ཁམ་ཕོར་གཉིས་ལ་བྲིས་ནས་ནི། །སྲད་བུ་སེར་པོས་དཀྲི་བྱས་ལ། །མར་དང་སྦྲང་རྩིའི་ནང་དུ་གཞུག །བྱང་དུ་ཁ་བལྟས་ཐུན་གསུམ་དུ། །ཁ་དོག་སེར་པོར་བསྒོམ་བྱས་ལ། །ཟླ་བའི་དཀྱིལ་འཁོར་སེར་པོ་ལ། །བསྒྲུབ་
D373.078.0276b03.01བྱ་གནས་པར་མཁས་པས་བསམ། །བདུད་རྩི་སེར་པོས་དབང་བསྐུར་ཞིང་། །མེ་ཏོག་སེར་པོས་མཆོད་པར་བྱ། །རྣམ་པར་མི་རྟོག་སེམས་ཀྱིས་ནི། །རྒྱས་པའི་བསམ་པས་བཟླ་བྱ་སྟེ། །ཆེ་གེ་མོ་བཽཥྚི་ཀཾ་ཀུ་རུ་སྭཱ་ཧཱ། །བཽ་ཥཊ་སྔགས་ཀྱིས་སྤེལ་བར་བྱ། །ནོར་དང་འབྲུ་
D373.078.0276b04.01རྣམས་འཕེལ་བ་དང་། །དཔལ་དང་བཀྲ་ཤིས་མཉམ་པར་འཇུག །ལས་ཀྱི་སྦྱོར་བ་འདི་ཡིས་ནི། །རྒྱས་པར་འགྱུར་ཏེ་གཞན་དུ་མིན། །ཙནྡན་དམར་དང་སེན་རྩི་དང་། །མིང་མེད་ཀྱི་ནི་ཁྲག་བསྲེས་ཏེ། །རས་སམ་གྲོ་གའི་འདབ་མ་འམ། །ཁམ་ཕོར་སོ་ནི་མ་
D373.078.0276b05.01བཏང་བཟུང་། །ཡི་གེ་ཧོཿདང་སྤེལ་བ་ཡིས། །འཁོར་ལོ་གཉིས་ནི་མཉམ་པར་བྲི། །སྲད་བུ་དམར་པོས་བཅིངས་ནས་ནི། །མེ་ཏོག་དམར་པོས་མཆོད་པར་བྱ། །མར་དང་སྦྲང་རྩིའི་དབུས་གཞག་ལ། །ནུབ་ཀྱི་ཕྱོགས་སུ་ཁ་བལྟས་ཏེ། །ཁ་དོག་དམར་པོར་བསྒོམ་བྱས་
D373.078.0276b06.01ལ། །དཀྱིལ་འཁོར་དམར་པོ་ལ་གནས་པའི། །བསྒྲུབ་བྱ་ཆགས་པར་རྣམ་པར་བསམ། །རྟག་ཏུ་ཡིག་བདུན་འབྱུང་བ་ནི། །རྒྱུན་མི་འཆད་པར་བཟླས་བྱ་སྟེ། །མྱོས་པར་འགྱུར་བས་ཞབས་དྲུང་ལྷུང་། །དེ་ནི་གྲུབ་པར་རྣམ་པར་བསམ། །གལ་ཏེ་དབང་དུ་འོང་བར་མ་
D373.078.0276b07.01